ಬಿಡದಿಯ ನಿತ್ಯಾನಂದಗೆ ಗೌರವ ಡಾಕ್ಟರೇಟ್

ರಾಮನಗರ, ಸೆ.20: ಬಿಡದಿ ಧ್ಯಾನಪೀಠದ ನಿತ್ಯಾನಂದ ಸ್ವಾಮೀಜಿ ಅವರು ಸ್ಪಿರುಚ್ಯುಯೆಲ್‌ ಹೀಲಿಂಗ್‌ (ದೈವಿಕ ಸ್ಪರ್ಶ ಚಿಕಿತ್ಸೆ )ಮೂಲಕ ಸಲ್ಲಿಸುತ್ತಿರುವ ಸೇವೆಯನ್ನು ಪರಿಗಣಿಸಿ ಕೊಲಂಬೊ ಓಪನ್‌ ಇಂಟರ್‌ನ್ಯಾಷನಲ್‌ ಯೂನಿವರ್ಸಿಟಿ ಫಾರ್‌ ಕಾಂಪ್ಲಿಮೆಂಟರಿ ಮೆಡಿಸಿನ್‌ ಸಂಸ್ಥೆ ಗೌರವ ಡಾಕ್ಟರೇಟ್‌ ಪದವಿ ನೀಡಲಿದೆ ಎಂದು ಬಿಡದಿ ನಿತ್ಯಾನಂದ ಧ್ಯಾನಪೀಠದ ಪ್ರಕಟಣೆ ತಿಳಿಸಿದೆ.

2010ರ ನವೆಂಬರ್‌ 12ರಂದು ಶ್ರೀಲಂಕಾದಲ್ಲಿ ನಡೆಯುವ ವರ್ಲ್ಡ್ ಕಾಂಗ್ರೆಸ್‌ ಆಫ್‌ ಇಂಟೆಗ್ರೇಟೆಡ್‌ ಮೆಡಿಸಿನ್‌ನ 48ನೇ ಅಧಿವೇಶನದಲ್ಲಿ ನಿತ್ಯಾನಂದರಿಗೆ ಗೌರವ ಡಾಕ್ಟರೇಟ್‌ ಪ್ರದಾನ ಮಾಡಲಾಗುವುದು. ಇಂಡಿಯನ್‌ ಹೋಲಿಸ್ಟಿಕ್‌ ಮೆಡಿಕಲ್‌ ಅಕಾಡೆಮಿಯ ವೈಜ್ಞಾನಿಕ ಸಮಿತಿ ಶಿಫಾರಸು ಮೇರೆಗೆ ಈ ಪದವಿ ಪ್ರದಾನ ಮಾಡಲಾಗುತ್ತಿದೆ ಎನ್ನಲಾಗಿದೆ.