Get Updates
Get notified of breaking news, exclusive insights, and must-see stories!

ಸಾಮರಸ್ಯಕ್ಕೊಂದು ಅರ್ಥ: ಚಾಮರಾಜನಗರದಲ್ಲಿ ಮುಸ್ಲಿಂ ವ್ಯಕ್ತಿಯಿಂದ ಗಣೇಶ ದೇವಸ್ಥಾನ ನಿರ್ಮಾಣ

ಚಾಮರಾಜನಗರ, ಏಪ್ರಿಲ್ 8: ಸಮಾಜದಲ್ಲಿ ಧಾರ್ಮಿಕ ಸೌಹಾರ್ದತೆಯ ಮೇಲೆ ದುಷ್ಪರಿಣಾಮ ಬೀರುತ್ತಿರುವ ಹಿಜಾಬ್, ಹಲಾಲ್, ಅಜಾನ್ ಮತ್ತಿತರ ವಿವಾದಗಳ ನಡುವೆ ಚಾಮರಾಜನಗರ ತಾಲೂಕಿನ ಚಿಕ್ಕಹೊಳೆ ಅಣೆಕಟ್ಟೆ ಬಳಿ ಮುಸ್ಲಿಂ ವ್ಯಕ್ತಿಯೊಬ್ಬರು ಸಾಮರಸ್ಯ ಸಂದೇಶ ಸಾರಿದ್ದಾರೆ.

ಜಲಸಂಪನ್ಮೂಲ ಇಲಾಖೆಯ ನಿವೃತ್ತ ನೌಕರ ಪಿ. ರೆಹಮಾನ್ ಎಂಬುವರು ಚಿಕ್ಕಹೊಳೆ ಅಣೆಕಟ್ಟೆ ಬಳಿ ಗಣೇಶನ ದೇವಸ್ಥಾನವನ್ನು ನಿರ್ಮಿಸಿದ್ದಾರೆ. ನಿತ್ಯ ಪೂಜೆ ನಡೆಸಲು ಒಬ್ಬ ಅರ್ಚಕರನ್ನೂ ನೇಮಿಸಿದ್ದಾರೆ. ರೆಹಮಾನ್ ಸದ್ಯ ಸುವರ್ಣಾವತಿ ಮತ್ತು ಚಿಕ್ಕಹೊಳೆ ಅಣೆಕಟ್ಟುಗಳಲ್ಲಿ ಗೇಟ್ ಆಪರೇಟರ್ ಆಗಿ ಸೇವೆ ಸಲ್ಲಿಸುತ್ತಿದ್ದಾರೆ.

ಅರ್ಚಕನಿಗೆ ಮಾಸಿಕ ಸಂಬಳ ಕೊಡುತ್ತಿದ್ದು, ದೇವಸ್ಥಾನದಲ್ಲಿ ಪ್ರತಿ ಸೋಮವಾರ ಮತ್ತು ಶುಕ್ರವಾರ ವಿಶೇಷ ಪೂಜೆಗಳು ನಡೆಯುತ್ತವೆ ಮತ್ತು ಗ್ರಾಮಸ್ಥರು ಈ ಪೂಜೆಯಲ್ಲಿ ಪಾಲ್ಗೊಳ್ಳುತ್ತಾರೆ.

The Ganesha Temple Was Built By A Muslim Man In Chamarajanagar

ಪಿ. ರೆಹಮಾನ್ ಅವರು 2018ರಲ್ಲಿ ಜಲಸಂಪನ್ಮೂಲ ಇಲಾಖೆಯಿಂದ ನಿವೃತ್ತರಾಗಿದ್ದರು. ಅವರು ನಿವೃತ್ತರಾಗುವ ಒಂದೆರಡು ತಿಂಗಳ ಮೊದಲು ಚಿಕ್ಕಹೊಳೆ ಅಣೆಕಟ್ಟಿನ ಬಳಿಯ ಉದ್ಯಾನವನದಿಂದ ಗಣೇಶನ ಮೂರ್ತಿಯನ್ನು ಕಳವು ಮಾಡಲಾಗಿದೆ ಎಂದು ಹೇಳಿದರು.

"ಗಣೇಶನ ಮೂರ್ತಿ ಕಳವು ಸುದ್ದಿ ಕೇಳಿ ನನಗೆ ಬೇಸರವಾಗಿತ್ತು. ನಂತರ ಶೀಘ್ರದಲ್ಲೇ ನನಗೆ ಮರುಕಳಿಸುವ ಕನಸುಗಳು ಬಿದ್ದವು, ಅದರಲ್ಲಿ ದೇವರು ನನಗೆ ದೇವಾಲಯವನ್ನು ನಿರ್ಮಿಸಲು ಹೇಳಿದನು. ಹೀಗಾಗಿ ನಾನು ಗಣೇಶನ ದೇವಾಲಯವನ್ನು ನಿರ್ಮಿಸಿದೆ," ಎಂದು ಪಿ. ರೆಹಮಾನ್ ಹೇಳಿದರು.

"ನಾವು ಅಲ್ಲಾನನ್ನು ಪೂಜಿಸುವಂತೆ, ಹಿಂದೂಗಳು ಈಶ್ವರನನ್ನು ಪೂಜಿಸುತ್ತಾರೆ. ರಕ್ತದ ಬಣ್ಣವು ಹಿಂದೂ ಮತ್ತು ಮುಸ್ಲಿಂ ಇಬ್ಬರಿಗೂ ಒಂದೇ ಆಗಿರುತ್ತದೆ. ಎಲ್ಲಾ ದೇವರುಗಳು ಒಂದೇ ಎಂದು ನಾನು ಭಾವಿಸುತ್ತೇನೆ ಮತ್ತು ನಾನು ಬಹಳ ಸಮಯದಿಂದ ಗಣೇಶನನ್ನು ಪೂಜಿಸುತ್ತಿದ್ದೇನೆ. ನನಗೆ ಸಂತೋಷವಾಗಿದೆ," ಎಂದು ಪಿ. ರೆಹಮಾನ್ ಹೇಳಿದ್ದಾರೆ.

Recommended Video

      Zameer Ahmed ಕಾಂಗ್ರೆಸ್ ತೊರೆದು JDS ಸೇರಲಿದ್ದಾರ | Oneindia Kannada

      More From
      Prev
      Next
      Notifications
      Settings
      Clear Notifications
      Notifications
      Use the toggle to switch on notifications
      • Block for 8 hours
      • Block for 12 hours
      • Block for 24 hours
      • Don't block
      Gender
      Select your Gender
      • Male
      • Female
      • Others
      Age
      Select your Age Range
      • Under 18
      • 18 to 25
      • 26 to 35
      • 36 to 45
      • 45 to 55
      • 55+