ಕಿಂಗ್ ಫಿಷರ್ ಗೆ ಗೋಪಿನಾಥ್ ಗುಡ್ ಬೈ

ಬೆಂಗಳೂರು, ಮಾ. 25 : ದೇಶದಲ್ಲಿ ಅಗ್ಗದ ವಿಮಾನಯಾನ ಆರಂಭಿಸಿದ್ದ ಕ್ಯಾಪ್ಟನ್ ಜಿ ಆರ್ ಗೋಪಿನಾಥ್ ಅವರು ಕಿಂಗ್ ಫಿಷರ್ ಏರಲೈನ್ಸ್ ಆಡಳಿತ ಮಂಡಳಿಯ ನಿರ್ದೇಶಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದಾರೆ.

ಬುಧವಾರ ಇಲ್ಲಿ ನಡೆದ ಆಡಳಿತ ಮಂಡಳಿಯ ಸಭೆಯಲ್ಲಿ ಕ್ಯಾ.ಜಿ ಆರ್ ಗೋಪಿನಾಥ್ ಮತ್ತು ಕ್ಯಾ. ಜಿ.ಕೆ ಸ್ಯಾಮ್ಯುಯೆಲ್ ಅವರು ನಿರ್ದೇಶಕ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ ಎಂದು ಕಿಂಗ್ ಫಿಷರ್ ಏರ್ ಲೈನ್ಸ್ ವಕ್ತಾರರು ತಿಳಿಸಿದ್ದಾರೆ. ಗೋಪಿನಾಥ್ ಅವರ ಡೆಕ್ಕನ್ ಏವಿಯೇಷನ್ನನ್ನು ವಿಜಯ್ ಮಲ್ಯ ನೇತೃತ್ವದ ಕಿಂಗ್ ಫಿಷರ್ ಏರ್ ಲೈನ್ಸ್ ಸ್ವಾಧೀನಪಡಿಸಿಕೊಂಡಿತ್ತು. ನಂತರ ಗೋಪಿನಾಥ್ ಅವರನ್ನು ಉಪಾಧ್ಯಕ್ಷರನ್ನಾಗಿ ನೇಮಿಸಲಾಗಿತ್ತು.