• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅಪರೂಪದ ಸಸ್ಯಗಳ ನಿಜ ಸಂರಕ್ಷಕ ಗಣೇಶ

By Mahesh
|
Salacia plant
ಕಾರವಾರ, ಆ.31:ಅಪರೂಪದ, ವಿರಳ ಹಾಗೂ ಅಂತಾರಾಷ್ಟೀಯ ಮಟ್ಟದಲ್ಲಿ ಬಹಬೇಡಿಕೆಯಲ್ಲಿರುವ ಸರಂಗಿ(ಸಲೇಶಿಯಾ) ಹಾಗೂ ಗುವಾಡಾ(ಮಾಪಿಯಾ ಫೋಟಿಡಾ)ಔಷಧಿ ಸಸ್ಯಗಳ ಸಂರಕ್ಷಣೆ ರಾಜ್ಯದಲ್ಲಿ ಇದೇ ಪ್ರಥಮ ಬಾರಿಗೆ ಉತ್ತರ ಕನ್ನಡ ಜಿಲ್ಲೆಯ ಕಾರವಾರದ ಬರ್ಗಲ್ ಗ್ರಾಮದಲ್ಲಿ ನಡೆಯುತ್ತಿದೆ. ಗಣೇಶ್ ಎಂಬುವರ ದೆಸೆಯಿಂದ ಇಂದು ಕ್ಯಾನ್ಸರ್ , ಮಧುಮೇಹ ಮುಂತಾದ ಕಾಯಿಲೆಗಳಿಗೆ ಬೇಕಾದ ಔಷಧೀಯ ಸಸ್ಯಗಳು ಇನ್ನೂ ಜೀವಂತವಾಗಿವೆ.

ಕಳೆದ ಮುರ್ನಾಲ್ಕು ದಶಕಗಳಿಂದ ಮಹಾರಾಷ್ಟ್ರ, ಕರ್ನಾಟಕ ಹಾಗೂ ಕೇರಳ ರಾಜ್ಯಗಳ ಪಶ್ಚಿಮ ಘಟ್ಟ ಅರಣ್ಯಗಳಲ್ಲಿ ಅವ್ಯಾಹತ ಕಳ್ಳ ಸಾಗಾಣಿಕೆಯಿಂದಾಗಿ ಈ ಔಷಧ ಸಸ್ಯಗಳು ವಿರಳವಾಗಿದ್ದವು. ಉತ್ತರ ಕನ್ನಡ ಹಾಗೂ ಬೆಳಗಾವಿ ಅರಣ್ಯಗಳಿಂದಲೂ ಈ ಸಸ್ಯಗಳನ್ನು ಈವರೆಗೂ ದೋಚಲಾಗುತ್ತಿತ್ತು. ಔಷಧಿ ಕಂಪನಿಗಳಿಂದ ಈ ಸಸ್ಯಗಳಿಗಿರುವ ಬೇಡಿಕೆಯಿಂದಾಗಿ ಇವುಗಳನ್ನು ರಾಜಾರೋಷವಾಗಿ ಸಾಗಿಸಲಾಗುತ್ತಿತ್ತು. ಆದರೆ ಇತ್ತೀಚಿನ ಅರಣ್ಯ ಇಲಾಖೆಯ ಕಾರ್ಯಚರಣೆಗಳಿಂದ ಕಳ್ಳ ಸಾಗಾಣೆದಾರರಿಗೆ ಸ್ವಲ್ಪ ತಡೆಯುಂಟಾಗಿದೆ.

ಸಲೇಶಿಯಾ(salacia plant) ಹಾಗೂ ಮಾಪ್ಪಿಯಾ(mappia foetida) ಔಷಧಿ ಗಿಡಗಳ ಸಂರಕ್ಷಣೆಗೆ ಕಾರವಾರದ ಗಣೇಶ ನೇವರೇಕರ್ ಈಗ ಮುಂದಾಗಿ ಈ ಸಸ್ಯಗಳ ನರ್ಸರಿ ಹಾಗೂ ನೆಡುತೋಪುಗಳನ್ನು ಬರ್ಗಲ್‌ದಲ್ಲಿ ಬೆಳೆಸುತ್ತಿದ್ದಾರೆ.ಸಕ್ಕರೆ ರೋಗ ಹಾಗೂ ಕ್ಯಾನ್ಸರ್ ಚಿಕಿತ್ಸೆಗಳಿಗೆ ರಾಮಬಾಣವಾಗಿರುವ ಈ ಸಸ್ಯಗಳಿಗೆ ಈಗ ಎಲ್ಲಲ್ಲದ ಬೇಡಿಕೆಯಿದೆ. ಎಂ.ಬಿ.ಎ ಪದವಿ ಮುಗಿಸಿದ ನಂತರ ಸ್ವ - ಉದ್ಯೋಗ ಕೈಗೊಳ್ಳುವ ವಿಚಾರದಲ್ಲಿದ್ದ ಗಣೇಶನಿಗೆ ಅಯುರ್ವೆದ ತಜ್ಞ ದಿ: ಡಾ ಫಾಯದೆ ಮಾರ್ಗದರ್ಶನ ನೀಡಿದ್ದರು.

ಕಾರವಾರದ ಸರಕಾರಿ ಕಾಲೇಜಿನ ಸಸ್ಯ ಶಾಸ್ತ್ರಜ್ಞ ಪ್ರೋ. ಜಯಕರ ಭಂಡಾರಿ ಅವರು ಈ ಔಷಧಿ ಸಸ್ಯಗಳ ಕಳ್ಳಸಾಗಣೆ ಹಾಗೂ ಇವುಗಳ ಮಹತ್ವವನ್ನು ತಿಳಿಸಿ ನೆಡುತೋಪು ಹಾಗೂ ಸಂರಕ್ಷಣೆಗೆ ದಾರಿ ತೋರಿಸಿದರು. ಹೀಗಾಗಿ ಸದ್ಯ ಕಾಡಿನಂಥ ತೋಟದಲ್ಲಿ ಈ ಎರಡು ಸಸ್ಯಗಳನ್ನು ಗಣೇಶ ಬೆಳೆಸುತ್ತಿದ್ದಾರೆ.

ಅಲ್ಲದೆ ಈ ಸಸ್ಯಗಳ ಸಂರಕ್ಷಣೆ ಹಾಗೂ ಮಹತ್ವ ಕುರಿತು ತಮ್ಮ ಪರಿಚಯಸ್ಥರಲ್ಲಿ ಜಾಗೃತಿ ಮೂಡಿಸಿ ಅವರನ್ನು ಸಹ ಈ ಕಾರ್ಯದಲ್ಲಿ ತೊಡಗಿಸಿಕೊಂಡಿದ್ದಾರೆ. ಸದ್ಯ 6 ಜನರು ಇವರ ಕೈ ಜೋಡಿಸಿದ್ದಾರೆ. ಸದ್ಯ ಅವರು ಸಲೇಶಿಯಾ ಹಾಗೂ ಮಾಪಿಯಾ ಸಸ್ಯಗಳ ಸಸಿಗಳನ್ನು ರಿಯಾಯತಿ ದರದಲ್ಲಿ ನೀಡುತ್ತಿದ್ದು ಕೆಲ ಔಷಧಿ ಕಂಪನಿಗಳೊಂದಿಗೆ ಒಡಂಬಡಿಕೆ ಮಾಡಿಕೊಂಡಿದ್ದಾರೆ.

ಇವುಗಳ ಜೊತೆ ಇತರೆ ಕೆಲ ಔಷಧಿ ಹಾಗೂ ಸುಗಂಧಿ ದ್ರವ್ಯ ಸಸ್ಯಗಳನ್ನು ಸಹ ಗಣೇಶ ಬೆಳೆಸುತ್ತಿದಾರೆ. ಪಚೋಲಿ, ವೆಟಿವರ್ ಹಾಗೂ ಲೆಮನ್ ಗ್ರಾಸ್‌ಗಳನ್ನು ಬೆಳೆದು ಇವುಗಳಿಂದ ಸುಗಂಧ ಎಣ್ಣೆಯನ್ನು ಉತ್ಪಾದಿಸುತ್ತಾರೆ. ಗಣೇಶ ನೇವರೇಕರ ಅವರನ್ನು ಮೋಬೈಲ್ ಸಂ: 94481 05381 ಮೂಲಕ ಸಂಪರ್ಕಿಸಬಹುದಾಗಿದೆ.

lok-sabha-home

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more