ರಾಜಧಾನಿಯಿಂದ ಕುಂದಾ ನಗರಿಗೆ ವಿಮಾನ ಸಂಚಾರ ಪುನರಾರಂಭ!
ಬೆಂಗಳೂರು, ಜು.7: ಬೆಂಗಳೂರು, ಬೆಳಗಾವಿ ಮಾರ್ಗದಲ್ಲಿ ಅಲೈಯನ್ಸ್ ಏರ್ ಕಂಪನಿಯ ವಿಮಾನ ಜು.11ರಿಂದ ಸಂಚರಿಸಲಿದೆ.
ಉದ್ಯಮಿಗಳು, ವ್ಯಾಪಾರಸ್ಥರು, ಗಣ್ಯರು ವಿಮಾನ ಹಾರಾಟ ಆರಂಭವಾಗುತ್ತಿರುವ ಬಗ್ಗೆ ಹರ್ಷ ವ್ಯಕ್ತಪಡಿಸಿದ್ದಾರೆ ಇದರೊಂದಿಗೆ ಸಾಂಬ್ರಾ ವಿಮಾನ ನಿಲ್ದಾಣಕ್ಕೆ ಮತ್ತಷ್ಟು ಕಳೆ ಬರಲಿದೆ. ಮಂಗಳವಾರ, ಬುಧವಾರ ಮತ್ತು ಶನಿವಾರ ವಿಮಾನ ಸಂಚರಿಸಲಿದೆ. ಮಂಗಳವಾರ ಸಂಜೆ 5.05ಕ್ಕೆ ವಿಮಾನ ಬೆಳಗಾವಿಗೆ ಬರಲಿದ್ದು, 5.35 ಬೆಂಗಳೂರಿಗೆ ಹೊರಡಲಿದೆ.
ಬುಧವಾರ ಮತ್ತು ಶನಿವಾರ ಮಧ್ಯಾಹ್ನ 3.35ಕ್ಕೆ ಬೆಳಗಾವಿಗೆ ಆಗಮಿಸಲಿದ್ದು, 4.15ಕ್ಕೆ ಬೆಂಗಳೂರಿಗೆ ಟೇಕ್ ಆಫ್ ಆಗಲಿದೆ. ಬೇರೆ ಕಂಪನಿಯ ವಿಮಾನಗಳೂ ಶೀಘ್ರದಲ್ಲಿ ಬೆಳಗಾವಿಯಿಂದ ಹಾರಾಟ ಆರಂಭಿಸಲಿವೆ ಎಂದು ಸಾಂಬ್ರಾ ವಿಮಾನ ನಿಲ್ದಾಣದ ನಿರ್ದೇಶಕ ರಾಜೇಶ್ ಕುಮಾರ್ ತಿಳಿಸಿದ್ದಾರೆ.
ಬೆಂಗಳೂರಿನಿಂದ ಬೆಳಗಾವಿ ರೈಲು ಅಥವಾ ಬಸ್ನಲ್ಲಿ ತೆರಳಲು ಸಾಕಷ್ಟು ಜನದಟ್ಟಣೆ ಇರುತ್ತದೆ, ಅಗತ್ಯವಿದ್ದವರು, ಶೀಘ್ರವಾಗಿ ತೆರಳಬೇಕೆಂದರೆ ಬೆಳಗಾವಿಗೆ ವಿಮಾನದಲ್ಲಿ ತೆರಳಬಹುದಾಗಿದೆ.
ಹುಬ್ಬಳ್ಳಿ ವಿಮಾನ ನಿಲ್ದಾಣ ಉಡಾನ್ಯೋಜನೆಗೆ ಆಯ್ಕೆಯಾದ ಕಾರಣ ಸ್ಪೈಸ್ಜೆಟ್ಸಂಸ್ಥೆ ಬೆಳಗಾವಿ ಸೇವೆ ರದ್ದುಗೊಳಿಸಿ, ಹುಬ್ಬಳ್ಳಿಯಲ್ಲಿ ಸೇವೆ ಆರಂಭಿಸಿವೆ.
ಈ ಮೊದಲು ಬೆಳಗಾವಿ- ಬೆಂಗಳೂರು ಹಾಗೂ ಬೆಳಗಾವಿ- ಬೆಂಗಳೂರು- ಚೆನ್ನೈ ಮಾರ್ಗ ಮಧ್ಯೆ ನಿತ್ಯ ಎರಡು ವಿಮಾನ ಸಂಚರಿಸುತ್ತಿದ್ದವು. ಕೆಲ ದಿನಗಳಿಂದ ಬೆಳಗಾವಿ-ಚೆನ್ನೈ ವಿಮಾನ ಸೇವೆಯನ್ನು ಸ್ಪೈಸ್ ಜೆಟ್ ರದ್ದುಗೊಳಿಸಿತ್ತು.
Click it and Unblock the Notifications
Sign in with Google