2014ರ ಸರ್ಕಾರಿ ರಜಾ ಪಟ್ಟಿ, ಮೂರು ರಜೆ ನಷ್ಟ

ಬೆಂಗಳೂರು, ಅ, 27 : 2014ನೇ ಸಾಲಿನ ಸಾರ್ವತ್ರಿಕ ರಜಾ ದಿನಗಳ ಪಟ್ಟಿಯನ್ನು ರಾಜ್ಯ ಸರ್ಕಾರ ಪ್ರಕಟಿಸಿದ್ದು, ಒಟ್ಟು 22 ರಜಾ ದಿನಗಳನ್ನು ಘೋಷಣೆ ಮಾಡಲಾಗಿದೆ. ಎಲ್ಲ 2ನೇ ಶನಿವಾರ ಮತ್ತು ಭಾನುವಾರದ ರಜಾ ದಿನಗಳನ್ನು ಹೊರತುಪಡಿಸಿದ 22 ರಜಾ ದಿನಗಳು ದೊರೆಯಲಿವೆ. ಆದರೆ, ಮೂರು ಸರ್ಕಾರಿ ರಜೆ ಭಾನುವಾರ ಬಂದಿರುವುದರಿಂದ ನೌಕರರಿಗೆ ನಿರಾಸೆಯಾಗಿದೆ.

ಜ.14- ಈದ್‌ ಮಿಲಾದ್‌, ಜ.15- ಸಂಕ್ರಾಂತಿ, ಫೆ.27- ಶಿವರಾತ್ರಿ, ಮಾ.31- ಯುಗಾದಿ, ಏ.14- ಅಂಬೇಡ್ಕರ್‌ ಜಯಂತಿ, ಏ.18- ಗುಡ್‌ ಫ್ರೈಡೆ, ಮೇ 1- ಕಾರ್ಮಿಕ ದಿನಾಚರಣೆ, ಮೇ 2- ಬಸವ ಜಯಂತಿ, ಜು.29- ರಂಜಾನ್‌, ಆ.15- ಸ್ವಾತಂತ್ರ್ಯ ದಿನಾಚರಣೆ, ಆ.29- ಗಣೇಶ ಚೌತುರ್ಥಿ, ಸೆ.24- ಮಹಾಲಯ ಅಮವಾಸ್ಯೆ, ಅ.2- ಗಾಂಧಿ ಜಯಂತಿ, ಅ.3- ಆಯುಧ ಪೂಜೆ, ಅ.4- ವಿಜಯ ದಶಮಿ, ಅ.8- ವಾಲ್ಮೀಕಿ ಜಯಂತಿ, ಅ.22- ನರಕ ಚತುರ್ದಶಿ, ಅ.24- ದೀಪಾವಳಿ, ನ.1- ರಾಜ್ಯೋತ್ಸವ, ನ.4- ಮೊಹರಂ, ನ.8- ಕನಕದಾಸ ಜಯಂತಿ, ಡಿ.25- ಕ್ರಿಸ್‌ಮಸ್‌ ರಜಾದಿನಗಳಾಗಿವೆ.

ಈ ರಜಾ ಪಟ್ಟಿಯಲ್ಲಿ ಭಾನುವಾರಗಳಂದು ಬರುವ 26-01-2014 ಗಣರಾಜ್ಯೋತ್ಸವ, 13-04-2014 ಮಹಾವೀರ ಜಯಂತಿ, ಮತ್ತು 05-10-2014ರ ಬಕ್ರೀದ್, ರಜಾ ದಿನಗಳನ್ನೊಳಗೊಂಡಿರುವುದಿಲ್ಲ. ಆದ್ದರಿಂದ ಈ ಬಾರಿ ಸರ್ಕಾರಿ ನೌಕರರಿಗೆ ಮೂರು ರಜೆಗಳು ನಷ್ಟವಾಗಿವೆ.

ಈ ಪಟ್ಟಿಯಲ್ಲಿ ಸೇರಿಸಲಾಗಿರುವ ಮುಸಲ್ಮಾನರ ಹಬ್ಬಗಳು ನಿಗದಿತ ದಿನಾಂಕದಂದು ಬರದಿದ್ದರೆ, ಸರ್ಕಾರಿ ಸೇವೆಯಲ್ಲಿರುವ ಮುಸಲ್ಮಾನರಿಗೆ ನಿಗದಿತ ರಜೆಗೆ ಬದಲಾಗಿ ಹಬ್ಬದ ದಿವಸ ರಜಾ ಮಂಜೂರು ಮಾಡಲು ಅವಕಾಶ ಕಲ್ಪಿಸಲಾಗಿದೆ.

ದಿನಾಂಕ:18-10-2014 ಶನಿವಾರ ತುಲಾ ಸಂಕ್ರಮಣ ಆಚರಿಸಲು ಮತ್ತು ದಿನಾಂಕ:07-12-2014 ಭಾನುವಾರ ಹುತ್ತರಿ ಹಬ್ಬವನ್ನು ಆಚರಿಸಲು ಕೊಡಗು ಜಿಲ್ಲೆಗೆ ಮಾತ್ರ ಅನ್ವಯವಾಗುವಂತೆ ಸ್ಥಳೀಯ ಸಾರ್ವತ್ರಿಕ ರಜೆಯನ್ನು ಘೋಷಿಸಲಾಗಿದೆ.

2014ರ ರಜಾಪಟ್ಟಿ ಹೀಗಿದೆ
ಕ್ರ. ಸಂ	ದಿನಾಂಕ	ವಾರ	ಸಾರ್ವತ್ರಿಕ ರಜಾ
1	14-01-2014	ಮಂಗಳವಾರ	ಈದ್ ಮಿಲಾದ್
2	15-01-2014	ಬುಧವಾರ	ಸಂಕ್ರಾತಿ ಹಬ್ಬ
3	27-02-2014	ಗುರುವಾರ	ಮಹಾಶಿವರಾತ್ರಿ
4	31-03-2014	ಸೋಮವಾರ	ಚಂದ್ರಮಾನ ಯುಗಾದಿ
5	14-04-2014	ಸೋಮವಾರ	ಡಾ.ಬಿ.ಆರ್. ಅಂಬೇಡ್ಕರ್ ಜಯಂತಿ
6	18-04-2014	ಶುಕ್ರವಾರ	ಗುಡ್ ಫ್ರೈಡೆ
7	01-05-2014	ಗುರುವಾರ	ಕಾರ್ಮಿಕ ದಿನಾಚರಣೆ
8	02-05-2014	ಶುಕ್ರವಾರ	ಬಸವಜಯಂತಿ
9	29-07-2014	ಮಂಗಳವಾರ	ಖುತುಬ್-ಎ-ರಂಜಾನ್
10	15-08-2014	ಶುಕ್ರವಾರ	ಸ್ವಾತಂತ್ರ್ಯ ದಿನಾಚರಣೆ
11	29-08-2014	ಶುಕ್ರವಾರ	ವರಸಿದ್ಧಿ ವಿನಾಯಕ ವ್ರತ
12	24-09-2014	ಬುಧವಾರ	ಮಹಾಲಯ ಅಮವಾಸ್ಯೆ
13	02-10-2014	ಗುರುವಾರ	ಗಾಂಧೀ ಜಯಂತಿ
14	03-10-2014	ಶುಕ್ರವಾರ	ಮಹಾನವಮಿ ಆಯುಧಪೂಜೆ
15	04-10-2014	ಶನಿವಾರ	ವಿಜಯ ದಶಮಿ
16	08-10-2014	ಬುಧವಾರ	ಮಹರ್ಷಿ ವಾಲ್ಮೀಕಿ ಜಯಂತಿ
17	22-10-2013	ಬುಧವಾರ	ನರಕ ಚತುರ್ದಶಿ
18	24-10-2014	ಶುಕ್ರವಾರ	ದೀಪಾವಳಿ
19	01-11-2014	ಶನಿವಾರ	ಕನ್ನಡ ರಾಜ್ಯೋತ್ಸವ
20	04-11-2014	ಮಂಗಳವಾರ	ಮೊಹರಂ ಕಡೇ ದಿನ
21	08-11-2014	ಶನಿವಾರ	ಕನಕದಾಸ ಜಯಂತಿ
22	25-12-2014	ಗುರುವಾರ	ಕ್ರಿಸ್‌ಮಸ್

English summary

List of public holidays declared by Karnataka government for the year 2014. Karnataka govt has also declared list of restricted holidays. government employees get 22 holidays in year 2014. Have a fantastic year ahead.