'ನಿಮ್ಮ ಮಕ್ಕಳನ್ನು ಭಯೋತ್ಪಾದನೆಗೆ ಕಳಿಸಿ': ವಿಚಿತ್ರ ಪತ್ರ!
ಕುಂಕುರಿ, ಏಪ್ರಿಲ್ 7: "ನಿಮ್ಮ ಮಕ್ಕಳನ್ನು ಭಯೋತ್ಪಾದನೆಗೆ ಕಳಿಸಿ..." ಎಂದು ಬರೆದ ವಿಚಿತ್ರ ಪತ್ರಗಳನ್ನು ಛತ್ತೀಸ್ ಗಢದ ಕುಂಕುರಿ ಪ್ರದೇಶದ ಕೆಲವು ಮನೆಗಳ ಗೋಡೆಯ ಮೇಲೆ ಅಂಟಿಸಿರುವುದು ಆತಂಕ ಸೃಷ್ಟಿಸಿದೆ.
ಹಿಂದಿ ಭಾಷೆಯಲ್ಲಿ ಬರೆಯಲಾದ ಈ ಪತ್ರದಲ್ಲಿ, 'ನಿಮ್ಮ ಮಕ್ಕಳನ್ನು ಭಯೋತ್ಪಾದನೆಗೆ ಕಳಿಸಿ. ಭಯೋತ್ಪಾದಕರನ್ನು ಬಲಪಡಿಸಿ. ಇಲ್ಲವೆಂದರೆ ನಿಮ್ಮ ಊರನ್ನೇ ನಾಶ ಮಾಡುತ್ತೇವೆ' ಎಂದು ಬರೆಯಲಾಗಿದೆ.
ಹಲವು ಮನೆಗಳ ಗೋಡೆಗಳ ಮೇಲೆ ಈ ಪತ್ರ ಅಂಟಿಸಿರುವುದನ್ನು ಕಂಡು ಆತಂಕಗೊಂಡ ಜನರು ಈ ವಿಷಯವನ್ನು ಪೊಲೀಸರಿಗೆ ತಿಳಿಸಿದ್ದಾರೆ. ವಿಷಯವನ್ನು ಗಂಭೀರವಾಗಿ ಪರಿಗಣಿಸಿರುವ ಪೊಲೀಸರು ಹೆಚ್ಚಿನ ತನಿಖೆ ನಡೆಸುವುದಾಗಿ ಭರವಸೆ ನೀಡಿದ್ದು, ಈಗಾಗಲೇ ತನಿಖೆ ಆರಂಭಿಸಿದ್ದಾರೆ.
Click it and Unblock the Notifications
Sign in with Google