ಕೆಎಚ್ ರಸ್ತೆ ನಮ್ಮ ಮೆಟ್ರೋ ನಿಲ್ದಾಣಕ್ಕೆ ಉಗ್ರರ ಬೆದರಿಕೆ

ಬೆಂಗಳೂರು, ಆಗಸ್ಟ್ 26: ದೆಹಲಿಯಲ್ಲಿ ಶಂಕಿತ ಭಯೋತ್ಪಾದಕರನ್ನು ಇತ್ತೀಚೆಗೆ ಪೊಲೀಸರು ಸೆರೆ ಹಿಡಿಯುತ್ತಿದ್ದಂತೆ ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ಅಧಿಕಾರಿಗಳು ಕೆಎಚ್ ರಸ್ತೆಯಲ್ಲಿರುವ 'ನಮ್ಮ ಮೆಟ್ರೋ' ಕಚೇರಿಗೆ ಮೊನ್ನೆ ಧಾವಿಸಿದ್ದಾರೆ.

ಭಯೋತ್ಪಾದಕರಿಂದ ವಶಪಡಿಸಿಕೊಂಡಿದ್ದ 'ನಮ್ಮ ಮೆಟ್ರೋ' ಸ್ಟೇಷನ್ ಗಳ ಫೋಟೋಗಳನ್ನು ತಾಳೆ ಹಾಕಿ ನೋಡಿದ್ದಾರೆ. 'ನಮ್ಮ ಮೆಟ್ರೋ' ನಿಗಮದ bmrc.co.in ವೆಬ್‌ಸೈಟ್‌ನಲ್ಲಿರುವ ಎಲ್ಲ ಸೂಕ್ಷ್ಮ ಮಾಹಿತಿಗಳನ್ನು ತಕ್ಷಣ ತೆಗೆದು ಹಾಕುವಂತೆಯೂ BMRC ಅಧಿಕಾರಿಗಳಿಗೆ ಆದೇಶಿಸಿದೆ.

ಇದೇ ವೇಳೆ, ಇತರೆ ಸಾರ್ವಜನಿಕ ಯೋಜನೆಗಳನ್ನು ನಿರ್ವಹಿಸುತ್ತಿರುವ ನಿಗಮಗಳಿಗೂ ಇಂತಹುದೇ ಮುಂಜಾಗ್ರತೆ ಕ್ರಮಗಳನ್ನು ಕೈಗೊಳ್ಳುವಂತೆ ಸೂಚಿಸಿದೆ. ವೆಬ್‌ಸೈಟ್‌ ಮತ್ತಿತರ ಸಾರ್ವಜನಿಕ ಮಾಧ್ಯಮಗಳಲ್ಲಿ ಚಿತ್ರಪಟಗಳನ್ನು ಪ್ರಕಟಿಸದಂತೆಯೂ NIA ತಾಕೀತು ಮಾಡಿದೆ.

ಅಂದಹಾಗೆ, ಸೆಪ್ಟೆಂಬರ್ 15ರಂದು 'ನಮ್ಮ ಮೆಟ್ರೋ' ಉದ್ಘಾಟನೆಗಾಗಿ ಪ್ರಧಾನಿ ಮನಮೋಹನ್ ಸಿಂಗ್ ಅವರನ್ನು ಔಪಚಾರಿಕವಾಗಿ ಆಹ್ವಾನಿಸಲು ಮುಖ್ಯಮಂತ್ರಿ ಸದಾನಂದ ಗೌಡರು ಇಂದು ದೆಹಲಿಗೆ ತೆರಳಿದ್ದಾರೆ.

English summary

National Investigation Agency officers have met the BMRC officers on KH Road, Banngalore and showed them the detailed blueprints of the metro stations seized from terror suspects, who had been picked up by New Delhi police recently. The officers asked the BMRC to immediately remove building plans of the stations from the website of the corporation.