ತುಮಕೂರು ಬಳಿ ಜಪಾನಿ ಕೈಗಾರಿಕಾ ಗ್ರಾಮ

ಬೆಂಗಳೂರು, ಜ.16: ಜಪಾನ್ ದೇಶದ ಬಂಡವಾಳ ಹೂಡಿಕೆದಾರರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ರಾಜ್ಯ ಸರಕಾರ ದಾಪುಗಾಲು ಹಾಕಿದೆ. ಜಪಾನಿನ ವಾಣಿಜ್ಯ ಮತ್ತು ಔದ್ಯಮಿಕ ಸಂಕೀರ್ಣಗಳನ್ನು ಒಂದು ಸಾವಿರ ಎಕರೆ ಪ್ರದೇಶದಲ್ಲಿ ನಿರ್ಮಿಸಲು ರಾಜ್ಯ ಸರಕಾರ ಮುಂದಾಗಿದೆ.

ತುಮಕೂರು ಬಳಿ ಕೈಗಾರಿಕಾ ಜಪಾನಿ ಗ್ರಾಮವನ್ನು ನಿರ್ಮಿಸಲಾಗುತ್ತದೆ ಎಂದು ಕೈಗಾರಿಕೆ ಇಲಾಖೆ ಪ್ರಧಾನ ಕಾರ್ಯದರ್ಶಿ ವಿ.ಪಿ. ಬಳಿಗಾರ್ ತಿಳಿಸಿದ್ದಾರೆ. ಸರಕಾರ ಈಗಾಗಲೆ ರು.1,70,000 ಕೋಟಿಗೆ ಹಾಗೂ ಸಣ್ಣ ಮತ್ತು ಮಧ್ಯಮ ಕೈಗಾರಿಕೆಗಳ ಸ್ಥಾಪನೆಗೆ ರು.750 ಕೋಟಿಗಳ ಅನುಮೋದನೆ ನೀಡಿದೆ. ಆಟೋಮೊಬೈಲ್ ಉದ್ದಿಮೆಗಳನ್ನು ಆಕರ್ಷಿಸಲು ಸರಕಾರ ಪ್ರಯತ್ನಿಸುತ್ತಿದೆ ಎಂದರು.