ಮೂಲ್ಕಿಯಲ್ಲೊಬ್ಬರು ಅಮೆರಿಕಾದಿಂದ ಬಂದ 'ಸರ್ಫಿಂಗ್ ಸ್ವಾಮಿ'
ಮಂಗಳೂರು, ಮೇ 30: ನೀರಿನಲ್ಲಿ ಆಟ ಆಡುವುದೆಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ. ಎಲ್ಲಾ ಮಕ್ಕಳಿಗೂ ಸಣ್ಣ ವಯಸ್ಸಿನಲ್ಲಿ ನೀರಿನಲ್ಲಿ ಆಟ ಆಡುವುದೆಂದರೆ ಪಂಚಪ್ರಾಣ. ಈ ಬಗ್ಗೆ ಪ್ರಪಂಚದಾದ್ಯಂತ ಆಟಗಳೂ ಇವೆ. ಇದರಲ್ಲಿ ಸರ್ಫಿಂಗ್ ಕೂಡಾ ಒಂದು. ಸರ್ಫಿಂಗ್ ಒಂದು ರೋಮಾಂಚಕಾರಿ ಜನಪ್ರಿಯ ಆಟ.
ಈ ಆಟಕ್ಕೆ ಮಂಗಳೂರಿನ ಮೂಲ್ಕಿಯಲ್ಲೊಬ್ಬರು "ಸರ್ಫಿಂಗ್ ಸ್ವಾಮಿ" ಅಂತಾನೇ ಖ್ಯಾತಿ ಹೊಂದಿದವರಿದ್ದಾರೆ. ಇವರು ಮೂಲತಃ ಅಮೆರಿಕಾದವರು. ಅವರ ಹೆಸರು ಜ್ಯಾಕ್ ಹೆಬ್ನಾರ್ ಅಂತ. ಅಮೇರಿಕಾದ ಜ್ಯಾಕ್ಸೋನ್ವಿಲ್ ಎಂಬ ಊರಿನವರು.[ದೇಶದ ಅತಿ ದೊಡ್ಡ ಸರ್ಫಿಂಗ್ ಸಾಹಸಕ್ಕೆ ಸಜ್ಜಾದ ಸಸ್ಲಿಹಿತ್ಲು]
ತಮ್ಮ ಎಳವೆಯಲ್ಲೇ ಸರ್ಫಿಂಗ್ ಕ್ರೀಡೆಯ ಬಗ್ಗೆ ಹುಚ್ಚು ಹತ್ತಿಸಿಕೊಂಡವರು ಜ್ಯಾಕ್. 1970ರ ಹೊತ್ತಿಗೆ ಭಾರತದ ಧಾರ್ಮಿಕತೆಯತ್ತ ಆಕರ್ಷಿತರಾಗಿ ಚೆನ್ನೈಗೆ ಬಂದರು.
'ಮಂತ್ರ' ಸರ್ಫಿಂಗ್ ಕ್ಲಬ್ನ ಸ್ಥಾಪಕರು
ಜ್ಯಾಕ್ ಹೇಳುವಂತೆ ಅವರಿಗೆ ಮೊದಲಿನಿಂದಲೂ ಪರಿಸರದತ್ತ ಹೆಚ್ಚು ಒಲವು. ಅದರಲ್ಲೂ ಕಡಲಬದಿಗೆ ಮುಕುಟದಂತಿರುವ ಬಾನೆತ್ತರದ ತೆಂಗಿನ ಮರಗಳೆಂದರೆ ಬಲು ಇಷ್ಟ. "ನಾನು ಚೆನ್ನೈನ ಕಡಲ ತೀರದಲ್ಲಿ ಸರ್ಫಿಂಗ್ ಕ್ರೀಡೆಯನ್ನು ಆಟವಾಡುತ್ತಾ ಸಮುದ್ರದಿಂದ ಮೇಲೆ ಬರುವಾಗ ಒಂದೇ ಒಂದು ತೆಂಗಿನ ಮರಗಳು ನನ್ನನ್ನು ಸ್ವಾಗತಿಸುತ್ತಿರಲಿಲ್ಲ. ಆದ್ದರಿಂದ ಕಡಲ ಬದಿಯಲ್ಲಿ ತೆಂಗಿನ ಮರಗಳಿರುವ ಹೊಸ ಜಾಗ ಹುಡುಕುವಾಗ ಸಿಕ್ಕಿದ್ದೇ ಮೂಲ್ಕಿ ಎಂಬ ಊರು. 70ರ ದಶಕದಲ್ಲಿ ಭಾರತದಲ್ಲಿ ಸರ್ಫಿಂಗ್ ಕ್ರೀಡೆ ಹೆಚ್ಚು ಪ್ರಸಿದ್ದಿಯಾಗಿರಲಿಲ್ಲ. ಅದೇ ಹೊತ್ತಿಗೆ ಈ ಕ್ರೀಡೆಯ ಬಗ್ಗೆ ತಿಳುವಳಿಕೆ ಮತ್ತು ತರಬೇತಿ ನೀಡುವ ದೃಷ್ಟಿಯಿಂದ 'ಮಂತ್ರ' ಎಂಬ ಸರ್ಫಿಂಗ್ ಕ್ಲಬ್ ತೆರೆದೆ," ಎನ್ನುತ್ತಾರೆ ಜ್ಯಾಕ್ ಹೆಬ್ನಾರ್.
ಬಿಕೋ ಎನ್ನುತ್ತಿದ್ದ ಕ್ಲಬ್
ಆರಮಭದಲ್ಲಿ ತಾನು 'ಮಂತ್ರ' ಕ್ಲಬ್ ತೆರೆದು ಹಲವು ವರ್ಷಗಳವರೆಗೆ ಯಾರೂ ನನ್ನತ್ತ ಸುಳಿಯಲಿಲ್ಲ. ನಂತರ ಈ ಬಗ್ಗೆ ತಾನೇ ಶಾಲಾ-ಕಾಲೇಜುಗಳಿಗೆ ಹೋಗಿ ಈ ಆಟದ ಬಗ್ಗೆ ಜಾಗೃತಿ ಮೂಡಿಸಿದೆ. ಅಷ್ಟಾದರೂ ಯಾವುದೇ ಮಕ್ಕಳನ್ನು ಈ ಕ್ರೀಡೆಗೆ ಕಳುಹಿಸುತ್ತಿರಲಿಲ್ಲ. ಕಾಲಕ್ರಮೇಣ ಅಲ್ಲೊಬ್ಬರು ಇಲ್ಲೊಬ್ಬರು ಇದರತ್ತ ಆಕರ್ಷಿತಾದರು.[ಇಂಡಿಯನ್ ಓಪನ್ ಸರ್ಫಿಂಗ್: 2ನೇ ದಿನ ಚೆನ್ನೈ ಸರ್ಫರ್ ಗಳ ಪಾರಮ್ಯ]
ಈಗಾಗಲೇ ಈ ಕ್ಲಬ್ಗೆ ಮಂಗಳೂರು ಮತ್ತು ಮೈಸೂರಿನಿಂದ ಸದಸ್ಯರಿದ್ದಾರೆ. ಕಳೆದ ವರ್ಷ ಬೆಂಗಳೂರು, ಮುಂಬೈ, ಪುಣೆಯಿಂದ 1000 ವಿದ್ಯಾರ್ಥಿಗಳು ಸರ್ಫಿಂಗ್ ತರಬೇತಿಗಾಗಿ ಬಂದಿದ್ದರು ಎನ್ನುತ್ತಾರೆ ಜ್ಯಾಕ್.
ಒಂದು ಧಾರ್ಮಿಕ ಅನುಭವ
ಹೆಬ್ನರ್ ಪ್ರಕಾರ ಸರ್ಫಿಂಗ್ ಎನ್ನುವುದು ಒಂದು ಧಾರ್ಮಿಕ ಅನುಭವ. ಹಣಕ್ಕಾಗಿ ಅದನ್ನು ಮಾಡಿದರೆ ಅದರಿಂದ ಪ್ರೇರಣೆ ಸಿಗದು. ನನ್ನ ಗುರುಗಳೂ ಸಹ ಇದೊಂದು ಧಾರ್ಮಿಕ ಅನುಭವ ಎಂದು ತಿಳಿಸಿಕೊಟ್ಟಿದ್ದಾರೆ. ಆದ್ದರಿಂದ ಇಲ್ಲಿನ ಸ್ಥಳೀಯ ಮಕ್ಕಳಿಗೆ ಇದರ ಬಗ್ಗೆ ಹೇಳಿಕೊಡುತ್ತಿದ್ದೇನೆ.
ಜ್ಯಾಕ್ ಹೆಬ್ನಾರ್ಗೆ ಸರ್ಫಿಂಗ್ ಸ್ವಾಮಿ ಅಂತ ಹೆಸರು ಕೊಟ್ಟಿರುವುದೇ ಇಲ್ಲಿನ ಜನ. ಸರ್ಫಿಂಗ್ನಲ್ಲಿ ಹೆಚ್ಚು ಪರಿಣಿತಿ ಹೊಂದಿದ ಮತ್ತು ಅತ್ಯಂತ ಧಾರ್ಮಿಕ ಮನೋಭಾವದಿಂದ ಈ ಕ್ರೀಡೆಯನ್ನು ಪೂಜಿಸುತ್ತಿರುವುದರಿಂದ ಈ ಹೆಸರು ಬಂತು ಎನ್ನುತ್ತಾರೆ ಸ್ಥಳೀಯರೊಬ್ಬರು.[ಮಂಗ್ಳೂರಿನ ಫಲ್ಗುಣಿ ನದಿ ಬಳಿ ತಲೆಯೆತ್ತಲಿದೆ ಸಾಹಸ ಕ್ರೀಡೆಗಳ ತಾಣ]
ಸರ್ಫಿಂಗ್ಗೆ ಹೇಳಿ ಮಾಡಿಸಿದ ಜಾಗ
ವಿದೇಶಗಳಲ್ಲಿರುವಂತೆ ಭಾರತದಲ್ಲಿ ಸರ್ಫಿಂಗ್ ಬಗ್ಗೆ ಅಷ್ಟೊಂದು ಆಸಕ್ತಿ ಇಲ್ಲ. ಭಾರತೀಯರು ರಜಾ ದಿನಗಳಲ್ಲಿ ಬೀಚ್ ಬದಿಗೆ ಹೋಗಿ ಕಾಲ ಕಳೆಯುತ್ತಾರೆ. ಈ ಪ್ರದೇಶದಲ್ಲಿ ಜನರೂ ಅತ್ಯಂತ ವಿರಳ ಹಾಗೂ ಶಾರ್ಕ್ನಂತಹ ದೈತ್ಯ ಮೀನುಗಳಿಲ್ಲದಿರುವುದರಿಂದ ಭಾರತ ಸರ್ಫಿಂಗ್ಗೆ ಹೇಳಿ ಮಾಡಿಸಿದ ಜಾಗ ಎನ್ನುತ್ತಾರೆ ಜ್ಯಾಕ್ ಹೆಬ್ನಾರ್
'ಮಂತ್ರ' ಕ್ಲಬ್ ಬಗ್ಗೆ ಒಂದಿಷ್ಟು
ಈ ಕ್ಲಬ್ ಹೋಮ್ ಸ್ಟೇ ಆಗಿ ನೋಂದಣಿಯಾಗಿದ್ದು, ಸರಕಾರಕ್ಕೆ ತೆರಿಗೆ ಕಟ್ಟುತ್ತಿದೆ. ಜೊತೆಗೆ ಪ್ರಮಾಣಿಕೃತ ತರಬೇತುದಾರರು ಇಲ್ಲಿ ಆಸಕ್ತರಿಗೆ ತರಬೇತಿ ನೀಡುತ್ತಾರೆ. ಅತ್ಯಂತ ಸುರಕ್ಷಿತವಾಗಿ ತರಬೇತಿ ನೀಡುತ್ತಿದ್ದಾರೆ. ಈಗ ಹೆಣ್ಣುಮಕ್ಕಳೂ ಈ ಬಗ್ಗೆ ಆಸಕ್ತಿ ಹೊಂದಿ ಸರ್ಫಿಂಗ್ ಬಗ್ಗೆ ತರಬೇತಿ ಪಡೆಯುತ್ತಿದ್ದಾರೆ.
-
SSLC ವಿಜ್ಞಾನ ಪರೀಕ್ಷೆ ಮುಕ್ತಾಯ: ಪೇಪರ್ ಹೇಗಿತ್ತು? ತಜ್ಞರು ಹಾಗೂ ವಿದ್ಯಾರ್ಥಿಗಳು ಏನಂತಾರೆ? ಇಲ್ಲಿದೆ ವಿಶ್ಲೇಷಣೆ -
Bengaluru Second Airport: ಬೆಂಗಳೂರು ಎರಡನೇ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ: ಜಾಗ ಆಯ್ಕೆ ಕರ್ನಾಟಕಕ್ಕೆ ಬಿಟ್ಟ ಕೇಂದ್ರ -
Weekly Horoscope March 23-29: ಯಾರಿಗೆ ಲಾಭ, ಯಾರಿಗೆ ಸವಾಲು? ಸಂಪೂರ್ಣ ವಿವರ ಇಲ್ಲಿದೆ -
Karnataka weather: ಬೆಂಗಳೂರು ಸೇರಿದಂತೆ 10ಕ್ಕೂ ಹೆಚ್ಚು ಜಿಲ್ಲೆಗಳಲ್ಲಿ ಮಳೆ ಮುನ್ಸೂಚನೆ ನೀಡಿದ IMD -
Bengaluru Property: ಬೆಂಗಳೂರಿನ ಪ್ರಾಪರ್ಟಿ, ನಿರ್ಮಾಣ ಹಂತದ ಕಟ್ಟಡ - ರಿಯಲ್ ಎಸ್ಟೇಟ್ಗೆ ಏಕಾಏಕಿ ಪೆಟ್ಟು -
Jobs: ಆಯುಷ್ ಇಲಾಖೆ ನೇಮಕಾತಿ; ಬಿ.ಕಾಂ, ಬಿಬಿಎ ಓದಿದವರಿಗೆ ಬೆಂಗಳೂರಿನಲ್ಲಿ ಭರ್ಜರಿ ಉದ್ಯೋಗಾವಕಾಶ -
March 23 Horoscope: ಈ 3 ರಾಶಿಗಳಿಗೆ ಭಾರಿ ಲಾಭ! ಉಳಿದವರು ಜಾಗ್ರತೆ -
SWR: ಶಿವಮೊಗ್ಗ, ಅರಸೀಕೆರೆ, ಮೈಸೂರು ರೈಲು ಪ್ರಯಾಣಿಕರೇ ಗಮನಿಸಿ: ರೈಲುಗಳ ಪುನರ್ ಸಂಚಾರ -
ಷೇರು ಪೇಟೆ ಧೂಳೀಪಟ: ಹೂಡಿಕೆದಾರರಿಗೆ 10 ಲಕ್ಷ ಕೋಟಿ ಲಾಸ್; ಸೆನ್ಸೆಕ್ಸ್, ನಿಫ್ಟಿ ಶೇ. 2.4ರಷ್ಟು ಇಳಿಕೆ! -
ಏ.1ರಿಂದ ಅರಣ್ಯ ಇಲಾಖೆ ಹೊರಗುತ್ತಿಗೆ ನೌಕರರಿಂದ ಮುಷ್ಕರ: ಈಶ್ವರ್ ಖಂಡ್ರೆ ಮಹತ್ವದ ಸೂಚನೆ -
'ಧುರಂಧರ್ 2' ರಣವೀರ್ ಸಿಂಗ್ ಎಂಟ್ರಿ ದೃಶ್ಯ ಮರುಸೃಷ್ಟಿಸಿದ ಯೂಟ್ಯೂಬರ್: 13 ಮಿಲಿಯನ್ ವೀಕ್ಷಣೆ ಪಡೆದ Viral Video -
Video: ಬೆಂಗಳೂರು ರಸ್ತೆಯಲ್ಲಿ ಯುವಕರ 'ಬಿಯರ್' ದರ್ಬಾರ್: ಬೈಕ್ನಲ್ಲೇ ಟ್ರಿಪಲ್ ರೈಡಿಂಗ್ ಜತೆ ಮದ್ಯಪಾನ
Click it and Unblock the Notifications
Sign in with Google