ಭಾರತದ ರಾಷ್ಟ್ರ ಧ್ವಜದಲ್ಲಿ ಕ್ಯಾಮೆರಾ ಇದೆಯಂತೆ, ಕ್ಯಾತೆ ತೆಗೆದ ಪಾಕಿಸ್ತಾನ!
ಅಟ್ಟಾರಿ ಗಡಿಯಲ್ಲಿಹಾರಿಸಲಾದಭಾರತದ ರಾಷ್ಟ್ರ ಧ್ವಜದಲ್ಲಿ ಕ್ಯಾಮೆರಾ ಇಟ್ಟಿರಬಹುದು. ಈ ಮೂಲಕ ನಮ್ಮ ನೆಲದ ಮೇಲೆ ಗೂಢಚರ್ಯೆ ನಡೆಸುತ್ತಿರಬಹುದು ಎಂದು ಪಾಕಿಸ್ತಾನ ಹೇಳಿದೆ. ಮಾತ್ರವಲ್ಲ ಗಡಿ ರಕ್ಷಣಾ ಪಡೆಗೆ ಈ ಕುರಿತು ದೂರನ್ನೂ ಸಲ್ಲಿಸಿದೆ.
ಬೆಂಗಳೂರು, ಮಾರ್ಚ್ 7: ಪಾಕಿಸ್ತಾನ-ಭಾರತ ನಡುವಿನ ಅಟ್ಟಾರಿ ಗಡಿಯಲ್ಲಿ ಭಾರತ110 ಮೀಟರ್ ಎತ್ತರದ ಬೃಹತ್ ರಾಷ್ಟ್ರ ಧ್ವಜವನ್ನು ಹಾರಿಸಿತ್ತು. ಈ ರಾಷ್ಟ್ರ ಧ್ವಜವನ್ನು ಪಾಕಿಸ್ತಾನದಿಂದಲೂ ನೋಡಬಹುದಾಗಿದೆ.
24 ಮೀಟರ್ ಅಗಲದ ಈ ರಾಷ್ಟ್ರಧ್ವಜವನ್ನು ಪಾಕಿಸ್ತಾನದ ಮೇಲೆ ಗೂಢಚರ್ಯೆ ನಡೆಸಲು ಸ್ಥಾಪಿಸಲಾಗಿದೆ ಎಂದು ಪಾಕಿಸ್ತಾನ ಕ್ಯಾತೆ ತೆಗೆದಿದೆ.[ವಾಘಾ ಗಡಿಯಲ್ಲಿ ಹಾರಿತು ಭಾರತದ ಬೃಹತ್ ತ್ರಿವರ್ಣ ಧ್ವಜ]
ಭಾರತದ ರಾಷ್ಟ್ರ ಧ್ವಜದಲ್ಲಿ ಕ್ಯಾಮೆರಾ ಇಟ್ಟಿರಬಹುದು. ಈ ಮೂಲಕ ನಮ್ಮ ನೆಲದ ಮೇಲೆ ಗೂಢಚರ್ಯೆ ನಡೆಸುತ್ತಿರಬಹುದು ಎಂದು ಪಾಕಿಸ್ತಾನ ಹೇಳಿದೆ. ಮಾತ್ರವಲ್ಲ ಗಡಿ ರಕ್ಷಣಾ ಪಡೆಗೆ ಈ ಕುರಿತು ದೂರನ್ನೂ ಸಲ್ಲಿಸಿದೆ. ಧ್ವಜದಲ್ಲಿ ಕ್ಯಾಮೆರಾ ಇದೆ, ಇದು ರಕ್ಷಣೆಗೆ ತೊಂದರೆ ತಂದೊಡ್ಡಿದೆ ಎಂದು ಹೇಳಿದೆ.
ಆದರೆ ಪಾಕಿಸ್ತಾನದ ಈ ಆರೋಪಕ್ಕೆ ಭಾರತ ನಗೆಗಡಲ್ಲಿ ತೇಲಿದ್ದು ಪಾಕಿಸ್ತಾನದ ಹೇಳಿಕೆ ಅಸಂಬದ್ಧ, ಮಕ್ಕಳಾಟಿಕೆ, ಪರಿಪಕ್ವತೆ ಇಲ್ಲದ ಆರೋಪ ಎಂದು ಹೇಳಿದೆ. ತ್ರಿವರ್ಣ ಧ್ವಜವನ್ನು ಹಾರಿಸುವುದು ನಮ್ಮ ಹೆಮ್ಮೆಯಾಗಿದೆ. ನಾವು ಯಾವುದೇ ನಿಯಮಗಳನ್ನು ಉಲ್ಲಂಘಿಸಿಲ್ಲ ಎಂದು ಭಾರತ ಪಾಕಿಸ್ತಾನಕ್ಕೆ ಖಾರವಾಗಿ ಉತ್ತರಿಸಿದೆ.[ಮುಂಬೈ ದಾಳಿಯಲ್ಲಿ ಪಾಕ್ ಸಂಚು, ಅಧಿಕಾರಿ ಒಪ್ಪಿಕೊಂಡ ಅರ್ಧ ಸತ್ಯ]
ಧ್ವಜ ಗಡಿಯಿಂದ 200 ಮಿಟರ್ ದೂರದಲ್ಲಿದೆ. ಸಾಕಷ್ಟು ದೂರದಲ್ಲೇ ಇರುವುದರಿಂದ ಯಾವುದೇ ಕಾನೂನು ಹಾಗೂ ನಿಯಮಗಳನ್ನು ಉಲ್ಲಂಘಿಸಿಲ್ಲ ಎಂದು ಭಾರತದ ಅಧಿಕಾರಿಗಳು ಹೇಳಿದ್ದಾರೆ.
Click it and Unblock the Notifications
Sign in with Google