ಬಿಜಾಪುರ: ಖಾದಿ ಪ್ರದರ್ಶನ ಮತ್ತು ಮಾರಾಟ ಮೇಳ

ಬಿಜಾಪುರ ಜ 11 :ಸತತ ಒಂಭತ್ತನೇ ವರ್ಷದ ಖಾದಿ ಪ್ರದರ್ಶನ ಮತ್ತು ಮಾರಾಟ ಮೇಳ ಇಂದಿನಿಂದ ಬಿಜಾಪುರದಲ್ಲಿ ಆರಂಭವಾಗಿದೆ. ನಗರದ ಕಂಡಗಲ್ ಹನುಮಂತ್ರೈ ರಂಗ ಮಂದಿರದಲ್ಲಿ ಜನವರಿ 11 ರಿಂದ 26ನೇ ತಾರೀಕಿನವರೆಗೆ ಈ ಮೇಳ ನಡೆಯಲಿದ್ದು ಸಾರ್ವಜನಿಕರು ಖಾದಿಯನ್ನು ಪ್ರೋತ್ಸಾಹಿಸಬೇಕೆಂದು ಉತ್ಸವ ಸಮಿತಿಯ ಉಪಾದ್ಯಕ್ಷ ಬಾಬು ಗೌಡಪಾಟೀಲ್ ಹೇಳಿದರು.

ಶ್ರೀ ಶಾಂತ ಮಲ್ಲಿಕಾರ್ಜುನ ಮಹಾಸ್ವಾಮೀಜಿಯವರು ಇಂದು ಬೆಳಗ್ಗೆ ಸಮ್ಮೇಳನವನ್ನು ಉದ್ಘಾಟಿಸಿದರು. ಪ್ರತಿ ವರ್ಷ ಆಯೋಜಿಸಲಾಗುವ ಈ ಖಾದಿ ಸಮ್ಮೇಳನಕ್ಕೆ ಕಳೆದ ಮೂರೂ ವರ್ಷ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು. 2007 ರಲ್ಲಿ 85 ಲಕ್ಷ, 2008 ರಲ್ಲಿ 92 ಲಕ್ಷ ಮತ್ತು 2009 ರಲ್ಲಿ 78 ಲಕ್ಷ ಖಾದಿ ಉತ್ಪನ್ನಗಳ ಮಾರಾಟ ಈ ಮೇಳದಲ್ಲಿ ನಡೆದಿತ್ತು. ಈ ವರ್ಷವೂ ಕನಿಷ್ಠ 75 ಲಕ್ಷ ರೂಗಳಷ್ಟು ಮಾರಾಟದ ಗುರಿ ಹೊಂದಿದ್ದೇವೆ ಎಂದು ಬಾಬುಗೌಡಪಾಟೀಲ್ ತಿಳಿಸಿದರು.