ಜೆಡಿಯು ನಾಯಕನಿಗೆ ಕಳಿಸಿದ್ದ ಪಾರ್ಸಲ್ ನಲ್ಲಿ ಬಾಂಬ್
ಗಯಾ, ಮೇ 26: ಬಿಹಾರದಲ್ಲಿ ಬಾಂಬ್ ಸ್ಫೋಟ ಸಾಮಾನ್ಯವಾಗಿ ಬಿಟ್ಟಿದೆ. ಆದರೆ ಈ ಬಾರಿ ದುಷ್ಕರ್ಮಿಗಳು ಗಾಡಿಯಲ್ಲಿ, ಕಸದ ತೊಟ್ಟಿಯಲ್ಲಿ ಬಾಂಬ್ ಇಟ್ಟಿಲ್ಲ. ಪಾರ್ಸಲ್ ತಂತ್ರ ಅನುಸರಿಸಿದ್ದಾರೆ.
ಸ್ಥಳೀಯ ಜೆಡಿಯು ನಾಯಕನ ಹೆಸರಿನಲ್ಲಿ ಬಂದ ಪಾರ್ಸಲ್ ನಲ್ಲಿ ಬಾಂಬ್ ಇತ್ತು. ಅದನ್ನು ತೆಗೆದು ನೋಡಿದ ಮನೆ ಕೆಲಸದವನ ಪ್ರಾಣವೇ ಹಾರಿ ಹೋಗಿದೆ.[ಟಿಎಂಸಿ ಶಾಸಕನ ಮನೆಯಲ್ಲಿ ಬಾಂಬ್ ಸ್ಫೋಟ]
ಗಯಾದ ಜೆಡಿಯು ಜಿಲ್ಲಾ ಘಟಕದ ಅಧ್ಯಕ್ಷ ಅಭಯ್ ಕುಶ್ವಾಹ ಅವರ ಹೆಸರಿಗೆ ಬಂದ ಪಾರ್ಸಲ್ ನ್ನು ಮಂಗಳವಾರ ಬೆಳಗ್ಗೆ ಕೆಲಸದಾಳು ಸಂತೋಷ್ ಕುಮಾರ್ ತೆರೆಯ ಹೋಗಿದ್ದಾರೆ. ಈ ವೇಳೆ ಬಾಂಬ್ ಏಕಾಏಕಿ ಸಿಡಿದಿದೆ. ಪರಿಣಾಮ ಸಂತೋಷ್ ಸ್ಥಳದಲ್ಲೇ ಸಾವನ್ನಪ್ಪಿದ್ದು,ಇನ್ನೊರ್ವ ವ್ಯಕ್ತಿ ಗಂಭೀರ ಗಾಯಗೊಂಡಿದ್ದಾನೆ.[ಕುಡಿದ ಮತ್ತಿನಲ್ಲಿ ಸಿಎಂ ಮನೆಯಲ್ಲಿ ಬಾಂಬ್ ಇದೆ ಎಂದ!]
ಕುಶ್ವಾಹ ಅವರನ್ನು ಗುರಿಯಾಗಿರಿಸಿಕೊಂಡು ಬಾಂಬ್ ಕಳುಹಿಸಲಾಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ. ಆದರೆ ಪ್ರಕರಣದ ಬಗ್ಗೆ ಇನ್ನು ಹೆಚ್ಚಿನ ತನಿಖೆ ನಡೆಯಬೇಕಾಗಿದ್ದು ದುಷ್ಕರ್ಮಿಗಳ ನಿಜ ಉದ್ದೇಶ ಏನಿತ್ತು? ಎಂಬುದನ್ನು ಕಂಡುಹಿಡಿಯಬೇಕಾಗಿದೆ.
Click it and Unblock the Notifications
Sign in with Google