ಬೆಂಗಳೂರು ಐಐಎಂನಿಂದ ತಂತ್ರಜ್ಞರಿಗಾಗಿ ಮ್ಯಾನೇಜ್ ಮೆಂಟ್ ಕಾರ್ಯಕ್ರಮ
ಬೆಂಗಳೂರು, ಸೆಪ್ಟೆಂಬರ್ 25: ನಗರದಲ್ಲಿರುವ ಇನ್ಸಿಟ್ಯೂಟ್ ಆಫ್ ಮ್ಯಾನೇಜ್ ಮೆಂಟ್ (ಐಐಎಂಬಿ) ಸಂಸ್ಥೆಯು ಜರ್ಮನಿಯ ಎರಡು ಮ್ಯಾನೇಜ್ ಮೆಂಟ್ ವಿದ್ಯಾ ಸಂಸ್ಥೆಗಳ ಸಹಯೋಗದಲ್ಲಿ ತಂತ್ರಜ್ಞಾನ ನಿರ್ವಹಣೆ ವಲಯದ ಸೇವೆ ಸಲ್ಲಿಸುತ್ತಿರುವ ಸಮೂಹಕ್ಕಾಗಿಯೇ ಹೊಸತೊಂದು ಅಂತಾರಾಷ್ಟ್ರೀಯ ಗುಣಮಟ್ಟದ ಮ್ಯಾನೇಜ್ ಮೆಂಟ್ ಕಾರ್ಯಕ್ರಮವನ್ನು ರೂಪಿಸಿದೆ.
ಈ ಹೊಸ ಪರಿಕಲ್ಪನೆಗೆ ಜರ್ಮನಿಯ ಫೆಡ್ರಿಕ್ ಅಲೆಕ್ಸಾಂಡರ್ ವಿಶ್ವವಿದ್ಯಾಲಯ ಹಾಗೂ ಫ್ರಾನ್ ಹೋಫರ್ ಇನ್ಸ್ಟಿಟ್ಯೂಟ್ ಆಫ್ ಇಂಟಿಗ್ರೇಟೆಡ್ ಸರ್ಕೀಟ್ಸ್ ಐಐಎಸ್ ಗಳ ಸಹಯೋಗದೊಂದಿಗೆ ಐಐಎಂಬಿ ಸಂಸ್ಥೆಯು ಈ ಕಾರ್ಯಕ್ರಮವನ್ನು ರೂಪಿಸಿದೆ.
ಇಂದಿನ ತಂತ್ರಜ್ಞರಿಗೆ ಜಾಗತಿಕ ಮಟ್ಟದಲ್ಲಿ ನಡೆಯುತ್ತಿರುವ ಸ್ಪರ್ಧೆಗಳು ಹಾಗೂ ಸವಾಲುಗಳು, ಇದಕ್ಕಾಗಿ ಬೇಕಾಗುವ ವಿಶೇಷ ಕೌಶಲ್ಯಗಳ ಬಗ್ಗೆ ತಂತ್ರಜ್ಞರಿಗೆ ಸೂಕ್ತ ಮಾಹಿತಿ ನೀಡುವುದು ಹಾಗೂ ಅವರನ್ನು ಇಂದಿನ ಜಾಗತಿಕ ಸ್ಪರ್ಧೆಗೆ ಸಜ್ಜುಗೊಳಿಸುವ ಉದ್ದೇಶವನ್ನು ಈ ಕಾರ್ಯಕ್ರಮ ಹೊಂದಿದೆ ಎಂದು ಐಐಎಂಬಿ ಪ್ರಕಟಣೆ ತಿಳಿಸಿದೆ.
ಇಂಜಿನಿಯರಿಂಗ್ ಹಾಗೂ ಟೆಕ್ನಾಲಜಿ ಮ್ಯಾನೇಜರ್ ಗಳು, ಸಂಶೋಧನಾ ಹಾಗೂ ಅಭಿವೃದ್ಧಿ ವಿಭಾಗದ ತಂತ್ರಜ್ಞರು, ಪ್ರಾಡಕ್ಟ್ ಡಿಸೈನರ್ ಗಳು, ವಾಸ್ತು ಶಿಲ್ಪ (ಆರ್ಕಿಟೆಕ್ಟ್) ಇಂಜಿನಿಯರ್ ಗಳಿಗೆ ಈ ಕಾರ್ಯಕ್ರಮ ಆಯೋಜಿಸಲಾಗಿದೆ.
ಕಾರ್ಯಕ್ರಮದಲ್ಲಿ ಭಾಗವಹಿಸಲು ಇಚ್ಛಿಸುವವರು ಜಾಲತಾಣಕ್ಕೆ ಭೇಟಿ ನೀಡಿ ತಮ್ಮ ಹೆಸರುಗಳನ್ನು ನೊಂದಾಯಿಸಬಹುದು. ಹೆಚ್ಚಿನ ಮಾಹಿತಿಗಾಗಿ, 080-26993380 ಸಂಖ್ಯೆಗೆ ಕರೆ ಮಾಡಬಹುದು.
Click it and Unblock the Notifications
Sign in with Google