ಚಿನಕುರಳಿ ರಸ್ತೆ ಅಪಘಾತ: 7 ಮಂದಿ ಸಾವು

ಮಂಡ್ಯ, ಏ.12: ಜಿಲ್ಲೆಯ ಪಾಂಡವಪುರ ಸಮೀಪ ಚಿನಕುರಳಿ ಗ್ರಾಮದಲ್ಲಿ ಬಹುದೊಡ್ಡ ರಸ್ತೆ ಅಪಘಾತ ಸಂಭವಿಸಿದ್ದು 7 ಮಂದಿ ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ.

ಟೆಂಪೋ ಮತ್ತು ಸರಕಾರಿ ಬಸ್ ಮಧ್ಯೆ ಗುರುವಾರ ಈ ಅಪಘಾತ ಸಂಭವಿಸಿದೆ. ಟೆಂಪೋ ಚಾಲಕ ಮತ್ತು ಇಬ್ಬರು ಮಕ್ಕಳು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಟೆಂಪೋ ಮಂಡ್ಯದಿಂದ ಕೆಆರ್ ಪೇಟೆ ಕಡೆಗೆ ಹೋಗುತ್ತಿತ್ತು.

ಮೃತರು ಮೈಸೂರಿನ ಮಂಡಿಮೊಹಲ್ಲಾದವರು. 20 ಮಂದಿ ಗಾಯಗೊಂಡಿದ್ದು, ಮೂವರ ಸ್ಥಿತಿ ಚಿಂತಾಜನಕವಾಗಿದೆ. ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

English summary

In a road accident at Chinakurali village in Pandavapura taluk 7 people died at the spot today April 12.