44 ಡೀಮ್ಡ್ ವಿವಿಗಳಿಗೆ ನೋಟಿಸ್

ನವದೆಹಲಿ, ಫೆ. 26 : ಡೀಮ್ಡ್ ವಿಶ್ವವಿದ್ಯಾಲಯ ಮಾನ್ಯತೆಯನ್ನು ಏಕೆ ರದ್ದುಗೊಳಿಸಬಾರದು ಎಂದು ಕಾರಣ ದೇಶಾದ್ಯಂತ ಇರುವ 44 ಡೀಮ್ಡ್ ವಿವಿಗಳಿಗೆ ನೋಟಿಸ್ ಜಾರಿಗೊಳಿಸಲು ಕೇಂದ್ರ ಸರಕಾರ ನಿರ್ಧರಿಸಿದೆ.

ಯುಜಿಸಿ ನೀಡಿದ ಸಲಹೆ ಹಾಗೂ ಸರಕಾರ ನಿಗದಿಪಡಿಸಿದ ಮಾನದಂಡವನ್ನು ಪಾಲಿಸುವಲ್ಲಿ ವಿಫಲವಾಗಿರುವ ಡೀಮ್ಡ್ ವಿವಿಗಳ ಮಾನ್ಯತೆಯನ್ನು ರದ್ದುಪಡಿಸುವ ಅಧಿಕಾರ ತನಗಿದೆ ಎಂದು ಕೇಂದ್ರ ಮಾನವ ಸಂಪನ್ಮೂಲ ಸಚಿವಾಲಯವು ಕೋರ್ಟ್ ಗೆ ಸಲ್ಲಿಸಿದ ಹೆಚ್ಚುವರಿ ಅಫಿಡವಿಟ್ ನಲ್ಲಿ ಹೇಳಿದೆ.

ಸರಕಾರ ಹಾಗೂ ಯುಜಿಸಿ ನಿಗದಿಪಡಿಸಿದ ಮಾನದಂಡವನ್ನು ಪಾಲಿಸುವಲ್ಲಿ ವಿಫಲಗೊಂಡು ಪರಿಶೀಲನಾ ಸಮಿತಿಯಿಂದ ಡೀಮ್ಡ್ ಮಾನ್ಯತೆ ರದ್ದತಿ ಶಿಫಾರಸ್ಸಿಗೆ ಒಳಪಟ್ಟಿರುವ ಡೀಮ್ಡ್ ವಿವಿಗಳಿಗೆ ನೀಡಲಾಗಿರುವ ಡೀಮ್ಡ್ ಮಾನ್ಯತೆಯನ್ನು ಏಕೆ ರದ್ದುಗೊಳಿಸಬಾರದು ಎಂದು ನೋಟಿಸ್ ನೀಡುವ ಮೂಲಕ ಈ ಸಂಸ್ಥೆಗಳಿಗೆ ಮಾನ್ಯತೆ ಉಳಿಸಿಕೊಳ್ಳಲು ಮತ್ತೊಂದು ಅವಕಾಶ ನೀಡಲಾಗಿದೆ ಎಂದು ಸರಕಾರ ಕೋರ್ಟ್ ಗೆ ತಿಳಿಸಿದೆ.