ಸ್ತ್ರೀಪೀಡಕ ಸಯನೈಡ್ ಮೋಹನ್ ವಿರುದ್ಧ ಮಹಿಳೆ ಗೌಪ್ಯ ಸಾಕ್ಷ್ಯ

ಮಂಗಳೂರು, ನ.22: ಯುವತಿಯರಿಗೆ ಕಂಟಕವಾಗಿದ್ದ ಸಯನೈಡ್ ಮೋಹನ್ ಕುಮಾರನ ವಿರುದ್ಧ ಮಹಿಳೆಯೊಬ್ಬರು ಸೋಮವಾರ ನ್ಯಾಯಾಳಯದಲ್ಲಿ ಸಾಕ್ಷ್ಯ ನುಡಿದಿದ್ದಾರೆ. ಮೋಹನ್‌ಕುಮಾರನಿಂದ ತಾನೂ ಸಂತ್ರಸ್ತಳಾಗಿದ್ದೇನೆ ಎಂದಿರುವ ಈ ಮಹಿಳೆ, ತಾನು ಗೌಪ್ಯವಾಗಿ ಸಾಕ್ಷ್ಯ ನುಡಿಯಲಿಚ್ಛಿಸುವುದಾಗಿ ನ್ಯಾಯಾಧೀಶರಲ್ಲಿ ಮೊದಲೇ ಮನವಿ ಮಾಡಿದ್ದರಿಂದ ಈ ವ್ಯವಸ್ಥೆ ಕಲ್ಪಿಸಲಾಗಿತ್ತು. ಸಂಜೆಯ ವೇಳೆಗೆ ಈ ಮಹಿಳೆಯ ಸಾಕ್ಷ್ಯವನ್ನು ಸರಕಾರಿ ವಕೀಲ ಮತ್ತು ಮೋಹನ್ ಕುಮಾರನ ಉಪಸ್ಥಿತಿಯಲ್ಲಿ ನ್ಯಾಯಾಧೀಶ ನಿಂಗನ ಗೌಡ ಅವರು ಗೌಪ್ಯವಾಗಿ ದಾಖಲಿಸಿಕೊಂಡರು.

ಅಭಿಯೋಜಕರಾಗಿ ಚೈಯಬ್ಬ ಬ್ಯಾರಿ: ಸರಣಿ ಹತ್ಯಾ ಪ್ರಕರಣದ ವಿಚಾರಣೆಯಲ್ಲಿ ಚೈಯಬ್ಬ ಬ್ಯಾರಿ ಸರಕಾರಿ ಅಭಿಯೋಜಕರಾಗಿದ್ದಾರೆ. ಜಂಟಿ ಅಭಿಯೋಜಕ ಸ್ಥಾನದಿಂದ 3 ವರ್ಷಗಳ ಹಿಂದೆ ನಿವೃತ್ತರಾಗಿದ್ದ ಚೈಯಬ್ಬರನ್ನು ಸರಣಿ ಹತ್ಯಾ ಪ್ರಕರಣವನ್ನು ಮುನ್ನಡೆಸುವುದಕ್ಕಾಗಿಯೇ ವಿಶೇಷ ನೇಮಕಾತಿ ಮಾಡಲಾಗಿದೆ. ರಾಜ್ಯಾದ್ಯಂತ ಕುತೂಹಲ ಕೆರಳಿಸಿದ್ದ ಗಂಭೀರ ಸ್ವರೂಪದ ಪ್ರಕರಣ ಇದಾಗಿರುವುದರಿಂದ ಅನುಭವಿಗಳ ಆಯ್ಕೆ ಮಾಡಲಾಗಿದೆ.

ಮೂರು ಪ್ರಕರಣ ವಿಚಾರಣೆ: ಪ್ರಥಮವಾಗಿ ಮೂರು ಪ್ರಕರಣಗಳ ವಿಚಾರಣೆ ನಡೆಯಲಿದೆ. ಬಂಟ್ವಾಳ ಬರಿಮಾರಿನ ಅನಿತಾ ಕೊಲೆಗೆ ಸಂಬಂಧಿಸಿದ ವಿಚಾರಣೆ ಇಂದಿನಿಂದ ನ.26ರವರೆಗೆ ನಡೆ ಯಲಿದೆ. ಬಳಿಕ ವೇಣೂರಿನ ಲೀಲಾವತಿ ಕೊಲೆ ಪ್ರಕರಣದ ವಿಚಾರಣೆ ನ.28ರಿಂದ ಡಿ.2ರ ವರೆಗೆ, ಸುಳ್ಯದ ಸುಮನಾ ಕೊಲೆ ಪ್ರಕರಣದ ವಿಚಾರಣೆ ಡಿ.3ರಿಂದ 9ರವರೆಗೆ ನಡೆಯಲಿದೆ. ಎಲ್ಲ ಪ್ರಕರಣಗಳು ಐದು ದಿನ ನಡೆದರೆ, ಅನಿತಾ ಪ್ರಕರಣ ಮಾತ್ರ ಆರು ದಿನ ನಡೆಯಲಿದೆ.

ಒಟ್ಟು 20 ಕೊಲೆ ಪ್ರಕರಣಗಳಲ್ಲಿ 90 ಸಾಕ್ಷಿದಾರರ ವಿಚಾರಣೆ ನಡೆಯಲಿದೆ. ಈ ಎಲ್ಲ ಸಾಕ್ಷಿದಾರರ ಹೇಳಿಕೆಗಳನ್ನೂ ಸಿಐಡಿ ಪೊಲೀಸರು ಈಗಾಗಲೇ ದಾಖಲಿ ಸಿಕೊಂಡಿದ್ದಾರೆ. ಪ್ರಕರಣದ ವಿಚಾರಣೆಗೆ ಹಾಜರಾಗುವ ಸಾಕ್ಷಿಗಳಿಗೆ ಪ್ರಯಾಣ ಭತ್ಯೆ ನೀಡುವ ಬಗ್ಗೆಯೂ ಚಿಂತನೆ ನಡೆಯುತ್ತಿದೆ.

English summary

The hearing of teacher-turned-serial killer Cyanide Mohan Kumar began in the fast track court on Monday November 21. The whole state was shocked by the serial murders of women and Bantwal police arrested Mohan on October 21, 2009. A woman geve witness in closed chambers.