ಮಣಿಪಾಲದಲ್ಲಿ ಮಿಲಿಟರಿ ಕಾಮಣ್ಣರ ಬಂಧನ

ಉಡುಪಿ, ಸೆ. 6 : ರೈಲಿನಲ್ಲಿ ಪ್ರಯಾಣಿಸುತ್ತಿದ್ದ ಮಹಿಳೆಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದ ಮೇಲೆ ಮಿಲಿಟರಿ ಸೇವೆಯಲ್ಲಿರುವ ಐದು ಮಂದಿಯನ್ನು ಮಣಿಪಾಲ ರೈಲ್ವೇ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.

ಮುಂಬೈನಲ್ಲಿ ನೆಲೆಸಿರುವ ಮತ್ತು ಮೂಲತಃ ಉಡುಪಿ ಜಿಲ್ಲೆಯ ಬೆಳ್ಮಣ್ ನಿವಾಸಿ ಮಹಿಳೆ ನೀಡಿದ ದೂರಿನ ಹಿನ್ನೆಲೆಯಲ್ಲಿ ಆರೋಪಿಗಳಾದ ಸುಜಿತ್ ಟಿವಿ (ಮಲ್ಲಪುರಂ ಜಿಲ್ಲೆ), ದೀಪೇಶ್ (ಕಾಸರಗೋಡು), ಆನಂದ್ ಕೆ (ಅಲೆಪ್ಪಿ), ಸಂತೋಷ್ (ಕಲ್ಲಿಕೋಟೆ) ಹಾಗೂ ದೀಪೇಶ್ (ಕೊಳಿಕೋಡ್) ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

ದೆಹಲಿಯಿಂದ ಉಡುಪಿಗೆ ಬರಲು ಶನಿವಾರ ಮಂಗಳ ರೈಲು ಹತ್ತಿದ್ದ ಮಹಿಳೆಗೆ ಆರೋಪಿಗಳು ಲೈಂಗಿಕ ಕಿರುಕುಳ ನೀಡುತ್ತಿದ್ದರೆಂದೂ ದೂರಲಾಗಿದೆ. ಹತ್ತು ಹನ್ನೆರಡು ಮಂದಿಯಿದ್ದ ತಂಡ ನಿರಂತರವಾಗಿ ಕಿರುಕುಳ ನೀಡುತ್ತಿತ್ತೆಂದೂ ಸೋಮವಾರ ರೈಲು ಬೈಂದೂರು ದಾಟಿ ಬರುತ್ತಿದ್ದಂತೆಯೇ ಆರೋಪಿಗಳು ಕಿರುಕುಳ ತೀವ್ರಗೊಳಿಸಿದಾಗ ಮಹಿಳೆ ಮಣಿಪಾಲ ರೈಲ್ವೇ ಪೊಲೀಸರಿಗೆ ದೂರು ಸಲ್ಲಿಸಿದ್ದಾರೆ.

ತಕ್ಷ್ಣಣ ಪೊಲೀಸರು ಕಾರ್ಯಾಚರಣೆಗಿಳಿದು ಐದು ಮಂದಿ ಕಾಮುಕರನ್ನು ಸೆರೆ ಸಿಕ್ಕಿದರು. ಉಳಿದವರು ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಈ ಘಟನೆಯ ಮಾಹಿತಿ ತಿಳಿದ ಸ್ಥಳೀಯರು ಮಹಿಳೆಯೊಂದಿಗೆ ಅಸಭ್ಯವಾಗಿ ವರ್ತಿಸಿದ ಆರೋಪಿಗಳನ್ನು ಹಿಗ್ಗಾಮುಗ್ಗಾ ಥಳಿಸಿದ್ದಾರೆ.

English summary

6 soldiers arrested by Manipal police for sexually harassing woman in Udupi bound Delhi train. Around 12 military men behaved indecently and harassed the woman, originally from Udupi continuously. 6 culprits still at large and yet to be traced.