ಆಸ್ಪತ್ರೆ ಸೇರಿದ ಶೋಭಾ ಡೇ ಟ್ವೀಟ್ ಖ್ಯಾತಿಯ ದಢೂತಿ ಪೊಲೀಸ್ !
ಲೇಖಕಿ ಶೋಭಾ ಡೇ ಅವರ ಟ್ವಿಟ್ಟರ್ ಪೋಸ್ಟ್ ನಿಂದಾಗಿ ಜನಪ್ರಿಯತೆ ಪಡೆದುಕೊಂಡ ಪೊಲೀಸ್ ಇನ್ಸ್ ಪೆಕ್ಟರ್ ಈಗ ಸ್ಥೂಲಕಾಯ ಕಳೆದುಕೊಳ್ಳಲು ಆಸ್ಪತ್ರೆ ಸೇರಿದ್ದಾರೆ.
ಮುಂಬೈ, ಫೆಬ್ರವರಿ 28: ಲೇಖಕಿ ಶೋಭಾ ಡೇ ಅವರ ಟ್ವಿಟ್ಟರ್ ಪೋಸ್ಟ್ ನಿಂದಾಗಿ ಜನಪ್ರಿಯತೆ ಪಡೆದುಕೊಂಡ ಪೊಲೀಸ್ ಇನ್ಸ್ ಪೆಕ್ಟರ್ ಈಗ ಸ್ಥೂಲಕಾಯ ಕಳೆದುಕೊಳ್ಳಲು ಆಸ್ಪತ್ರೆ ಸೇರಿದ್ದಾರೆ.
ಮಧ್ಯಪ್ರದೇಶದ ದಢೂತಿ ದೇಹದ ಪೊಲೀಸ್ ಇನ್ಸ್ಪೆಕ್ಟರ್ ದೌಲತ್ ರಾಮ್ ಜೋಗಾವತ್ (58) ಅವರು ತಮ್ಮ ಭಾರೀ ತೂಕ ಇಳಿಸಿಕೊಳ್ಳಲು ಬ್ಯಾರಿಯಾಟ್ರಿಕ್ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ. [ಪೊಲೀಸರನ್ನು ಅಣಕಿಸಲು ಹೋಗಿ ತಿರುಗೇಟು ತಿಂದ ಲೇಖಕಿ]
ಮುಂಬೈಗೆ ಆಗಮಿಸಿದ ದೌಲತ್ ರಾಮ್ ಅವರಿಗೆ ಸೈಫಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀದಲಾಗುತ್ತಿದೆ. ಸುಮಾರು 185 ಕೆಜಿ ತೂಕದ ಇವರ ಚಿತ್ರಗಳು ಕಳೆದ ಮೂರು ವರ್ಷಗಳಿಂದ ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿತ್ತು. ಆದರೆ, ಶೋಭಾ ಡೇ ಟ್ವೀಟ್ ನಂತರ ದೌಲತ್ ರಾಮ್ ಯಾರು ಎಂಬುದು ಎಲ್ಲರಿಗೂ ತಿಳಿದು ಬಿಟ್ಟಿತು.
ಹಾರ್ಮೋನ್ ವ್ಯತ್ಯಾಸದಿಂದ ನನಗೆ ಈ ಸಮಸ್ಯೆ ಬಂದಿದೆ ಇದು ನನ್ನ ತಪ್ಪಲ್ಲ. 1993ರಲ್ಲಿ ಗಲ್ ಬ್ಲಾಡರ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದೆ. ಶೋಭಾ ಡೇ ಅವರ ಟ್ವೀಟ್ ಬಗ್ಗೆ ಅಸಮಾಧಾನವಿದೆ ಎಂದು ಇನ್ಸ್ ಪೆಕ್ಟರ್ ಜೋಗೆವಾತ್ ಹೇಳಿಕೊಂಡಿದ್ದಾರೆ.[ತೂಕ ಇಳಿಸಲು ಮುಂಬೈಗೆ ಬಂದ 500ಕೆಜಿ ತೂಕದ ಮಹಿಳೆ]
ಡೊಳ್ಳು ಹೊಟ್ಟೆಯ ಪೇದೆಯ ಚಿತ್ರವನ್ನು ಹಾಕಿ 'ಹೆವಿ ಬಂದೋಬಸ್ತ್' ಎಂದು ಡೇ ಅವರು ಕಾಮಿಡಿ ಮಾಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ್ದ ಮುಂಬೈ ಪೊಲೀಸರು, ಈ ಫೋಟೋದಲ್ಲಿರುವ ವ್ಯಕ್ತಿ ಮುಂಬೈ ಪೊಲೀಸ್ ಇಲಾಖೆಗೆ ಸೇರಿಲ್ಲ. ಮಧ್ಯಪ್ರದೇಶದವರಿರಬಹುದು. ಜವಾಬ್ದಾರಿಯುತ ನಾಗರಿಕರಾದ ನೀವು ಈ ರೀತಿ ಟ್ವೀಟ್ ಮಾಡುವ ಮೊದಲು ಪರಿಶೀಲಿಸಿ ಎಂದು ಮುಂಬೈ ಪೊಲೀಸ್ ಅವರು ಟ್ವೀಟ್ ಮಾಡಿದ್ದರು. (ಪಿಟಿಐ)
Click it and Unblock the Notifications
Sign in with Google