ಪ್ರಾಣಾಪಾಯದಿಂದ ಪಾರಾದ 'ದಂಗಲ್' ಸ್ಟಾರ್ ಝೈರಾ

ದಂಗಲ್ ಸಿನಿಮಾದಲ್ಲಿ ಅಮೀರ್ ಖಾನ್ ಅವರ ಪುತ್ರಿಯಾಗಿ ನಟಿಸಿದ್ದ ಝೈರಾ ವಾಸೀಂ ಅವರ ಕಾರು ಅಪಘಾತಕ್ಕೀಡಾದ ಸುದ್ದಿ ತಡವಾಗಿ ಬೆಳಕಿಗೆ ಬಂದಿದೆ. ಕಾಶ್ಮೀರದ ದಾಲ್ ಲೇಕ್ ಬಳಿ ಕಾರಿನಲ್ಲಿ ತೆರಳುವಾಗ ಅವರ ಕಾರು ಕೆರೆಗೆ ಬಿದ್ದಿದೆ. ತಕ್ಷಣವೇ ಸ್ಥಳೀಯರು

ಶ್ರೀನಗರ, ಜೂನ್ 10: ಜನಪ್ರಿಯ ಹಿಂದಿ ಚಿತ್ರ 'ದಂಗಲ್'ನಲ್ಲಿ ಅಮೀರ್ ಖಾನ್ ಮಗಳ ಪಾತ್ರ ವಹಿಸಿದ್ದ ಜೈರಾ ವಾಸೀಂ ಅವರೀಗ ಕಾರು ಅಪಘಾತದಿಂದ ಅನುಭವಿಸಿದ್ದ ಶಾಕ್ ನಿಂದ ಹೊರಬಂದಿದ್ದಾರೆಂದು ವರದಿಯಾಗಿದೆ.

ಗುರುವಾರ (ಜೂನ್ 8) , ಅವರು ಚಲಿಸುತ್ತಿದ್ದ ಕಾರು ಪ್ರಸಿದ್ಧ ದಾಲ್ ಸರೋವರದಲ್ಲಿ ಬಿದ್ದಿತ್ತು. ಕಾರು ಚಾಲಕನ ನಿಯಂತ್ರಣ ತಪ್ಪಿ ಕೆರೆಗೆ ಬಿದ್ದಿದ್ದನ್ನು ನೋಡಿದ ಸ್ಥಳೀಯರಲ್ಲಿ ಕೆಲವರು ಕೆರೆಯೊಳಗೆ ಧುಮುಕಿ ಚಾಲಕ ಹಾಗೂ ಝೈರಾ ಅವರನ್ನು ಅಪಯಾದಿಂದ ಪಾರು ಮಾಡಿದ್ದರು.

ಘಟನೆಯಿಂದ ಕೊಂಚ ಶಾಕ್ ಗೆ ಒಳಗಾಗಿದ್ದ ಝೈರಾ, ಇದೀಗ ಸಂಪೂರ್ಣವಾಗಿ ಚೇತರಿಸಿಕೊಂಡಿದ್ದು, ಸಹಜತೆಗೆ ಮರಳಿದ್ದಾರೆಂದು ಕೆಲ ಮಾಧ್ಯಮಗಳು ವರದಿಯಾಗಿವೆ.

''ದಾಲ್ ಲೇಕ್ ನಲ್ಲಿ ಕಾರು ಬಿದ್ದಾಗ ಅದರಲ್ಲಿ ಝೈರಾ ಇದ್ದಾರೆಂದು ನಮಗೆ ಅನ್ನಿಸಿರಲಿಲ್ಲ. ಆದರೆ, ಕೆಲವರು ತಕ್ಷಣವೇ ಕೆರೆಗೆ ಹಾರಿ ಕಾರಿನಲ್ಲಿದ್ದವರನ್ನು ಬದುಕಿಸಿದರು. ಹಾಗೆ ಅವರಿಬ್ಬರನ್ನೂ ಹೊರಗೆ ತಂದ ಮೇಲಷ್ಟೇ ಕಾರಿನಲ್ಲಿದ್ದಿದ್ದು ದಂಗಲ್ ಖ್ಯಾತಿ ನಟಿ ಎಂಬುದು ಗೊತ್ತಾಗಿದ್ದು. ಹಾಗಾಗಿ, ಜನರು ಸೇರುವುದರೊಳಗೆ ಅವರನ್ನು ಆಸ್ಪತ್ರೆಗೆ ಅಲ್ಲಿಂದ ಕಳುಹಿಸಲಾಗಿತ್ತು'' ಎಂದು ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿದ್ದಾರೆ.

English summary

Actress Zaira Wasim was involved in an accident at the Dal Lake in Kashmir on Thursday, reported news agency IANS.