ಸಂಕ್ರಾಂತಿ ತನಕ ಯಡಿಯೂರಪ್ಪರಿಂದ 'ನೋ' ಕ್ರಾಂತಿ

ಬೆಂಗಳೂರು, ಡಿ.15: ಮುಂದಿನ ಮಕರ ಸಂಕ್ರಾಂತಿ ಸ್ನಾನ ಮುಗಿಯುವ ತನಕ ಮುಖ್ಯಮಂತ್ರಿ ಪದವಿ ಅಥವಾ ಬಿಜೆಪಿ ರಾಜ್ಯಾಧ್ಯಕ್ಷ ಸ್ಥಾನಗಳ ಆಸೆಯನ್ನು ನಿಗ್ರಹಿಸಿಕೊಂಡು ಸಂಯಮದಿಂದ ಇರುವಂತೆ ಯಡಿಯೂರಪ್ಪ ಅವರಿಗೆ ಅವರ ಆಪ್ತ ಜ್ಯೋತಿಷಿಗಳು ಸಲಹೆ ನೀಡಿದ್ದಾರೆ.

ಮಾರ್ಗಶಿರ ಶುಕ್ಲ ಏಕಾದಶಿ ದಿನದ ಒಳಗೆ ಏನಾದರೂ ಯತ್ನ ಫಲಿಸಿದರೆ ಓಕೆ, ಇಲ್ಲದಿದ್ದರೆ ಧನುರ್ಮಾಸ ಅಥವಾ ಶೂನ್ಯಮಾಸ ಆರಂಭವಾದ ಮೇಲೆ ಯಾವುದೇ ರಾಜಕೀಯ ಪ್ರಯತ್ನಗಳನ್ನು ನಡೆಸುವುದು ಶುಭಕರವಲ್ಲ ಎಂದು ಹೇಳಲಾಗಿದೆ.

ಸದಾನಂದ ಗೌಡರು ಎಂಎಲ್ಸಿ ಚುನಾವಣೆಯಲ್ಲಿ ಸೋಲಲಿ ಅಥವಾ ಗೆಲ್ಲಲ್ಲಿ ಇದರಿಂದ ಸರ್ಕಾರಕ್ಕೇನು ಬಾಧೆ ಇಲ್ಲ ಎಂಬ ಸತ್ಯ ಅರಿತಿರುವ ಯಡಿಯೂರಪ್ಪ ಈಗ ಕಾದು ನೋಡೋ ತಂತ್ರ ಅನುಸರಿಸಬೇಕಿದೆ.

ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿ ಕೇಂದ್ರದಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿಯಲು ಸಹಾಯವಾಗುವಂತೆ ಕರ್ನಾಟಕದಿಂದ 20 ರಿಂದ 22 ಸ್ಥಾನಗಳನ್ನು ಗೆಲ್ಲಿಸಿ ಕೊಡುವ ಆಶ್ವಾಸನೆಯನ್ನು ನಿತಿನ್ ಗಡ್ಕರಿ ಟೀಮ್ ಗೆ ಯಡಿಯೂರಪ್ಪ ನೀಡಿ ಬಂದಿದ್ದಾರೆ.

ಮಾರ್ಗಶಿರ ಮಾಸದಲ್ಲಿ ವ್ರತ, ಭಜನೆಕೈಗೊಂಡು ಇನ್ನಷ್ಟು ಆಂತರಿಕ ಶುದ್ಧಿ ಹೊಂದಲು ಯಡಿಯೂರಪ್ಪ ನಿರ್ಧರಿಸಿದ್ದಾರೆ. ಯಡಿಯೂರಪ್ಪ ನಿಗೂಢ ನಡೆ, ನುಡಿಯಿಂದ ವಿಪಕ್ಷಗಳು ಕೂಡಾ ಸರಿಯಾದ ದಾಳ ಉದುರಿಸಲು ಆಗದೇ ವಿಲವಿಲ ಎಂದು ಒದ್ದಾಡುತ್ತಿದೆ. ಸದ್ಯಕ್ಕೆ ಕಾದು ನೋಡು ತಂತ್ರ ಎಲ್ಲೆಡೆ ಜಾರಿಯಲ್ಲಿದೆ.

English summary

Former CM BS Yeddyurappa is advised by his personal Jyotish not to urge not to do political stir by demanding for Karnataka CM post untill Makar Sankrati festival is over. It is suggested that Dhanurmasa or Shoonyamasa is not good to Yeddyurappa's political future. So, Yeddyurappa have to play wait and watch game.