ಮೆಕ್ಸಿಕೋದಲ್ಲಿಯೂ 6.5 ಪ್ರಮಾಣದ ಪ್ರಬಲ ಭೂಕಂಪ

ಮೆಕ್ಸಿಕೋ, ಏ. 12 : ಇಂಡೋನೇಷ್ಯಾದಲ್ಲಿ ಪ್ರಬಲ ಭೂಕಂಪ ಸಂಭವಿಸಿದ ಮರುದಿನವೇ ಅಮೆರಿಕಾದ ಅನೇಕ ಪ್ರದೇಶಗಳಲ್ಲಿ ಭೂಕಂಪ ಸಂಭವಿಸಿದೆ. ಮೆಕ್ಸಿಕೋ ನಗರದಿಂದ 200 ಕಿ.ಮೀ. ದೂರದಲ್ಲಿರುವ ಪಶ್ಚಿಮ ಮೆಕ್ಸಿಕೋದ ಪರ್ವತಶ್ರೇಣಿಯಲ್ಲಿ ರಿಕ್ಟರ್ ಮಾಪಕದಲ್ಲಿ 6.5 ಪ್ರಮಾಣದ ಪ್ರಬಲ ಭೂಕಂಪವಾಗಿದೆ.

ಈ ಭೂಕಂಪ ಸಂಭವಿಸಿ ಕೆಲವೇ ಗಂಟೆಗಳಲ್ಲಿ ಮೆಕ್ಸಿಕೋದ ಸೋನೋರಾ ಪ್ರದೇಶದಿಂದ 93 ಮೈಲು ದೂರದಲ್ಲಿ 7.1 ಮ್ಯಾಗ್ನಿಟ್ಯೂಡ್ ಇರುವ ಮತ್ತೊಂದು ಪ್ರಬಲ ಭೂಕಂಪ ಮೆಕ್ಸಿಕೋದಲ್ಲಿ ಸಂಭವಿಸಿದೆ ಎಂಬ ವರದಿಗಳೂ ಬರುತ್ತಿವೆ. ಜನನಿಬಿಡ ಪ್ರದೇಶ ಮತ್ತು ಎತ್ತರದ ಪ್ರದೇಶದಲ್ಲಿರುವ ಜನರನ್ನು ಸ್ಥಳಾಂತರಿಸುವ ಕಾರ್ಯ ತ್ವರಿತವಾಗಿ ಸಾಗುತ್ತಿದೆ. ಇಲ್ಲಿಯವರೆಗೆ, ಯಾವುದೇ ಸಾವುನೋವು ಆದ ವರದಿಗಳು ಬಂದಿಲ್ಲ.

ಈ ಭೂಕಂಪಗಳು ಭುವಿಯ 65 ಕಿ.ಮೀ. ಆಳದಲ್ಲಿ ಉಂಟಾಗಿದ್ದರಿಂದ ಹೆಚ್ಚಿನ ಅನಾಹುತಗಳು ಸಂಭವಿಸಿಲ್ಲ. ಭೂಮಿಯ ಮೇಲ್ಮೈ ತಲುಪುವ ಹೊತ್ತಿಗೆ ಕಂಪನದ ಪ್ರಭಾವ ತಗ್ಗಿರುತ್ತದೆ ಎಂದು ಅಮೆರಿಕಾದ ಭೌಗೋಳಿಕ ಸರ್ವೇಕ್ಷಣ ಇಲಾಖೆ ತಿಳಿಸಿದೆ. ಮೂರು ವಾರಗಳ ಹಿಂದೆ 7.4 ಪ್ರಮಾಣದ ಪ್ರಬಲ ಭೂಕಂಪ ಮೆಕ್ಸಿಕೋದಲ್ಲಿ ಸಂಭವಿಸಿತ್ತು.

ಇದೇ ಸಮಯದಲ್ಲಿ ಕ್ಯಾಲಿಫೋರ್ನಿಯಾ, ನೇವಡಾ ಪ್ರಾಂತ್ಯಗಳಲ್ಲಿಯೂ ಲಘು ಭೂಕಂಪಗಳು ಸಂಭವಿಸಿವೆ. ದಕ್ಷಿಣ ಕ್ಯಾಲಿಫೋರ್ನಿಯಾದಲ್ಲಿ 1.4 ಪ್ರಮಾಣದ ಮತ್ತು ವಾಯವ್ಯ ಅಮೆರಿಕಾದ ನೇವಡಾದಲ್ಲಿ 1.5 ಪ್ರಮಾಣದ ಲಘು ಭೂಕಂಪಗಳು ಸಂಭವಿಸಿದೆ.

English summary

Two powerful earthquakes have hit Mexico. An earthquake of 6.5 magnitude shook up buildings in western Mexico mountains. Another one of 7.1 magnitude reported hit on Thursday 93 miles away from Sonora, Mexico. No damages have been reported so far. The series of earthquakes are happening after a massive earthquake hit Indonesia on April