ಅಮೃತಸರ ರೈಲು ದುರಂತ: ಸೆಲ್ಫಿ ಕ್ಲಿಕ್ಕಿಸುತ್ತಿದ್ದವರ ಮೇಲೆ ಹರಿದ ರೈಲು!

ಅಮೃತಸರ, ಅಕ್ಟೋಬರ್ 20: ರಾವಣನ ಪ್ರತಿಕೃತಿಯನ್ನು ದಹಿಸಿ, ದಸರಾವನ್ನು ಸಂಭ್ರಮಿಸುತ್ತಿದ್ದ ಜನರ ಮೇಲೆ ಯಮರಾಯನಂತೆ ರೈಲೊಂದು ಎರಗಿತ್ತು... ನೋಡುನೋಡುತ್ತಿದ್ದಂತೆಯೇ ದಸರಾ ಸಂಭ್ರಮಕ್ಕೆ ಘೋರ ದುರಂತದ ಸೂತಕದ ಛಾಯೆ ಆವರಿಸಿತ್ತು.

#Visuals of the site of #AmritsarTrainAccident where the DMU train ran over people who were watching Dussehra celebrations in Choura Bazar yesterday. pic.twitter.com/Ox6FojblXn

— ANI (@ANI) October 20, 2018

61 ಜನ ಮೃತರಾದರೆ, 70ಕ್ಕೂ ಹೆಚ್ಚು ಜನ ಗಾಯಗೊಂಡರು. ರೈಲು ಬರುತ್ತಿದ್ದ ಸಂದರ್ಭದಲ್ಲಿ ಹಲವರು ಹಳಿಯ ಮೇಲೆ ನಿಂತು ಸೆಲ್ಫಿ ಕ್ಲಿಕ್ಕಿಸಿಕೊಳ್ಳುತ್ತಿದ್ದರು. ಪಟಾಕಿ ಸದ್ದಿನ ನಡುವೆ ರೈಲು ಬಂದಿದ್ದೇ ತಿಳಿಯದೆ 50 ಕ್ಕೂ ಹೆಚ್ಚು ಜನ ಮೃತರಾದರು. ಈ ಘೋರ ದುರಂತದ ವಿಡಿಯೋ ಸಹ ಸೆರೆಯಾಗಿದೆ.

ಅಮೃತಸರ ನಿಲ್ದಾಣದ ಬಳಿಯ ಮನಾವಾಲಾ ಮತ್ತು ಫೆರೋಜ್ಪುರ ನಿಲ್ದಾಣದ ನಡುವಲ್ಲಿ ನಡೆದ ಈ ಘಟನೆ ಇತ್ತೀಚಿನ ದಿನಗಳಲ್ಲಿ ನಡೆದ ಮಹಾದುರಂತ ಎನ್ನಿಸಿದೆ.

ರೈಲ್ವೇ ದುರಂತಕ್ಕೆ ವಿಷಾದ ವ್ಯಕ್ತಪಡಿಸಿದ ಪ್ರಧಾನಿ ನರೇಂದ್ರ ಮೋದಿ, ಮೃತರ ಕುಟುಂಬಕ್ಕೆ ತಲಾ 2 ಲಕ್ಷ ರೂ. ಮತ್ತು ಗಾಯಗೊಂಡವರಿಗೆ 50,000 ರೂ. ಪರಿಹಾರ ಘೋಷಿಸಿದರು.

English summary

People are clicking selfies while Amritsar train tragedy happening. At least 58 people have died and more than 70 injured after being mowed down by a fast-moving train in Punjab's Amritsar.