ಭಾರತೀಯ ಉದ್ಯೋಗಿಗಳಿಗೆ ಬಂಪರ್ ಆಫರ್ ಕೊಟ್ಟ ಕೆನಡಾ: ಎಚ್‌1ಬಿ ವೀಸಾ ಇದ್ದವರಿಗೆ ಭರ್ಜರಿ ಚಾನ್ಸ್!

ಟೊರಾಂಟೊ: ಭಾರತ ಮೂಲದ ಉದ್ಯೋಗಿಗಳು ಅಂದ್ರೆ ಜಗತ್ತಿನಾದ್ಯಂತ ತಮ್ಮದೇ ಛಾಪು ಮೂಡಿಸಿದ್ದಾರೆ. ಅದರಲ್ಲೂ ಅಮೆರಿಕದಿಂದ ಹಿಡಿದು, ಆಸ್ಟೇಲಿಯಾ ತನಕ ಭಾರತೀಯರೇ ದೊಡ್ಡ ಪ್ರಮಾಣದಲ್ಲಿ ಉದ್ಯೋಗ ಪಡೆದಿದ್ದಾರೆ. ಹಾಗೇ ಆಧುನಿಕ ಜಗತ್ತಿನಲ್ಲಿ ಕೆನಡಾಗೂ ಅತ್ಯಧಿಕ ಪ್ರಮಾಣದಲ್ಲಿ ಭಾರತೀಯರು ಎಂಟ್ರಿ ಕೊಡುತ್ತಿದ್ದು, ಕೆನಡಾದಲ್ಲಿ ನೆಲಸಬೇಕು ಅಂದುಕೊಂಡ ಭಾರತೀಯ ಉದ್ಯೋಗಿಗಳಿಗೆ ಬಂಪರ್ ಆಫರ್ ಕೊಟ್ಟಿದೆ ಕೆನಡಾ ಸರ್ಕಾರ!

ಎಚ್‌-1ಬಿ ವೀಸಾ ಬಗ್ಗೆ ಬಹುತೇಕ ಎಲ್ಲರಿಗೂ ಗೊತ್ತು, ಈ ವೀಸಾ ಪಡೆದವರು ಬಹುತೇಕ ಭಾರತೀಯರು. ಅಮೆರಿಕದಲ್ಲಿ ಉದ್ಯೋಗ ಮಾಡಲು ಹೆಚ್ಚಾಗಿ H1B ವೀಸಾ ನೀಡುತ್ತದೆ ಅಲ್ಲಿನ ಸರ್ಕಾರ. ಹೀಗೆ ಅಮೆರಿಕದ ಎಚ್‌-1ಬಿ ವೀಸಾ ಹೊಂದಿದವರಿಗೆ ಬಂಪರ್ ಆಫರ್ ಸಿಕ್ಕಂತಾಗಿದೆ. ಅದರಲ್ಲೂ ಅಮೆರಿಕದ ನೆರೆಯ ದೇಶವಾಗಿರುವ ಕೆನಡಾದಲ್ಲಿ ನೆಲಸಬೇಕು ಅಂದುಕೊಂಡವರಿಗೆ ಇದು ಸುವರ್ಣಾವಕಾಶ. ಇತ್ತೀಚೆಗೆ ತನ್ನ ಸೌಲಭ್ಯಗಳ ಮೂಲಕ ಈ ದೇಶ ಉದ್ಯೋಗಿಗಳನ್ನ ತನ್ನತ್ತ ಸೆಳೆಯುತ್ತಿದೆ. ಹೊಸ ಯೋಜನೆ ಕುರಿತು ಖುದ್ದು ಕೆನಡಾ ಸರ್ಕಾರ ಮಾಹಿತಿ ನೀಡಿದ್ದು, ಸಂಪೂರ್ಣ ಮಾಹಿತಿಗೆ ಮುಂದೆ ಓದಿ.

ಎಚ್‌-1ಬಿ ವೀಸಾ ಇದ್ದವರಿಗೆ ಲಾಟರಿ!

ಹೌದು, ಅಮೆರಿಕದ ಎಚ್‌-1ಬಿ ವೀಸಾ ಇರುವ 10,000 ಜನ ಕೆನಡಾದಲ್ಲಿ ಉದ್ಯೋಗಾವಕಾಶ ಪಡೆಯಲು ಅರ್ಹರಾಗಿದ್ದಾರಂತೆ. ಈ ಕುರಿತು ಕೆನಡಾ ಸರ್ಕಾರ ಘೋಷಣೆ ಹೊರಡಿಸಿದ್ದು, ಹೊಸ ಯೋಜನೆಯ ಲಾಭ ಬಹುತೇಕ ಭಾರತೀಯರಿಗೆ ಆಗಲಿದೆ. ಏಕೆಂದರೆ ಅಮೆರಿಕದಲ್ಲಿ ಎಚ್‌-1ಬಿ ವೀಸಾ ಪಡೆಯುವುದು ಹೆಚ್ಚಿನ ಪ್ರಮಾಣದಲ್ಲಿ ಭಾರತೀಯರು. ಹೀಗಾಗಿ ಇದೀಗ ಕೆನಡಾ ನೀಡಿರುವ ಹೊಸ ಅವಕಾಶ ಭಾರತ ಮೂಲದ ಉದ್ಯೋಗಿಗಳಿಗೆ ಹೊಸ ಅವಕಾಶ ಹಾಗೂ ಹೊಸ ದಾರಿ ತೋರಿಸಲಿದೆ. ಹೀಗಾಗಿ ಕೆನಡಾ ಸರ್ಕಾರದ ಯೋಜನೆ ಹಲ್‌ಚಲ್ ಎಬ್ಬಿಸಿದೆ. ಆದರೆ ಕೆನಡಾ ಇಂಥ ನಿರ್ಧಾರಕ್ಕೆ ಬಂದಿದ್ದು ಏಕೆ? ಅಷ್ಟಕ್ಕೂ ಅದರ ಹಿಂದೆ ಬಲವಾದ ಕಾರಣ ಏನಿದೆ? ಮುಂದೆ ಓದಿ.

ಅಮೆರಿಕ ಮೀರಿ ಬೆಳೆಯುತ್ತಾ ಕೆನಡಾ?

ಕೆನಡಾ ಮತ್ತು ಅಮೆರಿಕ ಎರಡು ಅಕ್ಕಪಕ್ಕದ ದೇಶಗಳಾಗಿದ್ದು, ಕೆನಡಾ ಫ್ರೆಂಚರ ಆಳ್ವಿಕೆಗೆ ಒಳಪಟ್ಟಿತ್ತು ಹಾಗೂ ಅಮೆರಿಕ ಬ್ರಿಟಿಷರ ಆಳ್ವಿಕೆಗೆ ಒಳಪಟ್ಟಿತ್ತು. ಇತ್ತೀಚಿನ ದಿನಗಳಲ್ಲಂತು ಕೆನಡಾ ಸಾಕಷ್ಟು ಬೆಳವಣಿಗೆ ಕಾಣುತ್ತಿದೆ. ಅದರಲ್ಲೂ ಕೆಲವೊಂದು ಕ್ಷೇತ್ರದಲ್ಲಿ ಕೆನಡಾದ ವೇಗ ಅಮೆರಿಕವನ್ನ ಮೀರಿಸಿದೆ. ಹೀಗಾಗಿಯೇ ಅತ್ಯಾಧುನಿಕ ತಂತ್ರಜ್ಞಾನ ಕ್ಷೇತ್ರಗಳ ಜಾಗತಿಕ ನಾಯಕನಾಗಿ ಹೊರಹೊಮ್ಮುವ ಗುರಿ ಕೆನಡಾ ಸರ್ಕಾರದ್ದು. ಅಮೆರಿಕದ ಕೆಲ ತಂತ್ರಜ್ಞಾನ ಆಧರಿತ ಸೇವೆ ಒದಗಿಸುವ ಪ್ರಮುಖ ಕಂಪನಿಗಳು ತಮ್ಮಲ್ಲಿ ಉದ್ಯೋಗ ಕಡಿತ ಮಾಡುತ್ತಿರುವ ಕಾರಣ ಕೆನಡಾ ಹೊಸ ಪ್ಲ್ಯಾನ್ ಮಾಡಿದೆ. ಅಮೆರಿಕದಲ್ಲಿರುವ ಅತ್ಯುತ್ತಮ ಕೆಲಸಗಾರರನ್ನ ತನ್ನ ದೇಶಕ್ಕೆ ಕರೆಸಿಕೊಳ್ಳಲು ಸಿದ್ಧವಾಗಿದೆ. ಅಮೆರಿಕದ ಎಚ್‌-1ಬಿ ವೀಸಾ ಇರುವ 10,000 ಜನರಿಗೆ ಹೊಸ ಅವಕಾಶ ನೀಡಲು ಮುಂದಾಗಿದೆ.

ಭಾರತೀಯರಿಗೆ ಇದರಿಂದ ಬಂಪರ್!

ಇನ್ನು ಕಳೆದ ವರ್ಷ ನವೆಂಬರ್‌ನಿಂದ ಈವರೆಗೂ ಅಮೆರಿಕದಲ್ಲಿ ಸುಮಾರು 2 ಲಕ್ಷದಷ್ಟು ಐಟಿ ಉದ್ಯೋಗಿಗಳನ್ನ ಮನೆಗೆ ಕಳುಹಿಸಿವೆ ಅಮೆರಿಕದ ಕಂಪನಿಗಳು. ಉದ್ಯೋಗ ಕಳೆದುಕೊಂಡ ಬಹುತೇಕರು ಭಾರತೀಯರಂತೆ. ಅಮೆರಿಕದಲ್ಲಿ ಉದ್ಯೋಗ ಕಳೆದುಕೊಂಡವರಲ್ಲಿ ಶೇಕಡಾ 30ರಿಂದ 40ರಷ್ಟು ಭಾರತೀಯರೇ ಇದ್ದಾರೆ. ಹೀಗೆ ಉದ್ಯೋಗ ಕಳೆದುಕೊಂಡವರಿಗೆ ಹೊಸ ಅವಕಾಶ ಲಭಿಸುತ್ತಿದೆ. ಕೆನಡಾದ ಹೊಸ ಯೋಜನೆಯಿಂದ ಭಾರತೀಯ ಐಟಿ ಉದ್ಯೋಗಿಗಳಿಗೆ ಹೆಚ್ಚಿನ ಅನುಕೂಲ ಆಗುತ್ತೆ . ಹೀಗಾಗಿ ಕೆನಡಾದಲ್ಲಿ ಮುಕ್ತ ಉದ್ಯೋಗಾವಕಾಶವನ್ನ ನೀಡುವ ಯೋಜನೆಯನ್ನು ಜುಲೈ 16ರ ಒಳಗೆ ಸರ್ಕಾರ ಜಾರಿಗೆ ತರಲಿದೆ ಎಂದು ಕೆನಡಾ ಸಚಿವರಿಂದ ಮಾಹಿತಿ ಹೊರಬಿದ್ದಿದೆ.

ಇನ್ನು ಕೆನಡಾ ಸರ್ಕಾರದ ಯೋಜನೆಯಡಿ ಉದ್ಯೋಗ ಪಡೆಯುವ ಉದ್ಯೋಗಿಗಳ ಕುಟುಂಬ ಸದಸ್ಯರಿಗೆ ಶಿಕ್ಷಣ ಪಡೆಯುವ ಅಥವಾ ಉದ್ಯೋಗ ಪಡೆಯುವ ಅವಕಾಶ ಕಲ್ಪಿಸಲಾಗುತ್ತದೆ. ಅಲ್ಲದೆ ಯೋಜನೆ ಅಡಿ ಅರ್ಜಿ ಸಲ್ಲಿಸುವವರಿಗೆ ಕೆನಡಾದಲ್ಲಿ 3 ವರ್ಷ ಉದ್ಯೋಗ ಮಾಡಲು ಅವಕಾಶವಿದೆ. ಇದರ ಜೊತೆಗೆ ಉದ್ಯೋಗಿಯ ಪತಿ ಅಥವಾ ಪತ್ನಿಯು ಕೆನಡಾದ ತಾತ್ಕಾಲಿಕ ವೀಸಾ ಪಡೆಯಲು ಅರ್ಜಿಯನ್ನ ಸಲ್ಲಿಸಬಹುದು. ಒಟ್ನಲ್ಲಿ ಸಂಕಷ್ಟದ ಸಮಯ ಎದುರಾದ ಸಮಯದಲ್ಲಿ ಕೆನಡಾ ಸರ್ಕಾರದ ಹೊಸ ಯೋಜನೆ ಭಾರತದ ಉದ್ಯೋಗಿಗಳ ಕೈಹಿಡಿದಿದೆ.

English summary

Canada will accept H1B visa holders for job opportunity.