ಗಾಂಧಿನಗರದಲ್ಲಿ ಜ್ಯೋತಿಷ್ಯ ವಿದ್ವಾಂಸರ ಸಮ್ಮೇಳನ

ಬೆಂಗಳೂರು, ಜ. 23:ಭಾರತೀಯ ವೈದಿಕ-ವಾಸ್ತು-ಜ್ಯೋತಿಷ್ಯ ವಿದ್ವಾಂಸರ ಸಮ್ಮೇಳನ ಜ.24ರಂದು ಬೆಳಗ್ಗೆ 9.30ಕ್ಕೆ ನಡೆಯಲಿದೆ. ನಾನಾ ಜ್ಯೋತಿಷ್ಯರು, ಪಂಡಿತರ ನಡುವಿನ ಭಿನ್ನಾಭಿಪ್ರಾಯ ಹೋಗಲಾಡಿಸಿ ಪ್ರಾಚೀನ ವಿದ್ಯೆಯಾದ ಜ್ಯೋತಿಷ್ಯಕ್ಕೆ ಶಕ್ತಿ ತುಂಬಲು ಈ ಸಮ್ಮೇಳನವನ್ನು ಕಾಶಿಯ ಭಾರತೀಯ ವೈದಿಕ ಜ್ಯೋತಿಷ್ಯ ಸಂಸ್ಥಾನದ ಬೆಂಗಳೂರು ಶಾಖೆ ಏರ್ಪಡಿಸಿದೆ ಎಂದು ಸಂಸ್ಥಾನದ ಸಂಚಾಲಕ ಮಾಲಿ ಪಂಡಿತ್ ಮನೋಜ್ ಶಾಸ್ತ್ರಿ ಪತ್ರಿಕಾಗೋಷ್ಠಿ ಯಲ್ಲಿ ತಿಳಿಸಿದರು.

ಈ ಸಮ್ಮೇಳನ ಗಾಂಧಿನಗರದ ಆಚಾರ್ಯ ತುಳಸೀಮಾರ್ಗದಲ್ಲಿರುವ ಶ್ರೀ ತೇರಾಪಂಥ್ ಜೈನ್ ಸಭಾ ಭವನದಲ್ಲಿ ನಡೆಯಲಿದೆ. ಡಾ. ಶಿವಕುಮಾರ ಸ್ವಾಮೀಜಿ ಸಾನ್ನಿಧ್ಯದಲ್ಲಿ ರಾಜ್ಯಪಾಲ ಹಂಸರಾಜ್ ಭಾರದ್ವಾಜ್ ಕಾರ್ಯಕ್ರಮ ಉದ್ಘಾಟಿಸುವರು. ಸಂಸ್ಥಾನದ ರಾಷ್ಟ್ರೀಯ ಅಧ್ಯಕ್ಷ ಡಾ.
ಪುರುಷೋತ್ತಮ್ ದಾಸ್ ಗುಪ್ತ, ಮತ್ತಿತರರು ಭಾಗವಹಿಸುವರು ಎಂದರು. ಮಾಹಿತಿಗೆ ಮೊಬೈಲ್: 93412 53226.