Bengaluru-Chennai High Speed Rail: ಚೆನ್ನೈ-ಬೆಂಗಳೂರು-ಮೈಸೂರು ಹೈಸ್ಪೀಡ್ ರೈಲು ಯೋಜನೆ ಬಗ್ಗೆ ಮಹತ್ವದ ಮಾಹಿತಿ
ಮಹತ್ವಾಕಾಂಕ್ಷೆಯ 435-ಕಿಮೀ ಚೆನ್ನೈ-ಬೆಂಗಳೂರು-ಮೈಸೂರು ಹೈಸ್ಪೀಡ್ (ಬುಲೆಟ್) ರೈಲು (ಎಚ್ಎಸ್ಆರ್) ಯೋಜನೆ ಬಗ್ಗೆ ಅಪ್ಡೇಟ್ ಸಿಕ್ಕಿದೆ. ಇದು ಆಟೋಮೊಬೈಲ್ ಉತ್ಪಾದನಾ ಕೇಂದ್ರವಾದ ಚೆನ್ನೈ, ಟೆಕ್ ಮತ್ತು ಸ್ಟಾರ್ಟ್ ಅಪ್ ಹಬ್ ಬೆಂಗಳೂರು ಮತ್ತು ಕರ್ನಾಟಕದ ಸಾಂಸ್ಕೃತಿಕ ರಾಜಧಾನಿಯಾಗಿರುವ ಮೈಸೂರನ್ನು ಸಂಪರ್ಕಿಸುತ್ತದೆ.
ಚೆನ್ನೈ-ಬೆಂಗಳೂರು-ಮೈಸೂರು ಪ್ರದೇಶವು ಕಂಪನಿಗಳು, ಟೆಕ್ ಪಾರ್ಕ್ಗಳು, ಉತ್ಪಾದನಾ ಘಟಕಗಳು ಮತ್ತು ಟೌನ್ಶಿಪ್ಗಳನ್ನು ಹೊಂದಿರುವ ಹೆಚ್ಚಿನ ಸಾಂದ್ರತೆಯ ಕಾರಿಡಾರ್ ಆಗಿದೆ. ಹೈಸ್ಪೀಡ್ ರೈಲು ಯೋಜನೆಯು ಮೈಸೂರು ಮತ್ತು ದಕ್ಷಿಣದ ಎರಡು ರಾಜ್ಯಗಳ ರಾಜಧಾನಿಗಳ ನಡುವಿನ ಪ್ರಯಾಣದ ಸಮಯವನ್ನು ಕಡಿಮೆ ಮಾಡುವ ನಿರೀಕ್ಷೆಯಿದೆ.
ಪ್ರಸ್ತಾವಿತ ಜೋಡಣೆಯ ಪ್ರಕಾರ, ಚೆನ್ನೈ-ಬೆಂಗಳೂರು-ಮೈಸೂರು ಎಚ್ಎಸ್ಆರ್ ಒಂಬತ್ತು ನಿಲ್ದಾಣಗಳ ಮೂಲಕ ಹಾದು ಹೋಗಲಿದೆ. ಚೆನ್ನೈ, ಪೂನಮಲ್ಲಿ, ಅರಕ್ಕೋಣಂ (ತಮಿಳುನಾಡು), ಚಿತ್ತೂರು (ಆಂಧ್ರಪ್ರದೇಶ), ಬಂಗಾರಪೇಟೆ (ಕರ್ನಾಟಕ), ಬೆಂಗಳೂರು, ಚನ್ನಪಟ್ಟಣ, ಮಂಡ್ಯ ಮತ್ತು ಮೈಸೂರು ನಿಲ್ದಾಣಗಳು ಪ್ರಮುಖವಾಗಿದೆ.
ಸಮೀಕ್ಷೆಗೆ ಚಾಲನೆ
ರಾಷ್ಟ್ರೀಯ ಹೈ-ಸ್ಪೀಡ್ ರೈಲ್ ಕಾರ್ಪೊರೇಷನ್ (NHSRCL) ಈಗಾಗಲೇ ಸಾಮಾನ್ಯ ಜೋಡಣೆ ರೇಖಾಚಿತ್ರಗಳ ತಯಾರಿಕೆ, ಸಮೀಕ್ಷೆ, ಓವರ್ಹೆಡ್, ಓವರ್ಗ್ರೌಂಡ್ ಮತ್ತು ಭೂಗತ ಉಪಯುಕ್ತತೆಗಳ ಗುರುತಿಸುವಿಕೆ ಮತ್ತು ಸಬ್ಸ್ಟೇಷನ್ಗಳಿಗೆ ವಿದ್ಯುತ್ ಸೋರ್ಸಿಂಗ್ ಆಯ್ಕೆಗಳನ್ನು ಗುರುತಿಸಲು ಒಪ್ಪಂದಗಳನ್ನು ನೀಡಿದೆ ಎಂದು ಮನಿ ಕಂಟ್ರೋಲ್ ವರದಿ ಮಾಡಿದೆ.
ಕಾರಿಡಾರ್ ಉದ್ದಕ್ಕೂ ಭೂ ಸಮೀಕ್ಷೆ ನಡೆಯುತ್ತಿದೆ ಮತ್ತು ಭೂಮಾಲೀಕರೊಂದಿಗೆ ಸಭೆಗಳನ್ನು ನಡೆಸಿದೆ ಎಂದು ಮೂಲಗಳು ತಿಳಿಸಿವೆ. ವಿವರವಾದ ಯೋಜನಾ ವರದಿ (DPR) ನಿಖರವಾದ ಜೋಡಣೆ, ನಿಲ್ದಾಣಗಳ ಸ್ಥಳ, ಅಂದಾಜು ಸವಾರರು ಮತ್ತು ದರದ ರಚನೆಯನ್ನು ಬಹಿರಂಗಪಡಿಸುತ್ತದೆ.
ಪ್ರಸ್ತಿತ, ಬೆಂಗಳೂರು ಮೂಲಕ ಮೈಸೂರು ಮತ್ತು ಚೆನ್ನೈ ನಡುವಿನ ಅತ್ಯಂತ ವೇಗದ ರೈಲು ವಂದೇ ಭಾರತ್ ಎಕ್ಸ್ಪ್ರೆಸ್, ಇದು 6 ಗಂಟೆ 30 ನಿಮಿಷಗಳನ್ನು ತೆಗೆದುಕೊಳ್ಳುತ್ತದೆ. ಆದರೆ, ಬುಲೆಟ್ ರೈಲು 2 ಗಂಟೆ 25 ನಿಮಿಷಗಳಲ್ಲಿ ಪ್ರಯಾಣ ಮುಗಿಸುತ್ತದೆ. ಬುಲೆಟ್ ರೈಲುಗಳು ಗಂಟೆಗೆ ಗರಿಷ್ಠ 350 ಕಿಮೀ ವೇಗದಲ್ಲಿ ಚಲಿಸುತ್ತವೆ ಮತ್ತು ಸರಾಸರಿ ವೇಗ ಗಂಟೆಗೆ 250 ಕಿಮೀ ಆಗುವ ಸಾಧ್ಯತೆಯಿದೆ, ಪ್ರತಿ ರೈಲು 750 ಪ್ರಯಾಣಿಕರ ಸಾಮರ್ಥ್ಯವನ್ನು ಹೊಂದಿರುತ್ತದೆ.
ಕೈಗಾರಿಕೆ ಅಭಿವೃದ್ಧಿಗೆ ಉತ್ತೇಜನ
ಹೈಸ್ಟೀಡ್ ರೈಲು ಯೋಜನೆ ಸಾವಿರಾರು ಜನರಿಗೆ, ವಿಶೇಷವಾಗಿ ವ್ಯಾಪಾರದಲ್ಲಿರುವ ವ್ಯಕ್ತಿಗಳು, ಟೆಕ್ಕಿಗಳು ಮತ್ತು ಮೈಸೂರು, ಬೆಂಗಳೂರು ಮತ್ತು ಚೆನ್ನೈ ನಡುವೆ ಪ್ರಯಾಣಿಸುವ ಇತರರಿಗೆ ಪ್ರಯೋಜನವನ್ನು ನೀಡುತ್ತದೆ ಎಂದು ನಿರೀಕ್ಷಿಸಲಾಗಿದೆ. ಎಚ್ಎಸ್ಆರ್ ವಿಮಾನ ಪ್ರಯಾಣಿಕರನ್ನು ರೈಲುಗಳತ್ತ ಆಕರ್ಷಿಸಬಹುದು ಎಂದು ರೈಲು ತಜ್ಞರು ಹೇಳಿದ್ದಾರೆ.
ಚೆನ್ನೈ-ಬೆಂಗಳೂರು-ಮೈಸೂರು ಸೆಕ್ಟರ್ನಲ್ಲಿ ಪ್ರಯಾಣಿಸುವ ವಿಮಾನ ಪ್ರಯಾಣಿಕರು ರೈಲಿನಲ್ಲಿ ಓಡಾಡುವತ್ತ ಗಮನ ಹರಿಸಬಹುದು. ವಿಮಾನ ನಿಲ್ದಾಣದ ಚೆಕ್-ಇನ್ಗಳಿಗಾಗಿ ಬೇಗನೆ ಆಗಮಿಸುವ ಅಗತ್ಯವಿಲ್ಲ ಮತ್ತು ಸೆಂಟ್ರಲ್ನಿಂದ 40 ಕಿಮೀ ದೂರದಲ್ಲಿರುವ ಬೆಂಗಳೂರು ವಿಮಾನ ನಿಲ್ದಾಣಕ್ಕೆ ಪ್ರಯಾಣವನ್ನು ತಪ್ಪಿಸಬಹುದು ಎನ್ನಲಾಗಿದೆ.
ಭೂ ಸ್ವಾಧೀನ ಯೋಜನೆಗೆ ಪ್ರಮುಖ ಸವಾಲಾಗಿದೆ. ಒಮ್ಮೆ ಭೂಮಿ ಸ್ವಾಧೀನಪಡಿಸಿಕೊಂಡ ನಂತರ ಯೋಜನೆಯೂ ಹಳಿಗೆ ಬರಲಿದೆ. 2016 ರಲ್ಲಿ, ಜರ್ಮನ್ ಇಂಜಿನಿಯರ್ಗಳ ತಂಡವು ಚೆನ್ನೈ-ಬೆಂಗಳೂರು-ಮೈಸೂರು ಕಾರಿಡಾರ್ಗಾಗಿ ಕಾರ್ಯಸಾಧ್ಯತೆಯ ಅಧ್ಯಯನವನ್ನು ನಡೆಸಿತು.
435-ಕಿಮೀ ಹೈಸ್ಪೀಡ್ ರೈಲು ನೆಟ್ವರ್ಕ್ ನಿರ್ಮಾಣಕ್ಕಾಗಿ $16 ಶತಕೋಟಿ (ಸುಮಾರು ರೂ. 1 ಲಕ್ಷ ಕೋಟಿ) ವೆಚ್ಚವಾಗುವ ಸಾಧ್ಯತೆ ಇದೆ. ಜಪಾನ್ ಇಂಟರ್ನ್ಯಾಷನಲ್ ಕೋಆಪರೇಷನ್ ಏಜೆನ್ಸಿ (JICA) ನಿಧಿಯೊಂದಿಗೆ, ರಾಷ್ಟ್ರೀಯ ಹೈ-ಸ್ಪೀಡ್ ರೈಲ್ ಕಾರ್ಪೊರೇಷನ್ (NHSRCL) ಜಪಾನ್ನ ಇ5 ಶಿಂಕನ್ಸೆನ್ ಬುಲೆಟ್ ಟ್ರೈನ್ ತಂತ್ರಜ್ಞಾನವನ್ನು ಆಧರಿಸಿ ಹೆಚ್ಎಸ್ಆರ್ ಕಾರಿಡಾರ್ಗಳನ್ನು ಕಾರ್ಯಗತಗೊಳಿಸುವ ಸಾಧ್ಯತೆಯಿದೆ.
ಮುಂಬೈ-ಅಹಮದಾಬಾದ್ ಎಚ್ಎಸ್ಆರ್ ಯೋಜನೆಯು ಜಪಾನ್ ಸರ್ಕಾರದ ತಾಂತ್ರಿಕ ಮತ್ತು ಆರ್ಥಿಕ ನೆರವಿನೊಂದಿಗೆ ಅನುಷ್ಠಾನಗೊಳ್ಳುತ್ತಿರುವ ದೇಶದ ಏಕೈಕ ಮಂಜೂರಾದ ಯೋಜನೆಯಾಗಿದೆ ಎಂದು ಎನ್ಎಚ್ಎಸ್ಆರ್ಸಿಎಲ್ ಅಧಿಕಾರಿಗಳು ತಿಳಿಸಿದ್ದಾರೆ. 2041 ರ ವೇಳೆಗೆ ಬೆಂಗಳೂರಿಗೆ ಬುಲೆಟ್ ರೈಲು ಸಂಪರ್ಕವನ್ನು ಹೊಂದುವ ನಿರೀಕ್ಷೆಯಿದೆ. ಚೆನ್ನೈ-ಬೆಂಗಳೂರು-ಮೈಸೂರು ಹೈಸ್ಪೀಡ್ ರೈಲು 2051ಕ್ಕೆ ಬರುವ ಸಾಧ್ಯತೆ ಇದೆ.
Click it and Unblock the Notifications
Sign in with Google