ಬಿಜೆಪಿಗೆ ಧಿಕ್ಕಾರ ಎನ್ನಬೇಡಿ, ಅವರನ್ನು ಪ್ರೀತಿಯಿಂದ ಸೋಲಿಸೋಣ: ರಾಹುಲ್

ರೋರ್ಕೆಲಾ(ಒಡಿಸ್ಸಾ), ಫೆಬ್ರವರಿ 07: ಬಿಜೆಪಿಗೆ ಧಿಕ್ಕಾರ ಎನ್ನಬೇಡಿ, ಅವರನ್ನು ಸೆದೆಬಡೆಯೋಣ ಎನ್ನದಿರಿ, ಅವರಿಗೆ ಅವರನ್ನು ಪ್ರೀತಿಯಿಂದಲೇ ಸೋಲಿಸೋಣ ಎಂದು ರಾಹುಲ್ ಗಾಂಧಿ ಅವರು ಕಾರ್ಯಕರ್ತರಿಗೆ ಕರೆ ನೀಡಿದರು.

ಒಡಿಸ್ಸಾದ ರೋರ್ಕೆಲಾದಲ್ಲಿ ಬುಧವಾರ ಆಯೋಜಿಸಿದ್ದ ಸಮಾವೇಶದಲ್ಲಿ ಮಾತನಾಡಿದ ಅವರು, ಬಿಜೆಪಿಗೆ ಮುರ್ದಾಬಾದ್ (ಧಿಕ್ಕಾರ) ಎನ್ನುವುದು ಬೇಡ, ಅವರನ್ನು ಪ್ರೀತಿಯಿಂದ ಗೆಲ್ಲೋಣ, ಇಂತಹಾ ದ್ವೇಷದ ಪದಗಳನ್ನು ಬಿಜೆಪಿ ಮತ್ತು ಆರ್‌ಎಸ್‌ಎಸ್‌ ಮಾತ್ರ ಬಳಸುತ್ತದೆ ಎಂದು ಅವರು ಹೇಳಿದರು.

ಸಮಾವೇಶದಲ್ಲಿ ಕಾಂಗ್ರೆಸ್‌ನ ಕಾರ್ಯಕರ್ತರು 'ಬಿಜೆಪಿ ಮುರ್ದಾಬಾದ್' ಘೋಷಣೆಗಳನ್ನು ಕೂಗಲು ಪ್ರಾರಂಭಿಸಿದಾಗ ರಾಹುಲ್ ಗಾಂಧಿ ಈ ಮಾತು ಹೇಳಿದರು ಎಂದು ಪಿಟಿಐ ವರದಿ ಮಾಡಿದೆ. ರಾಹುಲ್ ಅವರ ಈ ಮಾತಿಗೆ ಭಾರಿ ಕರತಾಡನವು ವ್ಯಕ್ತವಾಗಿದೆ.

ದ್ವೇಷ ರಾಜಕಾರಣ ಮಾಡದೆ, ಪ್ರೀತಿಯಿಂದಲೇ, ನ್ಯಾಯಯುತವಾಗಿ, ಸತ್ಯದ ದಾರಿಯಲ್ಲಿ ಹೋರಾಡಿ ಕಾಂಗ್ರೆಸ್ ಪಕ್ಷವು ಈ ಬಾರಿಯ ಲೋಕಸಭೆ ಚುನಾವಣೆಯಲ್ಲಿ ಬಿಜೆಪಿಯನ್ನು ಸೋಲಿಸುತ್ತದೆ ಎಂದು ರಾಹುಲ್ ಗಾಂಧಿ ಹೇಳಿದರು.

English summary

Do not say BJP murdabad, we will defeat them with love and affection said Rahul Gandhi to congress party workers in Odisha's Rourkela.