ವಿಶ್ವಕಪ್ ಫುಟ್ಬಾಲ್ ಫೈನಲ್ಸ್, ಕಪ್ ವಿನ್ನರ್ಸ್ ಪಟ್ಟಿ

ಬೆಂಗಳೂರು, ಜೂ.8: ವಿಶ್ವಕಪ್ ಫುಟ್ ಬಾಲ್ ಪಂದ್ಯಾವಳಿಗೆ 84 ವರ್ಷ ತುಂಬಿಬಂದಿದೆ. 1930 ರಲ್ಲಿ ಆರಂಭವಾದ ವಿಶ್ವಕಪ್ ಫುಟ್ ಬಾಲ್ ಟೂರ್ನಿ ಈ ಬಾರಿ ಜೂನ್ 12 ರಿಂದ ಜುಲೈ 13 ರವರೆಗೆ ಬ್ರೆಜಿಲ್ಲಿನ 12 ನಗರಗಳ 12 ಸ್ಟೇಡಿಯಂಗಳಲ್ಲಿ ನಡೆಯಲಿದೆ.

ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಡೆಯುವ ಫುಟ್ ಬಾಲ್ ಹಬ್ಬ 1942 ಮತ್ತು 1946 ರಲ್ಲಿಮಾತ್ರ ನಡೆದಿರಲಿಲ್ಲ. ಇದುವರೆಗೆ ನಡೆದ 19 ವಿಶ್ವಕಪ್ ಟೂರ್ನಿಯಲ್ಲಿ ವಿಜೇತ ದೇಶದ ಪಟ್ಟಿ ನಿಮ್ಮ ಮುಂದಿದೆ. ಕಳೆದ ಬಾರಿಯ ಪ್ರಶಸ್ತಿ ವಿಜೇತ ತಂಡ ಸ್ಪೇನ್ ಈ ಬಾರಿಯೂ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದೆ. ಉಳಿದಂತೆ ಅತಿಥೇಯ ದೇಶ ಬ್ರೆಜಿಲ್, ಜರ್ಮನಿ, ಅರ್ಜೆಂಟೀನಾ, ಪೋರ್ಚುಗಲ್ ಟಾಪ್ ಫೇವರೀಟ್ಸ್ ಎನಿಸಿರುವ ದೇಶಗಳಾಗಿವೆ. [ವಿಶ್ವಕಪ್ 2014 ಟೂರ್ ಗೈಡ್]

ಇದುವರೆವಿಗೂ ಬ್ರೆಜಿಲ್ 7 ಬಾರಿ ಫೈನಲ್ ಪ್ರವೇಶಿಸಿದ್ದು 5 ಬಾರಿ ಗೆದ್ದು 2 ಬಾರಿ ರನ್ನರ್ ಅಪ್ ಆಗಿದೆ. ಇಟಲಿ 6 ಬಾರಿ ಫೈನಲ್ ಪ್ರವೇಶಿಸಿ 4 ಬಾರಿ ಗೆದ್ದು 2 ಬಾರಿ ರನ್ನರ್ ಅಪ್ ಆಗಿ ಎರಡನೇ ಸ್ಥಾನದಲ್ಲಿದೆ. ಮಿಕ್ಕಂತೆ, ಜರ್ಮನಿ 7 ಬಾರಿ ಫೈನಲ್ ಹಂತಕ್ಕೇರಿದರೂ 3 ಬಾರಿ ಮಾತ್ರ ಜಪ್ ಎತ್ತಿ 4 ಬಾರಿ ರನ್ನರ್ ಅಪ್ ಆಗಿದೆ. ಇಂಗ್ಲೆಂಡ್ ತಂಡ ಒಮ್ಮೆ ಮಾತ್ರ(1966) ರಲ್ಲಿ ಫೈನಲ್ ಪ್ರವೇಶಿಸಿ ಕಪ್ ಎತ್ತಿದ್ದು ಮತ್ತೆ ಆ ಮ್ಯಾಜಿಕ್ ಪ್ರದರ್ಶನಕ್ಕಾಗಿ ಫುಟ್ಬಾಲ್ ಪ್ರೇಮಿಗಳು ಕಾಯುತ್ತಲೇ ಇದ್ದಾರೆ.

ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಗೆದ್ದ ತಂಡ ವಿಶ್ವ ಚಾಂಪಿಯನ್ ಎನಿಸಲಿದೆ. 90 ನಿಮಿಷಗಳ ನಿಗದಿತ ಆಟದ ವೇಳೆ ಫಲಿತಾಂಶ ಹೊರಬೀಳದೆ ಡ್ರಾ ಆಗಿದ್ದರೆ, ಹೆಚ್ಚುವರಿ 30 ಸಮಯ ನೀಡಲಾಗುತ್ತದೆ. ಆದರೂ ಫಲಿತಾಂಶ ಸಿಗದಿದ್ದಾಗ ಪೆನಾಲ್ಟಿ ಶೂಟೌಟ್ ಮೂಲಕ ಪಂದ್ಯದ ಫಲಿತಾಂಶ ನಿರ್ಣಯವಾಗಲಿದೆ.[ಗೋಲ್ಡನ್ ಬೂಟ್ ವಿಜೇತರು]

ಸಂಖ್ಯೆ	ಇಸವಿ	ಚಾಂಪಿಯನ್ ತಂಡ	ರನ್ನರ್ ಅಪ್	ಗೆಲುವಿನ ಅಂತರ
1	1930	ಉರುಗ್ವೆ	ಅರ್ಜೆಂಟಿನಾ	4 -2
2	1934	ಇಟಲಿ	ಚೆಕೊಸ್ಲೋವಾಕಿಯಾ	2 -1 ಹೆಚ್ಚುವರಿ ಅವಧಿ
3	1938	ಇಟಲಿ	ಹಂಗೇರಿ	4 -2
4	1950	ಉರುಗ್ವೆ	ಬ್ರೆಜಿಲ್	2 -1
5	1954	ಜರ್ಮನಿ	ಹಂಗೇರಿ	3 -2
6	1958	ಬ್ರೆಜಿಲ್	ಸ್ವೀಡನ್	5 -2
7	1962	ಬ್ರೆಜಿಲ್	ಜೆಕೊಸ್ಲೋವಾಕಿಯಾ	3 -1
8	1966	ಇಂಗ್ಲೆಂಡ್	ಜರ್ಮನಿ	4 -2 ಹೆಚ್ಚುವರಿ ಅವಧಿ
9	1970	ಬ್ರೆಜಿಲ್	ಇಟಲಿ	4 -2
10	1974	ಜರ್ಮನಿ	ಹಾಲೆಂಡ್	2 -1
11	1978	ಅರ್ಜೆಂಟಿನಾ	ಹಾಲೆಂಡ್	3 -1 ಹೆಚ್ಚುವರಿ ಅವಧಿ
12	1982	ಇಟಲಿ	ಜರ್ಮನಿ	3 -1
13	1986	ಅರ್ಜೆಂಟಿನಾ	ಜರ್ಮನಿ	3 -2
14	1990	ಜರ್ಮನಿ	ಅರ್ಜೆಂಟಿನಾ	1 -0
15	1994	ಬ್ರೆಜಿಲ್	ಇಟಲಿ	3 -2 ಪೆನಾಲ್ಟಿ ಶೂಟೌಟ್
16	1998	ಫ್ರಾನ್ಸ್	ಬ್ರೆಜಿಲ್	3 -0
17	2002	ಬ್ರೆಜಿಲ್	ಜರ್ಮನಿ	2 -0
18	2006	ಇಟಲಿ	ಫ್ರಾನ್ಸ್	5 -3 ಪೆನಾಲ್ಟಿ ಶೂಟೌಟ್
19	2010	ಸ್ಪೇನ್	ನೆದರ್ಲೆಂಡ್ಸ್	1-0 ಹೆಚ್ಚುವರಿ ಅವಧಿ

English summary

The FIFA World Cup is an international association football competition established in 1930. It is contested by the men's national teams of the members of Fédération Internationale de Football Association (FIFA). Here are the World Cup Finals and Winners details from 1930-2010.