ಥಾಯ್ಲೆಂಡ್ ಗುಹೆಯಿಂದ ಸುರಕ್ಷಿತವಾಗಿ ಹೊರಬಂದ ಬಾಲಕರು
ಥಾಮ್ ಲುವಾಂಗ್, ಜುಲೈ 10: ಥಾಯ್ಲೆಂಡ್ ದುರ್ಗಮ ಗುಹೆಯೊಳಗೆ ಸಿಲುಕಿದ್ದ ಎಲ್ಲ ಹನ್ನೆರಡು ಬಾಲಕರನ್ನು ರಕ್ಷಿಸುವಲ್ಲಿ ರಕ್ಷಣಾ ತಂಡಗಳು ಯಶಸ್ವಿಯಾಗಿವೆ.
ಗುಹೆಯಲ್ಲಿ ಕೋಚ್ ಜತೆಗೆ ಉಳಿದಿದ್ದ ಕೊನೆಯ ಬಾಲಕನನ್ನು ಸಹ ಸಂಜೆ ಆರು ಗಂಟೆ ಸುಮಾರಿಗೆ ಹೊರಗೆ ಕರೆತರಲಾಗಿದೆ.
ಕೋಚ್ ಅವರನ್ನು ಕೂಡ ಸುರಕ್ಷಿತವಾಗಿ ಹೊರಗೆ ಕರೆತರಲಾಗಿದ್ದು, ಇಡೀ ಜಗತ್ತಿನ ಗಮನ ಸೆಳೆದಿದ್ದ ಈ ಘಟನೆ ಕೊನೆಗೂ ಸುಖಾಂತ್ಯ ಕಂಡಿದೆ.
ಜೂನ್ 23ರಿಂದ ಅತ್ಯಂತ ಸಂಕಷ್ಟದ ಸ್ಥಿತಿಯಲ್ಲಿ ಹೇಗೋ ಜೀವ ಉಳಿಸಿಕೊಂಡಿದ್ದ ಬಾಲಕರ ಸುರಕ್ಷಿತ ಹಿಂದಿರುಗುವಿಕೆಗೆ ಎಲ್ಲ ದೇಶಗಳ ಜನರೂ ಪ್ರಾರ್ಥಿಸಿದ್ದರು.
ಜುಲೈ ಮೂರರಂದೇ ಈ ಮಕ್ಕಳು ಪತ್ತೆಯಾಗಿದ್ದರೂ, ಸುರಿಯುವ ಮಳೆಯ ನಡುವೆ ಪ್ರವಾಹದಿಂದ ತುಂಬಿಕೊಂಡಿದ್ದ ಗುಹೆಯಿಂದ ಅವರನ್ನು ಕರೆತರುವ ಕಾರ್ಯಕ್ಕೆ ಹಿನ್ನಡೆಯಾಗಿತ್ತು.
I’m really impressed by the Thai people
— Ryma (@Ryymaaaaaa) 9 July 2018
They chose their way to supported rescue team, amazing
Every effort counts.
Faith in humanity restored❤️❤️👏🏻👏🏻💪🏻💪🏻
#thaicaverescue pic.twitter.com/WvZBXndFV9
ಮಂಗಳವಾರ ಬೆಳಿಗ್ಗೆ 10 ಗಂಟೆಗೆ ಗುಹೆ ಪ್ರವೇಶಿಸಿದ ರಕ್ಷಣಾ ತಂಡದ ಸದಸ್ಯರು ಸಂಜೆ ಆರರವರೆಗೂ ಕಾರ್ಯಾಚರಣೆ ನಡೆಸಿ ಕೋಚ್ ಸೇರಿದಂತೆ ಐವರನ್ನು ಹೊರತರುವಲ್ಲಿ ಸಫಲರಾಗಿದ್ದಾರೆ.
ಮೊದಲ ಎರಡು ದಿನ ರಕ್ಷಿಸಲಾದ ಎಂಟು ಬಾಲಕರನ್ನು ಚಿಯಾಂಗ್ ರೈನಲ್ಲಿನ ಆಸ್ಪತ್ರೆಯಲ್ಲಿ ಪ್ರತ್ಯೇಕವಾಗಿ ಚಿಕಿತ್ಸೆಗೆ ಒಳಪಡಿಸಲಾಗಿದೆ.
ಈ ಎಲ್ಲ ಬಾಲಕರೂ ಆರೋಗ್ಯದಿಂದ ಇದ್ದು, ಜ್ವರದಿಂದ ಮುಕ್ತರಾಗಿದ್ದಾರೆ. ಮಾನಸಿಕವಾಗಿಯೂ ಆರೋಗ್ಯವಾಗಿದ್ದಾರೆ. ಅವರಲ್ಲಿ ಉತ್ಸಾಹ ಹೆಚ್ಚಿದೆ ಎಂದು ವೈದ್ಯರು ತಿಳಿಸಿದ್ದಾರೆ.
That is John Volanthen, the lead diver at #ThaiCaveRescue - he said
— MukigaPrince (@KatungukaE) 9 July 2018
“I dive for passion and always wondered if it would have purpose. Last two weeks was what I prepared for my entire life.” pic.twitter.com/hadIXLIwtu
ಇದುವರೆಗೂ ಬಾಲಕರ ಕುಟುಂಬದ ಸದಸ್ಯರಿಗೆ ಅವರನ್ನು ಭೇಟಿ ಮಾಡಲು ಅವಕಾಶ ನೀಡಿಲ್ಲ. ಆಸ್ಪತ್ರೆಯ ಕಿಟಕಿಯಿಂದ ಮೂಲಕ ಕೆಲವು ಗಂಟೆ ನೋಡಲು ಅವಕಾಶ ನೀಡಲಾಗಿತ್ತು. ಅಲ್ಲದೆ, ಫೋನ್ನಲ್ಲಿ ಮಾತನಾಡಲು ಬಿಡಲಾಗಿತ್ತು.
ಈ ಬಾಲಕರು ಯಾವುದೇ ಸೋಂಕಿಗೆ ಒಳಪಟ್ಟಿಲ್ಲ ಎನ್ನುವುದು ಪರೀಕ್ಷೆಯಿಂದ ಖಚಿತವಾದ ಬಳಿಕವಷ್ಟೇ ಕುಟುಂಬದವರ ಭೇಟಿಗೆ ಅವಕಾಶ ನೀಡಲಾಗುವುದು ಎಂದು ಹೇಳಿದ್ದಾರೆ.
Click it and Unblock the Notifications
Sign in with Google