ನ್ಯಾ. ಹೆಗ್ಡೆಗೆ ನಗಬೇಕೋ, ಅಳಬೇಕೋ ತಿಳಿಯದಾಗಿದೆ!

ಬೆಂಗಳೂರು, ಅ.14: ಅಗಣಿತ ಭ್ರಷ್ಟಾಚಾರಿಗಳನ್ನು ರಕ್ಷಿಸುವ ಧಾವಂತದಲ್ಲಿ ಸರಕಾರವೇ ತಮ್ಮ ವರದಿಯ ಬಗ್ಗೆ ಸ್ಪಷ್ಟನೆ ಕೋರಿರುವುದನ್ನು ಕೇಳಿ ನ್ಯಾ. ಸಂತೋಷ್ ಹೆಗ್ಡೆ ಅವರಿಗೆ ನಗಬೇಕೋ, ಅಳಬೇಕೋ ತಿಳಿಯದಾಗಿದೆ. ಸರಕಾರದ ಈ ನಿರ್ಧಾರದ ಬಗ್ಗೆ ಅವರ ಮುಂದಿನ ನಡೆ ಕುತೂಹಲಕಾರಿಯಾಗಿ ಇದೆ. ಹಾಗೆಂದು ಸ್ವತಃ ಅವರೇ ಸರಕಾರಕ್ಕೆ ಸ್ಪಷ್ಟನೆ ಕೊಡಲು ಬಾಧ್ಯಸ್ಥರೇನೂ ಅಲ್ಲ. ಆದರೂ...

ಈಗಾಗಲೇ ದೈತ್ಯರನ್ನು ಸಂಹರಿಸಿರುವ ಅಕ್ರಮ ಗಣಿಗಾರಿಕೆ ವರದಿಗೆ ಒಂದು ತಾರ್ಕಿಕ ಅಂತ್ಯ ಕಲ್ಪಿಸಬೇಕಾದ ಹೊಣೆಗಾರಿಕೆ ಅವರ ಮೇಲಿದೆ. ಹೀಗಾಗಿ ಅವರು ಇಂದು ಮಧ್ಯಾಹ್ನ ಸುದ್ದಿಗೋಷ್ಠಿ ನಡೆಸುವ ಸಾಧ್ಯತೆ ಇದೆ. ತನ್ಮೂಲಕ ಸರಕಾರವನ್ನು ಮತ್ತಷ್ಟು ಬೆತ್ತಲುಗೊಳಿಸುವ ಅವಕಾಶ ಅವರಿಗೆ ಒದಗಿ ಬಂದಿದೆ.

ಗಮನಾರ್ಹವೆಂದರೆ ಅಡ್ವಾಣಿ ರಥ ಯಾತ್ರೆ ಅಕ್ಟೋಬರ್ 30ಕ್ಕೆ ಕರ್ನಾಟಕಕ್ಕೆ ಬರಲಿದೆ. ಇಂತಹ ಸಂದರ್ಭದಲ್ಲಿ ಅಡ್ವಾಣಿ ಅವರ ಮಾನಸ ಪುತ್ರನ ಬಗ್ಗೆ ಅವರದೇ ಪಕ್ಷದ ಸರಕಾರ ಕೊಂಕು ತೆಗೆದಿದೆ. ನೋಡಬೇಕು ಏನೆಲ್ಲ ಆಗುತ್ತದೂ!?

English summary

Karnataka Govt decided to send back Lokayukta Santosh Hegde illegal mining report on Oct 13. Now, Karnataka Govt seeks suggestion from Lokayukta on illegal mining report. Will ex Lokayukta Santosh Hegde respond to it.