ಸದಾನಂದರೇ ನಿಮ್ಮನ್ನು ನೋಡಿ ಜನ ನಗುವಂತಾಗುವುದು ಬೇಡ!

By * ಮರಗುಂದ ಪ್ರಸನ್ನಕುಮಾರ್, ಮೂಡಿಗೆರೆ.

Published: Thursday, January 26, 2012, 16:54 [IST]

ಲೋಕಾಯುಕ್ತ ಡಿಐಜಿ ಪ್ರಣವ್ ಮೊಹಾಂತಿ ಅವರನ್ನು ದಿಢೀರನೆ ವರ್ಗಾವಣೆ ಮಾಡುವ ಮೂಲಕ ಸದಾನಂದಗೌಡರು ತಾವು ಯಡಿಯೂರಪ್ಪನವರ ಕೈಗೊಂಬೆಯಾಗಿ ಆಡಳಿತ ನಡೆಸುತ್ತಿರುವುದನ್ನು ಸಾಬೀತು ಪಡಿಸಿಕೊಂಡಂತಿದೆ. ಈ ಹಿಂದೆ ಹಲವಾರು ಮಂದಿ ಭ್ರಷ್ಟರಿಗೆ ಶಿಕ್ಷೆ ಆಗುವಂತೆ ನೋಡಿಕೊಂಡಿದ್ದ ಈ ಅಧಿಕಾರಿ ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪನವರ ವಿರುದ್ಧ ಎಫ್‌ಐಆರ್ ದಾಖಲಿಸಿದ್ದು ಸಾಮಾನ್ಯ ಸಂಗತಿಯೇನಲ್ಲ.

ಇಂತಹ ಅಧಿಕಾರಿಯನ್ನು ಮುಂದುವರಿಯಲು ಎತ್ತಂಗಡಿ ಮಾಡಿರುವ ಹಿಂದೆ ಹಲವರ ಕೈವಾಡ ಇರಲೇ ಬೇಕು. ಭ್ರಷ್ಟಾಚಾರದ ವಿರುದ್ಧ ಮತ್ತು ಬಲಿಷ್ಠ ಲೋಕಪಾಲ ವ್ಯವಸ್ಥೆ ಜಾರಿಗೆ ಬರಬೇಕೆಂದು ದೇಶವ್ಯಾಪಿ ಹೋರಾಟ ನಡೆಯುತ್ತಿರುವಾಗ ಮತ್ತು ಇದಕ್ಕೆ ಬಿಜೆಪಿ ಬೆಂಬಲಿಸಿರುವಾಗ ಆ ಪಕ್ಷದ ಸರ್ಕಾರದ ಈ ಕ್ರಮ ನಾಚಿಕೆಗೇಡಿನದು.

ಮುಖ್ಯಮಂತ್ರಿ ಸದಾನಂದ ಗೌಡರು ಇಂತಹ ಕ್ರಮಕೈಗೊಳ್ಳುವ ಮೂಲಕ ಯಡಿಯೂರಪ್ಪನವರ ಕೈಗೊಂಬೆಯಾಗಿ ತಮ್ಮ ಹೆಸರಿಗೆ ಕಳಂಕ ತಂದುಕೊಳ್ಳಲಿದ್ದಾರೆ. ಹೀಗೇ ಮುಂದುವರಿದರೆ ಸದಾ ನಗುತ್ತಿರುವ ಸದಾನಂದಗೌಡರನ್ನು ನೋಡಿ ರಾಜ್ಯದ ಜನರೇ ನಗುವಂತಾಗುತ್ತದೆ.

Published On January 26, 2012