Chandrayaan 3: ಚಂದ್ರನ ವಿಡಿಯೋ ಸೆರೆಹಿಡಿದ ಬಾಹ್ಯಾಕಾಶ ನೌಕೆ: ಅದ್ಭುತ ದೃಶ್ಯ ನೀವೂ ನೋಡಿ

ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಚಂದ್ರಯಾನ 3 ವೀಕ್ಷಿಸಿದ ಚಂದ್ರನ ಮೊದಲ ಚಿತ್ರಗಳನ್ನು ಬಿಡುಗಡೆ ಮಾಡಿದೆ. ಭಾರತದ ಮೂರನೇ ಮಾನವರಹಿತ ಚಂದ್ರನ ಮಿಷನ್, ಶನಿವಾರ ಚಂದ್ರನ ಕಕ್ಷೆಯನ್ನು ಪ್ರವೇಶಿಸಿದ ನಂತರ ಚಂದ್ರಯಾನ-3 ಚಿತ್ರಗಳನ್ನು ಸೆರೆಹಿಡಿಯಿತು.

"ಆಗಸ್ಟ್ 5, 2023ರಂದು ಚಂದ್ರನ ಕಕ್ಷೆಯನ್ನು ಪ್ರವೇಶಿಸಿದ ಸಂದರ್ಭದಲ್ಲಿ ಚಂದ್ರಯಾನ -3 ಬಾಹ್ಯಾಕಾಶ ನೌಕೆಯು ಚಂದ್ರನನ್ನು ದೃಶ್ಯಗಳಲ್ಲಿ ಸೆರೆಹಿಡಿದಿದೆ" ಇಸ್ರೋ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಲ್ಲಿ ಟ್ವೀಟ್ ಮಾಡಿದೆ.

ಚಂದ್ರಯಾನ ಕಾರ್ಯಾಚರಣೆಯು ಇಲ್ಲಿಯವರೆಗೆ ಸುಗಮವಾಗಿದೆ ಮತ್ತು ವಿಕ್ರಮ್ ಲ್ಯಾಂಡರ್ ಈ ತಿಂಗಳ ಕೊನೆಯಲ್ಲಿ ಆಗಸ್ಟ್ 23 ರಂದು ಚಂದ್ರನ ಮೇಲ್ಮೈಯಲ್ಲಿ ಸುರಕ್ಷಿತವಾಗಿ ಇಳಿಯುವ ನಿರೀಕ್ಷೆಯಿದೆ. ಆಂಧ್ರದ ಶ್ರೀಹರಿಕೋಟಾದಿಂದ ಉಡಾವಣೆಯಾದ 22 ದಿನಗಳ ಬಳಿಕ ಶನಿವಾರ ಚಂದ್ರಯಾನ ನೌಕೆ ಚಂದ್ರನ ಕಕ್ಷೆಯನ್ನು ಪ್ರವೇಶಿಸಿದೆ. ಚಂದ್ರನ ದಕ್ಷಿಣ ಧ್ರುವದಲ್ಲಿ ನೌಕೆಯನ್ನು ಇಳಿಸಲು ಯೋಜಿಸಲಾಗಿದೆ. ಈ ಭಾಗದಲ್ಲಿ ಇದುವರೆಗೂ ಯಾವುದೇ ದೇಶ ಹೋಗಿಲ್ಲ ಎನ್ನುವುದು ಗಮನಾರ್ಹ ಸಂಗತಿ.

The Moon, as viewed by #Chandrayaan3 spacecraft during Lunar Orbit Insertion (LOI) on August 5, 2023.#ISRO pic.twitter.com/xQtVyLTu0c

— LVM3-M4/CHANDRAYAAN-3 MISSION (@chandrayaan_3) August 6, 2023

"ನಾನು ಚಂದ್ರನ ಗುರುತ್ವಾಕರ್ಷಣೆಯನ್ನು ಅನುಭವಿಸುತ್ತಿದ್ದೇನೆ" ಎಂಬುದು ಚಂದ್ರಯಾನ-3 ರ ಸಂದೇಶವನ್ನು ಇಸ್ರೋಗೆ ಕಳುಹಿಸಿದೆ. ಚಂದ್ರನ ಹತ್ತಿರಕ್ಕೆ ಕೊಂಡೊಯ್ಯುವ ಅಗತ್ಯವಿರುವ ಕುಶಲತೆಯನ್ನು ಬೆಂಗಳೂರಿನಲ್ಲಿರುವ ಬಾಹ್ಯಾಕಾಶ ಸಂಸ್ಥೆಯ ಸೌಲಭ್ಯದಿಂದ ಯಾವುದೇ ದೋಷವಿಲ್ಲದೆ ನಡೆಸಲಾಗಿದೆ.

English summary

The Indian Space Research Organisation, ISRO, has unveiled the inaugural images of the Moon taken by Chandrayaan 3, marking India's third unmanned lunar mission. These images were acquired following Chandrayaan-3's successful entry into the Moon's orbit on Saturday.