ಕ್ವೆಟ್ಟಾದಲ್ಲಿ ಭೀಕರ ಹತ್ಯಾಕಾಂಡ : 57 ಕೆಡೆಟ್‌ಗಳ ಮಾರಣಹೋಮ

By: ವಿಕಾಸ್ ನಂಜಪ್ಪ
Subscribe to Oneindia Kannada

ಕ್ವೆಟ್ಟಾ (ಪಾಕಿಸ್ತಾನ), ಅಕ್ಟೋಬರ್ 25 : ಪಾಕಿಸ್ತಾನದ ಕ್ವೆಟ್ಟಾದಲ್ಲಿ ಅಕ್ಟೋಬರ್ 24ರ ಮಧ್ಯರಾತ್ರಿ ಭೀಕರ ಹತ್ಯಾಕಾಂಡ ನಡೆದಿದ್ದು, ಪೊಲೀಸ್ ತರಬೇತಿ ಕಾಲೇಜಿಗೆ ನುಗ್ಗಿದ ಮೂವರು ಉಗ್ರರು ಕನಿಷ್ಠ 57 ಕೆಡೆಟ್ ಗಳನ್ನು ಹತ್ಯೆಗೈದಿದ್ದಾರೆ.

ಈ ದುರ್ಘಟನೆ ನಡೆಯುತ್ತಿದ್ದಂತೆ, ಇನ್ನೆಷ್ಟು ಇಂಥ ಹತ್ಯಾಕಾಂಡ ನೋಡಬೇಕು, ಇನ್ನೆಷ್ಟು ವಿಧವೆಯರು ಹುಟ್ಟಿಕೊಳ್ಳಬೇಕು, ಇನ್ನೆಷ್ಟು ತಾಯಂದಿರು ಕಣ್ಣೀರು ಹಾಕಬೇಕು, ಇನ್ನೆಷ್ಟು ಅಮಾಯಕರು ತಬ್ಬಲಿಯಾಗಬೇಕು, ಇನ್ನೆಷ್ಟು ಜನರು ಕಣ್ಣೀರಿನ ಕೋಡಿ ಹರಿಸಬೇಕು ಎಂದು ಟ್ವಿಟ್ಟಿಗರೊಬ್ಬರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.[ಕ್ವೆಟ್ಟಾದಲ್ಲಿ ಈ ವರ್ಷ ಉಗ್ರರ ದಾಳಿಯಲ್ಲಿ ಸತ್ತವರು 227 ಮಂದಿ]

Terrorists attack police training college in Quetta, several cadets killed

ಕೆಲ ವರದಿಗಳ ಪ್ರಕಾರ, ಉಗ್ರರು ಸತತವಾಗಿ ಅಫಘಾನಿಸ್ತಾನದಲ್ಲಿರುವ ತಮ್ಮ ನಾಯಕರ ಜೊತೆ ಸಂಪರ್ಕದಲ್ಲಿದ್ದರು. ಮೂವರು ಭಯೋತ್ಪಾದಕರು ಆತ್ಮಹತ್ಯಾ ಸಾಧನವನ್ನು ಅಳವಡಿಸಿಕೊಂಡಿದ್ದರು. ಈ ದಾಳಿಯಲ್ಲಿ ಕನಿಷ್ಠ 97 ಕೆಡೆಟ್ ಗಳು ಗಾಯಗೊಂಡಿದ್ದಾರೆ.

ಸುಮಾರು 600 ಕೆಡೆಟ್ ಗಳಿರುವ ಪೊಲೀಸ್ ಟ್ರೇನಿಂಗ್ ಕಾಲೇಜನ್ನು ಸೋಮವಾರ ರಾತ್ರಿ 9.30ರ ಸುಮಾರಿಗೆ ಉಗ್ರರು ಹೊಕ್ಕಿದ್ದಾರೆ. ಮುಂಭಾಗದ ಗೇಟ್ ನಿಂದ ಇಬ್ಬರು ಪ್ರವೇಶಿಸಿದ್ದರೆ, ಒಬ್ಬ ಹಿಂಬದಿಯ ಗೇಟ್ ಜಿಗಿದು ಕಾಲೇಜನ್ನು ಪ್ರವೇಶಿಸಿದ್ದಾನೆ. ಮೊದಲಿಗೆ ಭದ್ರತಾ ಸಿಬ್ಬಂದಿಯನ್ನು ಕೊಂದು ನಂತರ ವಿದ್ಯಾರ್ಥಿಗಳ ಮೇಲೆ ದಾಳಿ ನಡೆಸಿದ್ದಾರೆ. [ಪಾಕಿಸ್ತಾನದ ಕ್ವೆಟ್ಟಾದ ಆಸ್ಪತ್ರೆಯಲ್ಲಿ ಸ್ಫೋಟ, 93 ಸಾವು]

Terrorists attack police training college in Quetta, several cadets killed

ಇಬ್ಬರು ತಮ್ಮನ್ನು ತಾವು ಸ್ಫೋಟಿಸಿಕೊಂಡಿದ್ದರಿಂದ ಹೆಚ್ಚಿನ ಸಾವುನೋವು ಸಂಭವಿಸಿದೆ. ಉಗ್ರ ಬಳಿ ಎಕೆ 47 ಮತ್ತು ಗ್ರೆನೇಡುಗಳು ಇದ್ದವು. ಮೂರನೇಯವನನ್ನು ಭದ್ರತಾ ಸಿಬ್ಬಂದಿಗಳು ಗುಂಡಿಟ್ಟು ಕೊಂದಿದ್ದಾರೆ. ಈ ಕಾರ್ಯಾಚರಣೆ ನಡೆಸಲು ಭದ್ರತಾ ಸಿಬ್ಬಂದಿಗೆ ನಾಲ್ಕು ಗಂಟೆ ತಗುಲಿದೆ ಎಂದು ದಿ ಡಾನ್ ವರದಿ ಮಾಡಿದೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ- ನೋಂದಣಿ ಉಚಿತ!

English summary
At least 57 people, mostly cadets were killed and 97 injured after three terrorists stormed a police training college in Quetta, Pakistan on Monday night. According to reports, the terrorists were in touch with their handlers in Afghanistan. The three terrorists were wearing suicide vests. The training center houses at least 600 cadets.
Please Wait while comments are loading...