ಉಡುಪಿಯಲ್ಲಿ ಚಿನ್ನಾಭರಣ ಮಳಿಗೆ ಮೇಲೆ ಗುಂಡಿನ ದಾಳಿ

ಮಂಗಳೂರು, ಆ. 20 : ಉಡುಪಿಯಲ್ಲಿ ಶುಕ್ರವಾರ ರಾತ್ರಿ ಇಬ್ಬರು ಆಗಂತುಕರು ಚಿನ್ನಾಭರಣ ಮಳಿಗೆ ಮೇಲೆ ಗುಂಡು ಹಾರಿಸಿ ಪರಾರಿಯಾಗಿರುವ ಘಟನೆ ನಡೆದಿದೆ. ರಾತ್ರಿ 7.45ರ ಹೊತ್ತಿಗೆ ಇಬ್ಬರು ಅಪರಿಚಿತರು ಬೈಕಿನಲ್ಲಿ ಬಂದು ಯದ್ವಾತದ್ವಾ ಗುಂಡು ಹಾರಿಸಿ ಬೆಚ್ಚಿಬೀಳಿಸಿದ್ದಾರೆ.

ಐರೋಡಿ ಜುವೆಲ್ಲರ್ಸ್ ಅಂಗಡಿ ಮೇಲೆ ಗುಂಡಿ ದಾಳಿ ಮಾಡಲಾಗಿದೆ. ಮಳಿಗೆಯಲ್ಲಿದ್ದ ನಾಲ್ಕು ಮಂದಿ ಕೆಲಸದವರು ಅಪಾಯದಿಂದ ಪಾರಾಗಿದ್ದಾರೆ. ಅಪರಿಚಿತರು ನಾಲ್ಕು ಸುತ್ತು ಗುಂಡು ಹಾರಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಭೂಗತ ಜಗತ್ತಿನವರ ಕೈವಾಡ ಇರಬಹುದೆಂಬ ಅನುಮಾನಗಳಿವೆ. ಹಫ್ತಾ ವಸೂಲಿ ಮಾಡುವ ತಂತ್ರವೇ ಎನ್ನುವ ಗುಮಾನಿಯೂ ಇದೆ. ಸ್ಥಳೀಯ ಪೊಲೀಸರು ಈ ಬಗ್ಗೆ ತನಿಖೆ ಆರಂಭಿಸಿದ್ದಾರೆ. ಗುಂಡು ಹಾರಿಸಿ ಭೀತಿ ಉಂಟು ಮಾಡಿರುವ ಹಿಂದಿನ ಉದ್ದೇಶವೇನೆಂಬುದು ಬೆಳಕಿಗೆ ಬರಬೇಕಾಗಿದೆ.

English summary

Unidentified people fire on jewellery shop in Udupi on Aug 19 evening. Police suspect hand of underworld. No one is hurt and no one is arrested.