ಇರಾನ್ ಯುದ್ಧಕ್ಕೆ ಶೀಘ್ರದಲ್ಲೇ ಬ್ರೇಕ್ ಹಾಕಲು ಜಾಗತಿಕ ಮಟ್ಟದಲ್ಲಿ ಶುರುವಾಯ್ತು ಒತ್ತಡ | Operation Roaring Lion
ಆಧುನಿಕ
ಕಾಲದಲ್ಲಿ ಯುದ್ಧಗಳನ್ನು ಮಾಡಬಾರದು, ಶಾಂತಿಯುತ ಮಾರ್ಗವೇ ಪರಿಹಾರ ಎಂದು ಭಾರತ ಪದೇ ಪದೇ ಪ್ರತಿಪಾದನೆ ಮಾಡುತ್ತಾ ಬರುತ್ತಿದೆ. ಅದರಲ್ಲೂ ರಷ್ಯಾ ಮತ್ತು ಉಕ್ರೇನ್ ಮಧ್ಯೆ ಯುದ್ಧ ಶುರುವಾದ ಸಮಯದಲ್ಲಿ ಭಾರತದ ಪ್ರಧಾನಿ ಮೋದಿ ಅವರು ಹೇಳಿದ್ದ ಮಾತುಗಳು ಇಡೀ ಜಗತ್ತಿಗೆ ಮಾದರಿ ಆಗಿದ್ದವು. ನೇರವಾಗಿ ರಷ್ಯಾಗೆ ಕೂಡ ಭಾರತ ಇದೇ ಮಾತನ್ನು ಹೇಳಿ, ಉಕ್ರೇನ್ನ ವಿರುದ್ಧ ಆರಂಭಿಸಿದ್ದ ಯುದ್ಧ ನಿಲ್ಲಿಸಿ ಶಾಂತಿ ಹಾಗೂ ಮಾತುಕತೆ ಮೂಲಕ ಪರಿಹಾರ ಕಂಡುಕೊಳ್ಳಿ ಎಂಬ ಸಲಹೆ ನೀಡಿತ್ತು ಭಾರತ. ಇಷ್ಟೆಲ್ಲಾ ನಡೆಯುವಾಗಲೇ 5 ದಿನಗಳಿಂದ ಇರಾನ್ ಜೊತೆಯಲ್ಲೂ ವಾರ್ ಶುರುವಾಗಿದೆ. ಇದರಿಂದ ಜಾಗತಿಕ ಆರ್ಥಿಕ ಪರಿಸ್ಥಿತಿ ನಡುಗಿ ಹೋಗಿದ್ದು, ಆರ್ಥಿಕ ಕುಸಿತದ ಭೀತಿ ಕೂಡ ಎದುರಾಗಿದೆ. id="toptextpromo"> id='are-slot-1' class='oiad oi-axt oiadv'> id='top-searched-articles'>ಪರಮಾಣು
ಅಸ್ತ್ರಗಳ ತಯಾರಿಕೆ ವಿಚಾರದಲ್ಲಿ ಅಮೆರಿಕ ಹಾಗೂ ಇರಾನ್ ನಡುವೆ ಕಿರಿಕ್ ಆಗಿ ಸೇನಾ ಕಾರ್ಯಾಚರಣೆ ಶುರುವಾಗಿದೆ. ಒಂದು ಕಡೆ ಇರಾನ್ ಪರಮಾಣು ಅಸ್ತ್ರಗಳನ್ನು ಹೊಂದಬಾರದು, ಈ ಹಿನ್ನೆಲೆಯಲ್ಲಿ ಅಮೆರಿಕ ಜೊತೆಗೆ ಇರಾನ್ ಒಪ್ಪಂದ ಮಾಡಿಕೊಳ್ಳಬೇಕು ಎಂಬುದು ಅಮೆರಿಕದ ಆಗ್ರಹ. ಆದರೆ ಅದಕ್ಕೆ ಬೆಲೆ ಕೊಡದೆ ಇರಾನ್ ನಡೆದುಕೊಂಡ ರೀತಿಗೆ ತಕ್ಕಪಾಠ ಕಲಿಸಲು ಇಸ್ರೇಲ್ ಸೇನೆ & ಅಮೆರಿಕ ಸೇನೆಗಳು ಇರಾನ್ ಮೇಲೆ ದಾಳಿ ಆರಂಭ ಮಾಡಿವೆ. ಇದೇ ಕಾರಣಕ್ಕೆ ಜಾಗತಿಕವಾಗಿ ಎಲ್ಲಾ ವಿಚಾರದಲ್ಲೂ ಅಡೆತಡೆ ಎದುರಾಗಿ, ಜನರು ಚಿಂತೆ ಮಾಡುವಂತೆ ಆಗಿದೆ. ಇದೇ ಸಮಯದಲ್ಲಿ ಇರಾನ್ ಯುದ್ಧಕ್ಕೆ ಶೀಘ್ರದಲ್ಲೇ ಬ್ರೇಕ್ ಹಾಕಲು ಜಾಗತಿಕ ಮಟ್ಟದಲ್ಲಿ ಒತ್ತಡ ಶುರುವಾಗಿದೆ. ಅಲ್ಲದೆ ಕೆಲವೇ ದಿನಗಳಲ್ಲಿ ಈ ಯುದ್ಧ ನಿಲ್ಲದೇ ಹೋದರೆ ಭವಿಷ್ಯದಲ್ಲಿ ದೊಡ್ಡ ಸಮಸ್ಯೆ ಎದುರಾಗುವ ಬಗ್ಗೆ ಕೂಡ ತಜ್ಞರು ಎಚ್ಚರಿಕೆ ನೀಡಿದ್ದಾರೆ. id='are-slot-2' class='oiad oi-axt oiadv'>
Click it and Unblock the Notifications
Sign in with Google