ಅಕ್ರಮ ಮದ್ಯ ಕಂಡ್ರೆ ಅಬಕಾರಿ ಅಧಿಕಾರಿಗೆ ತಿಳಿಸಿ

ಬೆಂಗಳೂರು, ಜ, 4 : ಅಕ್ರಮವಾಗಿ ವಿದೇಶಿ ಮದ್ಯವನ್ನು ಸರಬರಾಜು ಮಾಡುತ್ತಿದ್ದ 2 ಮಾರುತಿ ವಾಹನಗಳನ್ನು ಜಪ್ತುಪಡಿಸಿ, ಇವುಗಳಲ್ಲಿ ಸಾಗಾಣಿಕೆ ಮಾಡುತ್ತಿದ್ದ 5 ಲಕ್ಷ ರುಪಾಯಿ ಮೌಲ್ಯದ 72 ಬಾಟಲಿ ವಿದೇಶಿ ಮದ್ಯವನ್ನು ಬೆಂಗಳೂರು ನಗರದ ಅಬಕಾರಿ ಇಲಾಖೆಯ ಸಿಬ್ಬಂದಿ ವಶಪಡಿಸಿಕೊಂಡಿದ್ದಾರೆ.

ಓರ್ವ ವ್ಯಕ್ತಿಯನ್ನು ಸಹ ದಸ್ತಗಿರಿ ಮಾಡಲಾಗಿದೆ. ಈ ದಂಧೆಯನ್ನು ಭೇದಿಸಿದ ಬೆಂಗಳೂರು ನಗರದ ಅಬಕಾರಿ ಉಪ ಆಯುಕ್ತರಾದ ಮೊಹಮದ್ ಫಸೀಯುದ್ದೀನ್ ಇವರ ನೇತೃತ್ವದ ವಿಶೇಷ ತಂಡಗಳನ್ನು ಅಬಕಾರಿ ಆಯುಕ್ತರು ಅಭಿನಂದಿಸಿದ್ದಾರೆ.

ಅಕ್ರಮ ವಿದೇಶಿ ಮದ್ಯ ಸರಬರಾಜು ಜಾಲವನ್ನು ಭೇದಿಸಿರುವ ಅಬಕಾರಿ ಇಲಾಖೆ ಇಂತಹ ಚಟುವಟಿಕೆಗಳನ್ನು ನಿಯಂತ್ರಿಸಲು ವಿಶೇಷ ತಂಡಗಳನ್ನು ನೇಮಿಸಿದ್ದು ನಗರದ ಎಲ್ಲಾ ಚೆಕ್‌ಪೋಸ್ಟ್‌ಗಳಲ್ಲಿ ಶೋಧನೆ ತೀವ್ರಗೊಳಿಸಿದೆ.

ಕಡಿಮೆ ಬೆಲೆಯಲ್ಲಿ ವಿದೇಶಿ ಮದ್ಯವನ್ನು ಸರಬರಾಜು ಮಾಡಲಾಗುತ್ತದೆ ಎಂಬ ಸುದ್ದಿಯನ್ನು ಸಾರ್ವಜನಿಕರು ನಂಬಬಾರದು. ಇಂತಹ ಮದ್ಯ ಸೇವಿಸಿದಲ್ಲಿ ಆರೋಗ್ಯ ಮತ್ತು ಪ್ರಾಣ ಹಾನಿಯಾಗುತ್ತದೆ ಎಂದು ಅಬಕಾರಿ ಆಯುಕ್ತರು ಸಾರ್ವಜನಿಕರಿಗೆ ತಿಳಿವಳಿಕೆ ನೀಡಿರುತ್ತಾರೆ. ಇಂತಹ ಚಟುವಟಿಕೆ ಕಂಡುಬಂದಲ್ಲಿ ಸಾರ್ವಜನಿಕರು ಈ ಕೆಳಕಂಡ ಅಧಿಕಾರಿಗಳನ್ನು ಸಹಕರಿಸಲು ಕೋರಲಾಗಿದೆ.

ಕಚೇರಿಯ ಹೆಸರು	ದೂರವಾಣಿ	ಮೊಬೈಲ್
ಅಬಕಾರಿ ಜಂಟಿ ಆಯುಕ್ತರು, ರಾಜ್ಯ ವಿಚಕ್ಷಣ ದಳ, ಬೆಂಗಳೂರು	22278826/22122722	94495-97017
ಅಬಕಾರಿ ಜಂಟಿ ಆಯುಕ್ತರು, ಬೆಂಗಳೂರು ವಿಭಾಗ	22214242/ 22120519	94495-97028
ಅಬಕಾರಿ ಉಪ ಆಯುಕ್ತರು, ಬೆಂಗಳೂರು ನಗರ ಜಿಲ್ಲೆ (ಪೂರ್ವ)	22232792	94495-97228
ಅಬಕಾರಿ ಉಪ ಆಯುಕ್ತರು, ಬೆಂಗಳೂರು ನಗರ ಜಿಲ್ಲೆ (ಪಶ್ಚಿಮ)	22125049	94495-97286
ಅಬಕಾರಿ ಉಪ ಆಯುಕ್ತರು, ಬೆಂಗಳೂರು ನಗರ ಜಿಲ್ಲೆ ಉತ್ತರ	22125052	94495-97007
ಅಬಕಾರಿ ಉಪ ಆಯುಕ್ತರು, ಬೆಂಗಳೂರು ನಗರ ಜಿಲ್ಲೆ (ದಕ್ಷಿಣ)	22240152/ 22233278	94495-97214
ಅಬಕಾರಿ ಉಪ ಆಯುಕ್ತರು, ಬೆಂಗಳೂರು ಗ್ರಾಮಾಂತರ ಜಿಲ್ಲೆ	22861343/ 22862279/ 22868104	94495-97029

English summary

Illegal foreign liquor worth 5 lakh rupees seized in Bangalore by Excise department sleuths. The excise dept has warned the public not to buy illegal foreign liquor, which is harmful to health and has requested the public to report the same to excise dept officers.