ಅತ್ಯಾಚಾರಿಗಳನ್ನು ಗುಂಡಿಕ್ಕಿ ಕೊಲ್ಲಬೇಕು: ಬಿಜೆಪಿ ಸಂಸದ

ಗುವಾಹಟಿ, ಮಾರ್ಚ್ 29: ಅಸ್ಸಾಮಿನಲ್ಲಿ ಇತ್ತೀಚಿನ ದಿನಗಳಲ್ಲಿ ಅತ್ಯಾಚಾರ ಪ್ರಕರಣಗಳು ಹೆಚ್ಚುತ್ತಿರುವ ಕುರಿತು ಕಳವಳ ವ್ಯಕ್ತಪಡಿಸಿದ ಅಸ್ಸಾಂನ ತೆಜ್ಪುರ ಕ್ಷೇತ್ರದ ಸಂಸದ ಆರ್ ಪಿ ಶರ್ಮಾ, ಅತ್ಯಾಚಾರಿಗಳನ್ನು ಸಾರ್ವಜನಿಕವಾಗಿ ಗುಂಡಿಕ್ಕಿ ಕೊಲ್ಲಬೇಕು ಎಂದಿದ್ದಾರೆ.

ಮಹಿಳೆಯರನ್ನು ಅಗೌರವದಿಂದ ನೋಡುವವರಿಗೆ ಈ ಶಿಕ್ಷೆಗಿಂತ ಸೂಕ್ತ ಶಿಕ್ಷೆ ಇಲ್ಲ. ಅತ್ಯಾಚಾರದಂಥ ಹೀನ ಕೃತ್ಯ ಎಸಗುವವರನ್ನು ಸಾರ್ವಜನಿಕವಾಗಿ ಗುಂಡಿಕ್ಕಿ ಕೊಂದರೆ ಮತ್ತೆ ಇಂಥ ಪ್ರಕರಣಗಳು ನಡೆಯುವುದು ನಿಲ್ಲುತ್ತದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಇತ್ತೀಚೆಗಷ್ಟೇ ಅಸ್ಸಾಮಿನ ನಾಗೂನ್ ಎಂಬಲ್ಲಿ ಐದನೇ ತರಗತಿ ಓದುತ್ತಿದ್ದ ಮಗುವಿನ ಮೇಲೆ ಅತ್ಯಾಚಾರ ಎಸಗಿದ್ದ ಧುರುಳರು, ಆಕೆಯನ್ನು ಸುಟ್ಟು ಕೊಂದಿದ್ದರು. ಈ ಘಟನೆಯ ಹಿನ್ನೆಲೆಯಲ್ಲಿ ಶರ್ಮಾ ಈ ಹೇಳಿಕೆ ನೀಡಿದ್ದಾರೆ.

English summary

Raising concern over the increasing number of rape incidents in Assam, Bharatiya Janata Party (BJP) MP from Tezpur R.P. Sharma on Thursday said people found guilty of committing such horrendous crime should be shot dead in public.