ಜಗನ್ ರೆಡ್ಡಿ ಕುತ್ತಿಗೆಗೂ ಇಡಿ ತನಿಖೆ ಉರುಳು

ಹೈದರಾಬಾದ್, ಡಿ.19: ವಿದೇಶಿ ವಿನಿಮಯ ಮತ್ತು ಲೇವಾದೇವಿ ಕಾಯ್ದೆ ಉಲ್ಲಂಘನೆ ಆರೋಪದ ಮೇಲೆ ಗಾಲಿ ಜನಾರ್ದನ ರೆಡ್ಡಿ ದಂಪತಿ ತನಿಖೆಯ ಭೀತಿ ಎದುರಿಸುತ್ತಿದ್ದಾರೆ. ಈಗ ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ವೈಎಸ್‌ಆರ್ ಕಾಂಗ್ರೆಸ್ ಅಧ್ಯಕ್ಷ ಹಾಗೂ ಸಂಸದ ಜಗನ್ ಮೋಹನ್ ರೆಡ್ಡಿಯನ್ನು ಜಾರಿ ನಿರ್ದೇಶನಾಲಯ ಈ ವಾರ ವಿಚಾರಣೆಕ್ಕೆ ಒಳಪಡಿಸುವ ಸಾಧ್ಯತೆಯಿದೆ.

ಜಗನ್ ಕಂಪೆನಿಯ ಕೆಲ ಅಧಿಕಾರಿಗಳ ವಿಚಾರಣೆ ಜಾರಿಯಲ್ಲಿದೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ವಿವರಣೆ ನೀದಲು ದೆಹಲಿ ಅಥವಾ ಹೈದರಾಬಾದ್‌ನ ಕಚೇರಿಗೆ ಜಗನ್ ಹಾಜರಾಗಬೇಕಾಗುತ್ತದೆ.

ಹಣ ಲೇವಾದೇವಿ ನಿಗ್ರಹ ಕಾಯ್ದೆಯಡಿ(Prevention of Money Laundering Act (PMLA)) ಜಾರಿ ನಿರ್ದೇಶನಾಲಯ ಜಗನ್ ವಿರುದ್ಧ ಪ್ರಕರಣ ದಾಖಲಿಸಿದೆ.

ಜಗನ್ ಹೂಡಿಕೆ ಮತ್ತು ಹಣಕಾಸಿನ ವ್ಯವಹಾರದಲ್ಲಿ ವಿದೇಶಿ ವಿನಿಮಯ ಉಲ್ಲಂಘಿಸಲಾಗಿದೆ ಎಂದು ಆರೋಪ ಹೊರೆಸಲಾಗಿದ್ದು, ಈ ಬಗ್ಗೆ ತನಿಖೆ ನಡೆಯುತ್ತಿದೆ.

ಗಾಲಿ ಜನಾರ್ದನ ರೆಡ್ದಿ ಹಾಗೂ ವೈಎಸ್ ಆರ್ ಕುಟುಂಬಕ್ಕೆ ಇರುವ ಹಣಕಾಸಿನ ನಂಟಿ ಬಗ್ಗೆ ಸಿಬಿಐ ತನಿಖೆ ಮುಂದುವರೆದಿದ್ದು, ಜಾರಿ ನಿರ್ದೇಶನಾಲಯಕ್ಕೆ ಸಿಬಿಐ ಚಾರ್ಚ್ ಶೀಟ್ ಆಧಾರವಾಗಲಿದೆ.

English summary

YSR Congress chief YS Jagan Mohan Reddy is likely to be quizzed by Enforcement Directorate later this week. Jagan is accused of violating foreign exchange norms and involved in money laundering case.