ಐಐಎಸ್‌ಸಿ ಚಿತ್ರದುರ್ಗ ಕ್ಯಾಂಪಸ್ ಲೋಕಾರ್ಪಣೆ ಫೆ. 26ಕ್ಕೆ

ಬೆಂಗಳೂರು, ಫೆ.22: ಚಿತ್ರದುರ್ಗದ ಚಳ್ಳಕೆರೆ ತಾಲೂಕಿನ ಕುದಾಪುರ ಬಳಿ ವಿನೂತನವಾಗಿ ತಲೆಯೆತ್ತಿರುವ ಪ್ರತಿಷ್ಠಿತ ಭಾರತೀಯ ವಿಜ್ಞಾನ ಸಂಸ್ಥೆಯ (ಐಐಎಸ್‌ಸಿ) ಎರಡನೆಯ ಕೇಂದ್ರ ಫೆಬ್ರವರಿ 26ರಂದು ಲೋಕಾರ್ಪಣೆಗೊಳ್ಳಲಿದೆ. ಐಐಎಸ್‌ಸಿಗೆ ಬೆಂಗಳೂರಿನ ನಂತರ ಇದು ಎರಡನೆಯ ಶಾಖೆಯಾಗಿದ್ದು, ಮುಖ್ಯಮಂತ್ರಿ ಯಡಿಯೂರಪ್ಪ ಅವರು ಶನಿವಾರ ಉದ್ಘಾಟಿಸಲಿದ್ದಾರೆ.

1909ರಲ್ಲಿ ಟಾಟಾ ಇನ್‌ಸ್ಟಿಟ್ಯೂಟ್ ಹೆಸರಿನಿಂದ ಆರಂಭವಾದ ಬೆಂಗಳೂರು ಕೇಂದ್ರ ಕಾಲಾಂತರದಲ್ಲಿ ಭಾರತೀಯ ವಿಜ್ಞಾನ ಸಂಸ್ಥೆಯಾಗಿ ಕಂಗೊಳಿಸಿದೆ. ಬೆಂಗಳೂರಿನಲ್ಲಿ 444 ಎಕರೆ ಪ್ರದೇಶದಲ್ಲಿ ಶತಮಾನದಿಂದ ವಿರಾಜಮಾನವಾಗಿರುವ ಸಂಸ್ಥೆಗೆ ಹೊಸ ಕ್ಯಾಂಪಸ್ ವಿಶೇಷ ಮೈಲುಗಲ್ಲು. ಈ ನೂತನ ಕೇಂದ್ರ 1,500 ಎಕರೆ ಸುವಿಶಾಲ ಪ್ರದೇಶದಲ್ಲಿದೆ.

ಸರ್ ಸಿವಿ ರಾಮನ್, ಸಿಎನ್‌ಆರ್ ರಾವ್, ಎಸ್ ಧವನ್ ಅವರಂತಹ ಖ್ಯಾತ ವಿಜ್ಞಾನಿಗಳು ಐಐಎಸ್ಸಿಯಲ್ಲಿ ಛಾಪು ಮೂಡಿಸಿದ್ದಾರೆ. ಇಂತಹ ನೂರಾರು ವಿಜ್ಞಾನಿಗಳು ಹೊಸ ಕೇಂದ್ರದಲ್ಲಿ ಸಂಶೋಧನೆ ಕಾರ್ಯದಲ್ಲಿ ತೊಡಗಿಸಿಕೊಳ್ಳಲಿದ್ದಾರೆ.

English summary

The Second Campus of Indian Institute of Science-Bangalore, will be inaugurated on February 26 by Karnataka CM Yaddyurappa at Chitradurga.