ಕಳ್ಳತನವಾಗುವ ಭಯ: ಟೊಮೇಟೊ ಹೊಲಕ್ಕೆ ಕಾವಲು ನಿಂತ ರೈತ!
ಬೆಂಗಳೂರು, ಜುಲೈ 13: ಹೆಚ್ಚುತ್ತಿರುವ ಟೊಮೇಟೊ ಬೆಲೆ ಮತ್ತು ಬೆಳೆಯ ಕಳ್ಳತನವಾಗುತ್ತಿರುವುದರಿಂದ ರಾಜ್ಯದ ಬೆಳೆಗಾರರು ತಮ್ಮ ಜಮೀನಿನಲ್ಲಿ ಟೆಂಟ್ಗಳನ್ನು ಹಾಕುವ ಮೂಲಕ ಬೆಳೆಯನ್ನು ಹಗಲು ರಾತ್ರಿ ಕಾಯಲು ನಿರತರಾಗಿದ್ದಾರೆ ಎಂದು ಡಿಎಚ್ ವರದಿ ಮಾಡಿದೆ.
ದಾವಣಗೆರೆ ತಾಲೂಕಿನ ನೀರ್ತಾಡಿ ಗ್ರಾಮದ ರೈತನೊಬ್ಬ ತನ್ನ ಎರಡು ಎಕರೆ ಜಮೀನಿನಲ್ಲಿ ಟೊಮೇಟೊ ಬೆಳೆದಿದ್ದು, ಈಗಾಗಲೇ ಸುಮಾರು 50 ಕೆಜಿ ಮಾರಾಟ ಮಾಡಿದ್ದಾರೆ. ಮಾರುಕಟ್ಟೆಯಲ್ಲಿ ಟೊಮೇಟೊ ಬೆಲೆ ಗಗನಕ್ಕೇರುತ್ತಿದ್ದು, ಹಲವೆಡೆ ಟೊಮೇಟೊ ಕಳ್ಳತನ ಹಾಗೂ ಬೆಳೆ ಹಾನಿಯಿಂದ ಬೆಳೆಯನ್ನು ರಕ್ಷಿಸಲು ಅವರು ಮುಂದಾಗಿದ್ದಾರೆ. ಈ ಬಂಪರ್ ಬೆಳೆ ಕಳುವಾಗದಂತೆ, ಹಾನಿಯಾಗದಂತೆ ನೋಡಿಕೊಳ್ಳಲು ರಾತ್ರಿ ವೇಳೆ ಜಮೀನಿನಲ್ಲಿ ಟೆಂಟ್ ಹಾಕಿ ಮಲಗಿದ್ದಾರೆ.
ಸಾಮಾನ್ಯವಾಗಿ 25 ಕೆ.ಜಿ.ಗೆ ಟೊಮೆಟೊ ಬೆಲೆ ಮಾರುಕಟ್ಟೆಯಲ್ಲಿ 800 ಅಥವಾ 1,000 ರೂ. ಇತ್ತು. ಆದರೆ ಈ ಬಾರಿ 2,000 ರೂಪಾಯಿಗಿಂತಲೂ ಹೆಚ್ಚು ಬೆಲೆ ದಾಟಿದೆ. ಕೊಡಗಾನೂರು ಮತ್ತು ಇತರ ಗ್ರಾಮಗಳಲ್ಲಿ ಟೊಮೇಟೊ ಕಳ್ಳತನವಾಗಿರುವ ವರದಿಯಾಗಿದೆ. ಹಾಗಾಗಿ ಇದರಿಂದ ಎಚ್ಚೆತ್ತ ನಾನು ತನ್ನ ಬೆಳೆ ಕಳ್ಳತನವಾಗುವುದನ್ನು ತಪ್ಪಿಸಲು ಮುಂದಾಗಿದ್ದೇನೆ ಎಂದು ಹೇಳಿದ್ದಾರೆ.
ನಾನು ಸುಮಾರು 150 ಬಾಕ್ಸ್ ಟೊಮೇಟೊವನ್ನು ಕೊಯ್ಲು ಮಾಡುತ್ತೇನೆ (ಪ್ರತಿ ಪೆಟ್ಟಿಗೆಯಲ್ಲಿ 25 ಕೆಜಿ ಇರುತ್ತದೆ) ಮತ್ತು ಅವುಗಳನ್ನು ಮಾರಾಟಕ್ಕೆ ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ತೆಗೆದುಕೊಂಡು ಹೋಗುತ್ತೇನೆ. ಟೊಮೇಟೊ ಬೆಲೆ ಇನ್ನೂ ಕೆಲವು ತಿಂಗಳುಗಳವರೆಗೆ ಹೆಚ್ಚಾಗಿರುತ್ತದೆ ಎಂದು ನಾನು ಭಾವಿಸುತ್ತೇನೆ, ಇದರಿಂದ ನನ್ನ ಉತ್ಪನ್ನಗಳಿಗೆ ಲಾಭದಾಯಕ ಬೆಲೆ ಸಿಗುತ್ತದೆ ಎಂದು ರೈತರೊಬ್ಬರು ತಿಳಿಸಿದ್ದಾರೆ.
ಈಗ ಮಾರುಕಟ್ಟೆಯಲ್ಲಿ ಅಥವಾ ರೆಸ್ಟೊರೆಂಟ್ಗಳಲ್ಲಿ ಹೆಚ್ಚಿನ ಪ್ರಮಾಣದ ಟೊಮೇಟೊ ಮಾರಾಟವಾದರೆ ರೈತರಿಗೆ ತಕ್ಷಣವೇ ನಗದು ಪಡೆಯಬಹುದು . ಅನೇಕ ಟೊಮೇಟೊ ಬೆಳೆಗಾರರು ತಮ್ಮ ಉತ್ಪನ್ನಗಳನ್ನು ರಕ್ಷಿಸಲು ಎಲ್ಲಾ ಮುನ್ನೆಚ್ಚರಿಕೆ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ. ಈ ವರ್ಷ ಟೊಮೇಟೊ ಬೆಳೆಯದ ರೈತರು ತಮ್ಮ ಉತ್ಪನ್ನಗಳಿಗೆ ಲಾಭದಾಯಕ ಬೆಲೆ ಪಡೆಯುವ ಸುವರ್ಣಾವಕಾಶವನ್ನು ಕಳೆದುಕೊಂಡಿದ್ದರಿಂದ ತಮ್ಮ ಭವಿಷ್ಯವನ್ನು ಶಪಿಸುತ್ತಿದ್ದಾರೆ ಎಂದು ಅವರು ಹೇಳಿದರು.
ದಾವಣಗೆರೆ ಜಿಲ್ಲೆಯಲ್ಲಿ ಈ ಹಂಗಾಮಿನಲ್ಲಿ 1,200 - 1,500 ಹೆಕ್ಟೇರ್ನಲ್ಲಿ ಟೊಮೆಟೊ ಬೆಳೆಯಲಾಗಿದೆ ಎಂದು ತೋಟಗಾರಿಕಾ ಮೂಲಗಳು ತಿಳಿಸಿದೆ. ದಾವಣಗೆರೆ, ಹೊನ್ನಾಳಿ ಮತ್ತು ನ್ಯಾಮತಿ ತಾಲ್ಲೂಕುಗಳಲ್ಲಿ ಈ ಬೆಳೆಯನ್ನು ಹೆಚ್ಚಾಗಿ ಬೆಳೆಯಲಾಗುತ್ತದೆ. ನ್ಯಾಮತಿಯಲ್ಲಿ ಬೆಳೆಯುವ ಟೊಮೆಟೊಗೆ ಕರ್ನಾಟಕ ಮತ್ತು ಕೇರಳದಲ್ಲಿ ಮಾರುಕಟ್ಟೆ ಇದೆ.
Click it and Unblock the Notifications
Sign in with Google