ಯಲಹಂಕ : ಏರ್ ಶೋ ವೇಳೆ ರೆಡ್ ಬುಲ್ ವಿಮಾನ ಡಿಕ್ಕಿ
ಬೆಂಗಳೂರು, ಫೆ. 19 : ಯಲಹಂಕ ವಾಯುನೆಲೆಯಲ್ಲಿ ನಡೆಯುತ್ತಿರುವ ಏರ್ ಶೋನಲ್ಲಿ ಅಪಘಾತ ಸಂಭವಿಸಿದೆ. ವೈಮಾನಿಕ ಪ್ರದರ್ಶನದ ವೇಳೆ ಎರಡು ರೆಡ್ ಬುಲ್ ವಿಮಾನಗಳ ನಡುವೆ ಪರಸ್ಪರ ಡಿಕ್ಕಿಯಾಗಿದ್ದು, ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
ಗುರುವಾರ
ಮಧ್ಯಾಹ್ನದ
ವೈಮಾನಿಕ
ಪ್ರದರ್ಶನದ
ವೇಳೆ
ಈ
ಅಪಘಾತ
ಸಂಭವಿಸಿದೆ.
ರೆಡ್
ಬುಲ್
ವಿಮಾನಗಳ
ರೆಕ್ಕೆಗಳು
ಪರಸ್ಪರ
ಡಿಕ್ಕಿ
ಹೊಡೆದಿದ್ದು,
ಪೈಲೆಟ್ಗಳು
ತಕ್ಷಣ
ವಿಮಾನಗಳನ್ನು
ತುರ್ತಾಗಿ
ಕೆಳಗಿಸಿದ್ದಾರೆ.
ಇದರಿಂದ
ಆಗಬಹುದಾಗಿದ್ದ
ಅನಾಹುತ
ತಪ್ಪಿದೆ.
[ಏರ್
ಶೋಗೆ
ವಿಶೇಷ
ಬಿಎಂಟಿಸಿ
ಬಸ್
ವ್ಯವಸ್ಥೆ]
ಘಟನೆಯಿಂದಾಗಿ ಕೆಲವು ಹೊತ್ತು ವೈಮಾನಿಕ ಪ್ರದರ್ಶನವನ್ನು ಸ್ಥಗಿತಗೊಳಿಸಲಾಗಿತ್ತು. ಅಪಘಾತದಿಂದಾಗಿ ಒಂದು ರೆಡ್ ಬುಲ್ ವಿಮಾನದ ಒಂದು ರೆಕ್ಕೆಗೆ ಹಾನಿ ಉಂಟಾಗಿದೆ. ಅಪಘಾತದಿಂದಾಗಿ ವೈಮಾನಿಕ ಪ್ರದರ್ಶನವನ್ನು ಕೆಲವು ಹೊತ್ತು ಸ್ಥಗಿತಗೊಳಿಸಿ ನಂತರ ಆರಂಭಿಸಲಾಯಿತು. [ಏರ್ ಶೋ ಚಿತ್ರಗಳನ್ನು ನೋಡಿ]
ವಿಮಾನಗಳ ನಡುವೆ ಡಿಕ್ಕಿ ಸಂಭವಿಸಿದ ತಕ್ಷಣ ಅಗ್ನಿ ಶಾಮಕದಳದ ಸಿಬ್ಬಂದಿಗಳು ದೌಡಾಯಿಸಿದ್ದಾರೆ. ಎರಡು ವಿಮಾನಗಳು ಡಿಕ್ಕಿಯಾದರೂ ಪೈಲಟ್ಗಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.
ಯಲಹಂಕದಲ್ಲಿ ನಡೆಯುತ್ತಿರುವ ಏರ್ ಶೋ ಎರಡನೇ ದಿನವಾದ ಇಂದು ವೈಮಾನಿಕ ಪ್ರದರ್ಶನ ನಡೆಯುತ್ತಿತ್ತು. ಸಾಹಸ ಪ್ರದರ್ಶನವನ್ನು ಕಣ್ತುಂಬಿಕೊಳ್ಳಲು ವಾಯುನೆಲೆಯಲ್ಲಿ ಸಾವಿರಾರು ಜನರು ಸೇರಿದ್ದರು. ಈ ಸಮಯದಲ್ಲಿಯೇ ಈ ಅಪಘಾತ ನಡೆಸಿದೆ.