ಬಿಐಎಎಲ್ ನಲ್ಲಿ ಆಂತಕ ಸೃಷ್ಟಿಸಿದ್ದ ಹುಸಿ ಬೆದರಿಕೆ

ಬೆಂಗಳೂರು, ಜೂ.27: ದೇವನಹಳ್ಳಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಶನಿವಾರ ಹುಸಿಬಾಂಬ್ ಕರೆಯಿಂದಾಗಿ ಕೆಲಕಾಲ ಆತಂಕದ ವಾತಾವರಣ ನಿರ್ಮಾಣವಾಗಿತ್ತು. ಸಂಜೆ ಸುಮಾರು ಆರು ಗಂಟೆ ವೇಳೆಗೆ ಅಹಮದಾಬಾದಿಗೆ ತೆರಳುತ್ತಿದ್ದ ಪ್ರಯಾಣಿಕರ ಬ್ಯಾಗೊಂದರಲ್ಲಿ ಸಂಶಯಾಸ್ಪದ ವಸ್ತು ಪತ್ತೆಯಾಗಿತ್ತು.

ಸಂಶಯಾಸ್ಪದ ವಸುವನ್ನು ಲೋಹ ಪರಿಶೋಧಕ ಇದನ್ನು ಪತ್ತೆ ಮಾಡಿತು. ಅಂತಿಮವಾಗಿ ಅದು ಮಕ್ಕಳ ಆಟದ ಸಾಮಾನು ಎಂದು ಪೊಲೀಸ್ ಮೂಲಗಳು ತಿಳಿಸಿವೆ. ಸಂಶಯ ಬಂದ ಕೂಡಲೇ ಭದ್ರತೆಯನ್ನು ಮತ್ತಷ್ಟು ಬಿಗಿಗೊಳಿಸಿದ ಪೊಲೀಸರು ಪ್ರಯಾಣಿಕರ ವಸ್ತುಗಳನ್ನು ಕೂಲಂಕಷವಾಗಿ ಪರಿಶೀಲಿಸಿದರು.

ತಪಾಸಣೆಗೆ ಶ್ವಾನ ದಳ ಹಾಗೂ ಬಾಂಬ್ ನಿಷ್ಕ್ರಿಯ ದಳವನ್ನೂ ಬಳಸಿಕೊಳ್ಳಲಾಯಿತು.
ಅಂತಿಮವಾಗಿ ಅದೊಂದು ಹುಸಿ ಬೆದರಿಕೆ ಎಂಬುದು ಸಾಬೀತಾದ ಬಳಿಕ ಆತಂಕ ದೂರವಾಯಿತು.