ಟ್ವೀಟ್ ವಾರ್ : ನಾನ್ಯಾಕೆ ಕ್ಷಮೆ ಕೇಳಲಿ, ಶೋಭಾ ಡೇ

By Mahesh

Updated: Thursday, August 1, 2013, 18:27 [IST]

ಮುಂಬೈ, ಆ.1: ದೇಶದ 29ನೇ ರಾಜ್ಯವಾಗಿ ತೆಲಂಗಾಣ ಕಣ್ಣು ಬಿಡುತ್ತಿರುವ ವೇಳೆಗೆ ಪ್ರತ್ಯೇಕತೆಯ ಕೂಗು ದೇಶದ ವಿವಿಧ ಭಾಗಗಳಲ್ಲಿ ಕೇಳಿ ಬಂದಿದೆ. ಈ ನಡುವೆ ಜನಪ್ರಿಯ ಲೇಖಕಿ ಶೋಭಾ ಡೇ ಅವರ ಟ್ವೀಟ್ ವಿವಾದಕ್ಕೆ ಕಾರಣವಾಗಿದ್ದು, ಶಿವಸೇನೆ, ಎಂಎನ್ಎಸ್ ತಿರುಗಿಬಿದ್ದಿದೆ.

ಆದರೆ, ತಮ್ಮ ಟ್ವೀಟ್ ಗೆ ಸಮರ್ಥನೆ ನೀಡಿರುವ ಶೋಭಾ ಡೇ, ನಾನು ಯಾರಿಗೂ ಹೆದರಬೇಕಿಲ್ಲ, ಯಾರಲ್ಲೂ ಕ್ಷಮೆಯಾಚಿಸುವುದಿಲ್ಲ ಎಂದು ಖಡಕ್ ಉತ್ತರ ನೀಡಿದ್ದಾರೆ.

ಇಷ್ಟಕ್ಕೂ ಆಕೆ ಟ್ವೀಟ್ ಮಾಡಿದ್ದು ಏನು?: ಆಂಧ್ರಪ್ರದೇಶದಿಂದ ತೆಲಂಗಾಣ ಪ್ರತ್ಯೇಕ ರಾಜ್ಯವಾಗಿ ವಿಭಜನೆಗೊಂಡಿರುವುದು ದೊಡ್ಡ ಬೆಳವಣಿಗೆ. ಇದೇ ರೀತಿ ಮಹಾರಾಷ್ಟ್ರದಿಂದ ಮುಂಬೈಯನ್ನು ಪ್ರತ್ಯೇಕಿಸಿ ಹೊಸ ರಾಜ್ಯ ಮಾಡಬಾರದೇಕೆ? ಮುಂಬೈಗೆ ತನ್ನದೇ ಆದ ಜೀವನಶೈಲಿಯಿದೆ ಹಾಗೂ ಸ್ವತಂತ್ರ ರಾಜ್ಯವಾಗುವ ಎಲ್ಲಾ ಅರ್ಹತೆಗಳಿವೆ ಎಂದು ಶೋಭಾ ಡೇ ಟ್ವೀಟ್ ಮಾಡಿದ್ದರು.

Maharashtra and Mumbai??? Why not? Mumbai has always fancied itself as an independent entity, anyway. This game has countless possibilities.
— Shobhaa De (@DeShobhaa) July 31, 2013

ಶೋಭಾ ಡೇ ಅವರ ವಿರುದ್ಧ ಮೊದಲು ದೂರು ದಾಖಲಿಸಬೇಕು, ಯಾರು ಈ ಶೋಭಾ? ಆಕೆ ಪೇಜ್ 3 ಸಂಪ್ರದಾಯದಂತೆ ಮಾತನಾಡುತ್ತಿದ್ದಾರೆ. ಮಹಾರಾಷ್ಟ್ರದ ಜನರ ಭಾವನೆಗಳಿಗೆ ತಕ್ಕಂತೆ ಮಾತನಾಡುತ್ತಿಲ್ಲ. ಮರಾಠಿಗರ ಸಂಸ್ಕೃತಿಯ ಅರಿವಿಲ್ಲ. ಕೂಡಲೇ ಆಕೆ ಕ್ಷಮೆಯಾಚಿಸಬೇಕೆಂದು ಶಿವಸೇನಾ ಮುಖ್ಯಸ್ಥ ಉದ್ಧವ್ ಠಾಕ್ರೆ ಹಾಗೂ ಎಂಎನ್ ಎಸ್ ಮುಖ್ಯಸ್ಥ ರಾಜ್ ಠಾಕ್ರೆ ಆಗ್ರಹಿಸಿದ್ದಾರೆ.

ಆದರೆ, ಶೋಭಾ ಡೇ ಸಮರ್ಥಿಸಿ ಹಲವಾರು ಮಂದಿ ಟ್ವೀಟ್ ಮಾಡಿದ್ದಾರೆ. ಒಟ್ಟಾರೆ ಸಾಮಾಜಿಕ ಜಾಲ ತಾಣ ಟ್ವಿಟ್ಟರ್ ನಲ್ಲಿ ಮತ್ತೊಂದು ವಾಕ್ಸಮರಕ್ಕೆ ನಾಂದಿ ಹಾಡಲಾಗಿದೆ. ಟ್ವೀಟ್ ಪ್ರತಿ ಟ್ವೀಟ್ ಗಳ ಸ್ಯಾಂಪಲ್ ಹೆಕ್ಕಿ ನಿಮ್ಮ ಮುಂದಿಡುತ್ತಿದ್ದೇವೆ ನೋಡಿ...

ಟ್ವೀಟ್ ವಾರ್

ಎಂಎನ್ ಎಸ್ ಮುಖ್ಯಸ್ಥ ರಾಜ್ ಠಾಕ್ರೆ ಮಾತನಾಡಿ, ಪ್ರತ್ಯೇಕ ರಾಜ್ಯ ರಚಿಸುವುದು ಡಿವೋರ್ಸ್ ಪಡೆದಷ್ಟು ಸುಲಭವಲ್ಲ ಎಂದಿದ್ದಾರೆ. ಗುರುವಾರ ಶೋಭಾ ಡೇ ಮನೆ ಮುಂದೆ ಎಂಎನ್ ಎಸ್ ಮಹಿಳಾ ಕಾರ್ಯಕರ್ತರು ಧರಣಿ ನಡೆಸಿದರು.

ನನ್ನ ಟ್ವೀಟ್ ತಿಳಿಹಾಸ್ಯದಿಂದ ಕೂಡಿದ್ದು, ರಾಜಕೀಯ ಲಾಭಕ್ಕಾಗಿ ಹೊಸ ರಾಜ್ಯ ಕಟ್ಟುವ ತಂತ್ರಕ್ಕೆ ಸವಾಲು ಹಾಕುವಂತಿದೆ. ನಾನು ಯಾವ ರಾಜ್ಯವನ್ನು ರಚಿಸಲು ಹೇಳಿಲ್ಲ. ಸುಮ್ಮನೆ ವಿವಾದ ಹುಟ್ಟಿಸಬೇಡಿ ಎಂದು ಶೋಭಾ ಪ್ರತಿಕ್ರಿಯಿಸಿದ್ದಾರೆ.

It's cute how Shobha De thinks she can make a controversial statement and be cool like Salman Rushdie but ends up looking like Rakhi Sawant
— Midori (@Moonimalist) July 31, 2013

ಒಂದು ತಮಾಷೆ ಟ್ವೀಟ್

ಶೋಭಾ ಡೇ ನೀಡುವ ಹೇಳಿಕೆ ವಿವಾದಗಳ ಬಗ್ಗೆ ಬಂದ ಟ್ವೀಟ್

Abusing Shobha De is a lot better than fixing potholes, crime rates, corruption,real estate mafia take a bow Maharashtra
— Maitreya Mahesh (@Mike_maitreya) August 1, 2013

ವ್ಯವಸ್ಥೆ ಬಗ್ಗೆ ಬೇಸರ

ಆಡಳಿತ ವ್ಯವಸ್ಥೆ ಹದಗೆಟ್ಟಿರುವಾಗ ಶೋಭಾ ಡೇ ಬೈಯುವುದೇ ಸರಿ

You may dislike Shobha De, but she still has the right to opine on what Mumbai could and should be. If Diggy can say anything, why not her?
— Hiren (@Laddoo7) August 1, 2013

ದಿಗ್ವಿಜಯ್ ಹೇಳಬಹುದಾದರೆ

ಕಾಂಗ್ರೆಸ್ ಮುಖಂಡ ದಿಗ್ವಿಜಯ್ ಸಿಂಗ್ ಬೇಕಾಬಿಟ್ಟಿ ಹೇಳಿಕೆ ನೀಡಬಹುದಾದರೆ ಶೋಭಾ ಡೇ ಯಾಕೆ ಹೇಳಿಕೆ ಕೊಡಬಾರದು !

I'd say it's better to be divorced than to be bonking your daughter-in-law while not leaving your wife. #Shobha De vs the #Thackerays.
— Brown Sahiba (@Rajyasree) August 1, 2013