Nandi Hills: ನಂದಿ ಹಿಲ್ಸ್‌ನಲ್ಲೂ ಭಾರಿ ಟ್ರಾಫಿಕ್: ಪ್ರವಾಸಿಗರು ಹೈರಾಣ

ಭಾರಿ ಟ್ರಾಫಿಕ್‌ನಿಂದ ಬೆಂಗಳೂರಿಗರು ಹೈರಾಣಾಗಿದ್ದಾರೆ, ಸುಧೀರ್ಘ ವಾರಾಂತ್ಯ ಇದೆ ಎಂದು ರಿಲೀಫ್ ಆಗಲು ಬೆಂಗಳೂರಿನಿಂದ ಹೊರ ಹೋದರೆ ಅಲ್ಲೂ ಟ್ರಾಫಿಕ್ ಕಿರಿ ಕಿರಿ ಕಾಡಿದೆ. ಹೌದು, ಬೆಂಗಳೂರಿಗೆ ಸಮೀಪವಿರುವ ನಂದಿ ಹಿಲ್ಸ್‌ನಲ್ಲಿ ಭಾರಿ ಟ್ರಾಫಿಕ್ ಉಂಟಾಗಿದ್ದು ಪ್ರವಾಸಿಗರು ಹೈರಾಣಾಗಿದ್ದಾರೆ.

ಸುದೀರ್ಘ ವಾರಾಂತ್ಯದಲ್ಲಿ ಐಕಾನಿಕ್ ಪ್ರವಾಸಿ ತಾಣಕ್ಕೆ ಭಾರಿ ಜನಸಾಗರ ಹರಿದು ಬಂದ ಹಿನ್ನೆಲೆಯಲ್ಲಿ ಶನಿವಾರ ಮತ್ತು ಭಾನುವಾರ ಭಾರಿ ಸಂಚಾರ ದಟ್ಟಣೆ ಉಂಟಾಗಿತ್ತು. ನಂದಿ ಬೆಟ್ಟದ ಮೇಲಿನ ಭಾರಿ ಟ್ರಾಫಿಕ್‌ ವೀಡಿಯೊಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಬೆಟ್ಟದ ತುದಿಯನ್ನು ತಲುಪುವ ಮಾರ್ಗದಲ್ಲಿ ವಾಹನಗಳು ಗಿಜಿಗುಡುತ್ತಿವೆ.

ಸಾಮಾನ್ಯವಾಗಿ ಸೂರ್ಯೋದಯದ ಸಮಯದಲ್ಲಿ ಬೆಟ್ಟದ ತುದಿಯನ್ನು ತಲುಪಲು ಬೈಕರ್‌ಗಳು ಮತ್ತು ಕಾರು ಚಾಲಕರು ಗಂಟೆಗಳ ಕಾಲ ಕಾಯಬೇಕಾಯಿತು. ಪ್ರತಿ ವಾರಾಂತ್ಯದಲ್ಲಿ ನಂದಿ ಬೆಟ್ಟದಲ್ಲಿ ಭಾರಿ ಟ್ರಾಫಿಕ್ ಜಾಮ್ ಸಾಮಾನ್ಯ ಸಂಗತಿಯಾಗಿದೆ, ಏಕೆಂದರೆ ಸಾವಿರಾರು ಜನರು ಈ ಸ್ಥಳವನ್ನು ವಿಹಾರಕ್ಕೆ ಆಯ್ಕೆ ಮಾಡುತ್ತಾರೆ ಆದರೆ ಶನಿವಾರ ಮತ್ತು ಭಾನುವಾರದಂದು ಟ್ರಾಫಿಕ್ ಉಸಿರುಗಟ್ಟಿಸುವುದು ಇತ್ತೀಚಿನ ದಿನಗಳಲ್ಲಿ ಅತ್ಯಂತ ನಿರಾಶಾದಾಯಕವಾಗಿದೆ ಎಂದು ಹೇಳಲಾಗುತ್ತದೆ.

ನಂದಿ ಬೆಟ್ಟಕ್ಕೆ ವಾಹನ ಸಂಚಾರವನ್ನು ನಿರ್ಬಂಧಿಸಬೇಕು ಮತ್ತು ಬೆಟ್ಟದ ತುದಿಗೆ ಸಾರ್ವಜನಿಕ ಸಾರಿಗೆಯನ್ನು ಸೇರಿಸಬೇಕೆಂದು ಪರಿಸರ ಹೋರಾಟಗಾರರ ಬಹುಕಾಲದ ಬೇಡಿಕೆಯಾಗಿದೆ. ಶೀಘ್ರದಲ್ಲೇ ಇದನ್ನು ಜಾರಿ ಮಾಡುವುದಾಗಿ ಸರ್ಕಾರ ಕೂಡ ಭರವಸೆ ನೀಡಿದೆ.

Bengaluru Traffic: Over A Kilometre Long Traffic Seen At Nandi Hills As Extended Weekend Gets Underway (WATCH)
Nandi Hills which is nearly 60 kilometers away from the main city witnessed a huge crowd with an influx of visitors and their vehicles.pic.twitter.com/kZqULAz9Jn

— Balanced Report (@reportbalanced) October 1, 2023

ಬೆಂಗಳೂರು ಟ್ರಾಫಿಕ್‌ನಿಂದ ಸುಸ್ತಾದ ಜನ

ಬೆಂಗಳೂರಿನ ಹೊರ ವರ್ತುಲ ರಸ್ತೆಯಲ್ಲಿ ಸೆಪ್ಟೆಂಬರ್ 27 ರಂದು ಸಂಭವಿಸಿದ ಟ್ರಾಫಿಕ್ ಜಾಮ್ ಐದು ಕಿಲೋಮೀಟರ್‌ಗಳಿಗಿಂತ ಕಡಿಮೆ ದೂರವನ್ನು ಕ್ರಮಿಸಲು ಎರಡರಿಂದ ಮೂರು ಗಂಟೆಗಳನ್ನು ತೆಗೆದುಕೊಂಡಿದ್ದರಿಂದ ಪ್ರಯಾಣಿಕರು ಭಾರಿ ತೊಂದರೆ ಅನುಭವಿಸಿದರು.

ಸಾಮಾನ್ಯವಾಗಿ ಬುಧವಾರದಂದು ವಾಹನಗಳ ಸಂಖ್ಯೆ 150,000 ರಿಂದ 200,000 ವರೆಗೆ ಇರುತ್ತದೆ. ಆದಾಗ್ಯೂ, ಸೆಪ್ಟೆಂಬರ್ 27 ರಂದು, ರಾತ್ರಿ 7.30 ರ ಹೊತ್ತಿಗೆ ರಸ್ತೆಯಲ್ಲಿ ವಾಹನಗಳ ಸಂಖ್ಯೆಯು 350,000 ಕ್ಕೆ ಏರಿತು ಎಂದು ಪೊಲೀಸರು ತಿಳಿಸಿದ್ದರು.

ಹೊರ ವರ್ತುಲ ರಸ್ತೆ ಕಂಪನಿಗಳ ಸಂಘದ (ಒಆರ್‌ಆರ್‌ಸಿಎ) ಸದಸ್ಯರು ಶನಿವಾರ ಕರ್ನಾಟಕ ಉಪಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅವರನ್ನು ಭೇಟಿ ಮಾಡಿ ನಗರದ ಒಆರ್‌ಆರ್ ಸ್ಟ್ರೆಚ್‌ನಲ್ಲಿ ಪೀಕ್ ಅವರ್‌ನಲ್ಲಿ ಟ್ರಾಫಿಕ್ ದಟ್ಟಣೆಯನ್ನು ತಪ್ಪಿಸುವ ಯೋಜನೆ ಕುರಿತು ಚರ್ಚಿಸಿದರು.

English summary

Bengaluru's traffic issues persist, now shifting to Nandi Hills, a popular hill station 50 kilometers from the city, where a traffic gridlock occurred over the long weekend due to a surge in visitors.