ಭಾರತದ ಯಾವ ನಗರದಲ್ಲಿ ಪೆಟ್ರೋಲ್ ದರ ಎಷ್ಟಿದೆ?

By Madhusoodhan

Updated: Wednesday, August 17, 2016, 19:24 [IST]

ನವದೆಹಲಿ, ಆಗಸ್ಟ್. 17: ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ನಿರಂತರವಾಗಿ ಇಳಿಕೆಯಾಗುತ್ತಿದೆ. ಅದಕ್ಕೆ ಅನುಗುಣವಾಗಿ ಭಾರತೀಯ ಮಾರುಕಟ್ಟೆಯಲ್ಲೂ ತೈಲ ದರ ಇಳಿಕೆ ಮಾಡಲಾಗುತ್ತಿದೆ. ಮೊನ್ನೆ ತಾನೇ ಪೆಟ್ರೋಲ್ ದರದಲ್ಲಿ ಒಂದು ರು. ಇಳಿಕೆ ಮಾಡಲಾಗಿದೆ.

ಆದರೆ ಭಾರತದ ಒಳಗೆ ಮಹಾನಗರಗಳಲ್ಲಿ ತೈಲ ದರ ಬೇರೆ ಬೇರೆಯಾಗಿದೆ. ದೆಹಲಿಗೆ ಹೋಲಿಕೆ ಮಾಡಿದರೆ ಬೆಂಗಳೂರಿನಲ್ಲಿ ಬೇರೆ ಬೆಲೆ. ಹಾಗಾದರೆ ಭಾರತದ ಯಾವ ನಗರಗಳಲ್ಲಿ ಸದ್ಯ ಯಾವ ದರ ಚಾಲ್ತಿಯಲ್ಲಿದೆ ಎಂಬುದರ ಮೇಲೆ ಒಂದು ನೋಟ ಇಲ್ಲಿದೆ.[ತೈಲ ಬೆಲೆ ನಿರಂತರ ಇಳಿಕೆಗೆ ನಿಜವಾದ ಕಾರಣವೇನು?]

ದೇಶದಲ್ಲಿಯೇ ಡೆಹರಾಡೂನ್ ನಾಗರಿಕರು ಪೆಟ್ರೋಲ್ ಗೆ ಅತಿ ಹೆಚ್ಚಿನ ಬೆಲೆ ತೆರಬೇಕಾಗಿದೆ. ಲೀಟರ್ ಪೆಟ್ರೋಲ್ ಗೆ ಡೆಹರಾಡೂನ್ ನಲ್ಲಿ 65.95 ರು. ನೀಡಬೇಕಿದೆ. ಇನನ್ನು ಪಣಜಿಯಲ್ಲಿ ಕಡಿಮೆ ಅಂದರೆ 54.73 ರು. ನೀಡಬೇಕು. ಎಲ್ಲದಕ್ಕಿಂತ ಕಡಿಮೆ ಪೋರ್ಟ್ ಬ್ಲೇರ್ ನಲ್ಲಿ 53.05 ರು. ಲೀಟರ್ ಪೆಟ್ರೋಲ್ ಗೆ ನೀಡಿದರೆ ಸಾಕು.