ಈದ್ ಮಿಲಾದ್: ರಾಜ್ಯಾದ್ಯಂತ ಡಿ.2ರಂದು ಸಾರ್ವತ್ರಿಕ ರಜೆ
ಬೆಂಗಳೂರು, ನವೆಂಬರ್ 27 : ಮುಸ್ಲಿಂರ ಪವಿತ್ರ ಹಬ್ಬ ಈದ್-ಮಿಲಾದ್ (ಪ್ರಾಫೆಟ್ ಮೊಹಮ್ಮದನ ಜನುಮದಿನ) ಪ್ರಯುಕ್ತ ಸಾರ್ವತ್ರಿಕ ರಜಾ ದಿನವನ್ನು ಬದಲಾವಣೆ ಮಾಡಲಾಗಿದೆ.
ಸೆಂಟ್ರಲ್ ಮೂನ್ ಕಮಿಟಿಯ ಅಭಿಪ್ರಾಯದಂತೆ 2017ನೇ ಸಾಲಿನ ಈದ್-ಮಿಲಾದ್ ಹಬ್ಬದ ಆಚರಣೆಗೆ ಡಿಸೆಂಬರ್ 1ರಂದು (ಶುಕ್ರವಾರ) ಘೋಷಿಸಿದ್ದ ರಜಾವನ್ನು ರದ್ದುಗೊಳಿಸಿ, ಡಿಸೆಂಬರ್ 2 ಶನಿವಾರ ಸಾರ್ವತ್ರಿಕ ರಜಾ ಎಂದು ರಾಜ್ಯ ಸರ್ಕಾರ ಘೋಷಿಸಿದೆ.
ಈದ್-ಮಿಲಾದ್ ಹಬ್ಬದ ಸರ್ಕಾರಿ ರಜೆಯನ್ನು ಈ ಮೊದಲು ಡಿಸೆಂಬರ್ 1 ಶುಕ್ರವಾರ ರಜಾ ಎಂದು ಘೋಷಿಸಲಾಗಿತ್ತು. ಆದರೆ, ಇದೀಗ ಕೇಂದ್ರ ಚಂದ್ರದರ್ಶನ ಕಮಿಟಿ ಅಭಿಪ್ರಾಯದಂತೆ ಈ ಹಿಂದಿನ ರಜೆ ಆದೇಶವನ್ನು ರದ್ದುಗೊಳಿಸಿ, 2017ರ ಈದ್ ಮಿಲಾದ್ ಹಬ್ಬ ಆಚರಣೆಗೆ ಡಿ. 2ರಂದು ಶನಿವಾರ ಸಾರ್ವತ್ರಿಕ ರಜೆ ಘೋಷಿಸಲಾಗಿದೆ ಎಂದು ಸರ್ಕಾರದ ಅಧೀಕನ ಕಾರ್ಯದರ್ಶಿ ಡಾ.ಬಿ.ಎಸ್. ಮಂಜುನಾಥ ಸ್ವಾಮಿ ಸೋಮವಾರ ತಿಳಿಸಿದರು.
ಕಳೆದ (2016) ವರ್ಷವೂ ಸಹ ಸೆಂಟ್ರಲ್ ಮೂನ್ ಕಮಿಟಿಯ ಅಭಿಪ್ರಾಯದಂತೆ ಈದ್-ಮಿಲಾದ್ ಹಬ್ಬದ ಸಾರ್ವತ್ರಿಕ ರಜಾವನ್ನು ಡಿಸೆಂಬರ್ 12 ಸೋಮವಾರದ ಬದಲು ಮಂಗಳವಾರ ಡಿಸೆಂಬರ್ 13ಕ್ಕೆ ನೀಡಲಾಗಿತ್ತು.
ಕರಾವಳಿ ಜಿಲ್ಲೆಗಳಾದ ಉಡುಪಿ, ಮಂಗಳೂರು ಮತ್ತು ದಕ್ಷಿಣ ಕನ್ನಡ ಜಿಲ್ಲೆಗಳಿಗೆ ಡಿಸೆಂಬರ್ 1ರಂದು ಸಾರ್ವತ್ರಿಕ ರಜೆ ನೀಡಿ ರಾಜ್ಯ ಸರ್ಕಾರ ಘೋಷಿಸಿದೆ.
Click it and Unblock the Notifications
Sign in with Google