Salary: ಬೆಂಗಳೂರಿನ ಈ ದಂಪತಿಗೆ ₹7 ಲಕ್ಷ ಸಂಬಳ; ಹೆಚ್ಚಿನ ಹಣ ಉಳಿಯುತ್ತಿರುವುದೇ ಸಮಸ್ಯೆಯಂತೆ!
ಬೆಂಗಳೂರಿಗೆ ದೇಶದ ಮೂಲೆ ಮೂಲೆಗಳಿಂದ ಲಕ್ಷಾಂತರ ಮಂದಿ ವಲಸೆ ಬರುತ್ತಾರೆ. ಒಳ್ಳೆ ಕೆಲಸ, ಉತ್ತಮ ಸಂಪಾದನೆಯೇ ವಲಸೆ ಬರುವ ಮೂಲ ಉದ್ದೇಶ, ಕಡಿಮೆ ಸಮಯದಲ್ಲಿ ಹೆಚ್ಚು ಹಣ ಗಳಿಸಿ, ಮನೆ, ಆಸ್ತಿ ಮಾಡುವುದು, ಮಕ್ಕಳಿಗೆ ಉತ್ತಮ ವಿದ್ಯಾಭ್ಯಾಸ ಕೊಡಿಸುವುದಾಗಿರುತ್ತದೆ.
ಒಂದು ವರ್ಷ ಸಂಬಳ ಹೆಚ್ಚಾಗದೇ ಇದ್ದರೂ, ಕಂಪನಿ ಬದಲಾಯಿಸಲು ಕೂಡ ಉದ್ಯೋಗಿಗಳು ಚಿಂತಿಸುತ್ತಾರೆ. ಆದರೆ ಬೆಂಗಳೂರಿನ ಈ ದಂಪತಿಗೆ ಸಂಬಳ ಹೆಚ್ಚಿಗೆ ಬರುತ್ತಿರುವುದೇ ಸಮಸ್ಯೆಯಂತೆ!
ಹೌದು, ವಿಚಿತ್ರವಾದರೂ ಸತ್ಯ, ತಮಗೆ ಸಂಬಳ ಹೆಚ್ಚಾಗಿದ್ದು, ಹಣವನ್ನು ಏನು ಮಾಡಬೇಕು ಎನ್ನುವುದೇ ಗೊತ್ತಾಗುತ್ತಿಲ್ಲ ಎನ್ನುವ ಪೋಸ್ಟ್ ಒಂದು ವೈರಲ್ ಆಗಿದ್ದು, ಜನ ಹಲವು ರೀತಿಯಲ್ಲಿ ಪ್ರತಿಕ್ರಿಯೆ ನೀಡಿದ್ದಾರೆ.
This is awesome 💪
— Saumil Heard It (@OnTheGrapevine) June 15, 2024
Once upon a time it was only Indian Businessmen who would run into problems of excess
But today we’re seeing even some regular 30 year olds in the service class facing proper rich people problems :)
193 comments: https://t.co/AZM1tXEknH pic.twitter.com/NbrpNTvYkm
ಪೋಸ್ಟ್ನಲ್ಲಿ ಏನಿದೆ?
ಸಾಮಾಜಿಕ ಮಾಧ್ಯಮ ಗ್ರೇಪ್ವೈನ್ ಆಪ್ನಲ್ಲಿ ಈ ಸಂದೇಶ ಹಂಚಿಕೊಂಡಿದ್ದಾರೆ. ಭಾರತೀಯ ಉದ್ಯೋಗಿ ವೃತ್ತಿಪರರಿಗೆ ಸಂಬಳ, ಕೆಲಸದ ಸ್ಥಳಗಳು ಮತ್ತು ಹಣಕಾಸು ಕುರಿತು ಚರ್ಚಿಸಲು ಗ್ರೇಪ್ವೈನ್ ಒಂದು ವೇದಿಕೆಯಾಗಿದೆ.
ತಾನು ಮತ್ತು ಪತ್ನಿ ಇಬ್ಬರೂ ಬೆಂಗಳೂರಿನಲ್ಲಿ ಸಾಫ್ಟ್ವೇರ್ ಇಂಜಿನಿಯರ್ಗಳಾಗಿ ಕೆಲಸ ಮಾಡುತ್ತಿದ್ದೇವೆ ಎಂದು ವ್ಯಕ್ತಿ ಹೇಳಿದ್ದಾರೆ. ಮಕ್ಕಳಿಲ್ಲದ ಎರಡು ಆದಾಯದ ಕುಟುಂಬವಾಗಿ, ಅವರು ಪ್ರತಿ ತಿಂಗಳು ತಮ್ಮ ಸಂಬಳದ ಭಾರೀ ಭಾಗವನ್ನು ಉಳಿಸುತ್ತಾರೆ. ಜೀವನವೆಚ್ಚ, ಕಾರು ನಿರ್ವಹಣೆ ಮತ್ತಿತರ ಲೆಕ್ಕ ಕೊಟ್ಟರೂ ಅವರ ಬ್ಯಾಂಕ್ ಖಾತೆಗಳಲ್ಲಿ ಪ್ರತಿ ತಿಂಗಳು ₹3 ಲಕ್ಷಕ್ಕೂ ಅಧಿಕ ಹಣ ಉಳಿಯುತ್ತಿರುವುದು ಸಮಸ್ಯೆಯಾಗಿದೆ.
ಹೆಚ್ಚಾಗಿ ಉಳಿಯುತ್ತಿರುವ ಹಣವನ್ನು ಖರ್ಚು ಮಾಡಲು ಸಲಹೆಗಳನ್ನು ಕೇಳಿದ್ದಾರೆ, ಅಲ್ಲಿ ಅನೇಕರು ತಮಾಷೆಯಾಗಿ ದಂಪತಿಗಳನ್ನು ದತ್ತು ತೆಗೆದುಕೊಳ್ಳುವಂತೆ ಕೇಳಿಕೊಂಡಿದ್ದಾರೆ.
"ತೆರಿಗೆಯಲ್ಲಾ ಹೋದ ಬಳಿಕ ತಿಂಗಳಿಕೆ 7 ಲಕ್ಷ ರೂಪಾಯಿ ಆದಾಯ ಬರುತ್ತದೆ. ನಮಗೆ ಮಕ್ಕಳಿಲ್ಲ, ಆದರೆ ಎಲ್ಲಾ ಹಣವನ್ನು ಏನು ಮಾಡಬೇಕು ಎಂದು ಗೊತ್ತಾಗುತ್ತಿಲ್ಲ" ಎಂದು ಬರೆದುಕೊಂಡಿದ್ದಾರೆ.
ಅವರು ಮತ್ತು ಅವರ ಪತ್ನಿ ಒಟ್ಟಾಗಿ ತಿಂಗಳಿಗೆ ₹ 7 ಲಕ್ಷ ಮತ್ತು ವಾರ್ಷಿಕ ಬೋನಸ್ ಗಳಿಸುತ್ತಾರೆ ಎಂದು ಅವರು ವಿವರಿಸಿದರು. ಇದರಲ್ಲಿ ₹2 ಲಕ್ಷವನ್ನು ಮ್ಯೂಚುವಲ್ ಫಂಡ್ಗಳಲ್ಲಿ ಹೂಡಿಕೆ ಮಾಡುತ್ತಾರೆ. ಅವರ ಜೀವನ ವೆಚ್ಚವು ತಿಂಗಳಿಗೆ ಸುಮಾರು ₹1.5 ಲಕ್ಷ ಆಗಿದೆ. ಖರ್ಚು ಮಾಡಲು ಅವರು ಹೆಚ್ಚಾಗಿ ಯೋಚನೆ ಕೂಡ ಮಾಡುವುದಿಲ್ಲವಂತೆ.
ಇಷ್ಟೆಲ್ಲ ಆದ ನಂತರವೂ ಅವರ ಬ್ಯಾಂಕ್ ಖಾತೆಗೆ ಪ್ರತಿ ತಿಂಗಳು ₹3 ಲಕ್ಷ ಉಳಿಯುತ್ತದೆ. ಸಾಫ್ಟ್ವೇರ್ ಇಂಜಿನಿಯರ್ ಹಣವನ್ನು ಹೇಗೆ ಖರ್ಚು ಮಾಡಬೇಕೆಂದು ಸಲಹೆಗಳನ್ನು ಕೇಳಿದ್ದಾರೆ.
ಅವರ ಪೋಸ್ಟ್ಗೆ ಅನೇಕರು ವಿವಿಧ ರೀತಿ ಕಮೆಂಟ್ ಮಾಡಿದ್ದಾರೆ, ನನಗೆ ಸ್ವಲ್ಪ ಕೊಡು. ನನಗೆ ಸಾಕಷ್ಟು ಸಂಬಳ ಸಿಗುತ್ತಿಲ್ಲ ಎಂದು ಒಬ್ಬರು ಮನವಿ ಮಾಡಿದ್ದಾರೆ.
"ನೀವು ನನ್ನನ್ನು ಏಕೆ ದತ್ತು ತೆಗೆದುಕೊಳ್ಳಬಾರದು?" ಮತ್ತೊಬ್ಬರು ಕೇಳಿದರು. "ಯಶಸ್ಸಿನಿಂದ ಬಳಲುತ್ತಿದ್ದಾರೆ," ಮೂರನೆಯವರು ತಮಾಷೆ ಮಾಡಿದರು.
ಕೆಲವು ಜನರು ಹೆಚ್ಚು ಹೂಡಿಕೆ ಮಾಡಲು ಅಥವಾ ದತ್ತಿ ನೀಡಲು ದಂಪತಿಗಳಿಗೆ ಸಲಹೆ ನೀಡಿದ್ದಾರೆ. ಹಲವಾರು ಜನರು ರಿಯಲ್ ಎಸ್ಟೇಟ್ನಲ್ಲಿ ಹೂಡಿಕೆ ಮಾಡಲು ಸಲಹೆ ನೀಡಿದರು, ಕನಿಷ್ಠ ಒಬ್ಬ ವ್ಯಕ್ತಿ ದಂಪತಿಗೆ ಮನೆ ಖರೀದಿಸಲು ಮತ್ತು ಎರಡನೇ ಆದಾಯದ ಮೂಲವನ್ನು ಸೃಷ್ಟಿಸಲು ಸಲಹೆ ಕೊಟ್ಟಿದ್ದಾರೆ.
-
Bengaluru: ‘92 ಲಕ್ಷದ ಪ್ಯಾಕೇಜ್ ಇದ್ದರೂ ಉಳಿಯಲಿಲ್ಲ ಕೆಲಸ’; ಒಂದೇ ದಿನ ಶೇ. 40ರಷ್ಟು ಸಿಬ್ಬಂದಿ ವಜಾ ಮಾಡಿದ ಐಟಿ ಕಂಪನಿ -
ಕರ್ನಾಟಕದ ಬಡತನ ಸೂಚ್ಯಂಕ ಪ್ರಕಟ: ಯಾವ ಜಿಲ್ಲೆ ಮೊದಲು ತಿಳಿಯಿರಿ -
Karnataka Weather: ರಾಜ್ಯದಲ್ಲಿ ಏರುತ್ತಿದೆ ಬಿಸಿಲಿನ ಝಳ; ಬೆಂಗಳೂರಿನ ತಾಪಮಾನ 34 ಡಿಗ್ರಿಗೆ ಏರಿಕೆ -
ದುಬೈಯಿಂದ ತಾಯ್ನಾಡಿಗೆ ಮರಳಿದ ಕನ್ನಡಿಗರು: ಪಿ.ವಿ ಸಿಂಧು, ಭೋಜೇಗೌಡ ಸೇರಿದಂತೆ ಹಲವರು ಬೆಂಗಳೂರಿಗೆ ವಾಪಾಸ್ -
Karnataka Weather: ರಾಜ್ಯದಲ್ಲಿ ಹೆಚ್ಚಾದ ಬಿಸಿಲ ಬೇಗೆ; ಈ ಜಿಲ್ಲೆಗಳಲ್ಲಿ ಹೈ-ಅಲರ್ಟ್ -
Gold Rate: ಮಾರುಕಟ್ಟೆಯಲ್ಲಿ ಇಂದು ಚಿನ್ನ-ಬೆಳ್ಳಿ ಬೆಲೆ ಹೀಗಿದೆ, ನಿಮ್ಮ ನಗರದ ದರ ಪರಿಶೀಲಿಸಿ -
Gold Rate : ಆಭರಣ ಪ್ರಿಯರಿಗೆ ಬಿಗ್ ಶಾಕ್; ಭಾರಿ ಏರಿಕೆ ಕಂಡ ಚಿನ್ನ- ಬೆಳ್ಳಿ ದರ, ಇಲ್ಲಿದೆ ಇಂದಿನ ಬೆಲೆ ಪಟ್ಟಿ -
ರಶ್ಮಿಕಾ ಮೊದಲ ಸಿನಿಮಾದಲ್ಲಿ ನಾನು ಹೀರೋ, ನೀನು ಬಾಲಿವುಡ್ಗೆ ಪಕ್ಕಾ ಹೋಗ್ತೀಯ ಎಂದಿದ್ದೆ: ನಟ ತ್ರಿವಿಕ್ರಮ್ -
Thalapathy Vijay: 400 ಕೋಟಿ ಆಸ್ತಿಗೆ ಒಡತಿ, ಲಂಡನ್ ಬೆಡಗಿ: ಯಾವ ಸಿನಿಮಾಗೂ ಕಡಿಮೆ ಇಲ್ಲ ದಳಪತಿ ವಿಜಯ್-ಸಂಗೀತಾ ಲವ್ ಸ್ಟೋರಿ -
Gold Price: ಇಂದು ಚಿನ್ನದ ಬೆಲೆಯಲ್ಲಿ ದಾಖಲೆಯ ಕುಸಿತ, ಯುದ್ಧದ ಎಫೆಕ್ಟ್ನಿಂದ ಬಂಗಾರ-ಬೆಳ್ಳಿ ಮತ್ತಷ್ಟು ದುಬಾರಿ! ಮುನ್ಸೂಚನೆ -
ವೆಸ್ಟ್ ಇಂಡೀಸ್ ವಿರುದ್ಧ ಭಾರತ ಗೆಲುವು: ಎರಡು ಬೌಂಡರಿಗಳ ಬಗ್ಗೆ ಯಾರೂ ಮಾತನಾಡಲಿಲ್ಲ ಎಂದು ಬೂಮ್ರಾ ಬೇಸರ -
ಇರಾನ್ ಸುಪ್ರೀಂ ಯತೊಲ್ಲಾ ಅಲಿ ಖಮೇನಿ ಅಂತ್ಯ: ವಿಶ್ವದ ಮೇಲೆ 5 ಪರಿಣಾಮ ಸಾಧ್ಯತೆ: ಆಶಿಶ್ ಸಾರಡ್ಕ ಬರಹ
Click it and Unblock the Notifications
Sign in with Google