ದೇವರನಿಂಬರಗಿ : ಕೊಳವೆ ಬಾವಿಗೆ ಬಿದ್ದ ಬಾಲಕಿ

ದೇವರ ನಿಂಬರಗಿ(ಬಿಜಾಪುರ), ಆ. 31 : ಅಜ್ಜಿಯೊಂದಿಗೆ ಮೇಕೆ ಮೇಯಿಸಲು ಹೋಗಿದ್ದ ಬಾಲಕಿಯೊಬ್ಬಳು ಸುಮಾರು 60 ಅಡಿ ಆಳದ ಕೊಳವೆ ಬಾವಿಗೆ ಬಿದ್ದಿರುವ ದಾರುಣ ಘಟನೆ ನಡೆದಿದೆ. ಕಾಂಚನ (ಯೇಗವ್ವ) ಎಂಬ ನಾಲ್ಕ ವರ್ಷದ ಬಾಲಕಿ ಕೊಳೆವೆ ಬಾವಿಗೆ ಬಿದ್ದು ದುರ್ದೈವೆ. ಬಿಜಾಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ದೇವರ ನಿಂಬರಗಿ ಗ್ರಾಮದಲ್ಲಿ ಈ ದುರ್ಘಟನೆ ನಡೆದಿದೆ.

ಇಂದು ಬೆಳಗ್ಗೆ ಅಜ್ಜಿಯೊಂದಿಗೆ ಮೇಕೆ ಮೇಯಿಸಲು ಹೊರಟಿದ್ದ ಕಾಂಚನ ಆಕಸ್ಮಿಕವಾಗಿ ಕೊಳವೆಯೆಡೆಗೆ ಹೋದದ್ದೆ ಪ್ರಮಾದವಾಯಿತು. ನೋಡು ನೋಡುತ್ತಿದ್ದಂತೆಯೇ ಕಾಂಚನ ಕೊಳೆವೆ ಬಾವಿಯೊಳಗೆ ಬಿದ್ದಿದ್ದಾಳೆ. ಬಿದ್ದ ತಕ್ಷಣ ಚೀರಾಟ ಕೂಗಾಟ ನಡೆಸಿದ್ದಾಳೆ. ಘಟನೆಯೂ ಮಧ್ಯಾನ್ಹ 12.30 ರ ಸುಮಾರಿಗೆ ನಡೆದಿದೆ. ಘಟನೆ ನಡೆದು ನಾಲ್ಕೈದು ಗಂಟೆ ಸರಿದಿದೆ. ಬಾಲಕಿ ರಕ್ಷಣೆಗೆ ಜಿಲ್ಲಾಡಳಿತ ಧಾವಿಸಿದ್ದು, ಕೊಳೆವೆ ಭಾವಿಯೊಳಗೆ ಆಮ್ಲಜನಕ ವ್ಯವಸ್ಥೆ ಮಾಡಲಾಗಿದೆ. ಆದರೆ, ಬಾಲಕಿ ಪತ್ತೆ ಇನ್ನೂ ಸಿಕ್ಕಿಲ್ಲ.

ಪೊಲೀಸರು, ತುರ್ತು ಚಿಕಿತ್ಸೆ ವಾಹನ ಮತ್ತಿತರ ಸ್ಥಳದಲ್ಲಿ ಠಿಕಾಣಿ ಹೂಡಿದ್ದಾರೆ. ಕೊಳೆವೆ ಬಾವಿ ತೆಗೆಸಿದ್ದ ಮಾಲೀಕ ರಾಮಚಂದ್ರ ಮಾತನಾಡಿ, ಕೊಳೆವೆ ಭಾವಿಯಲ್ಲಿ ಇತ್ತೀಚೆಗೆ ತೆಗೆಸಲಾಗಿತ್ತು. ಆದರೆ, 150 ಅಡಿ ತೆಗೆಸಿದರೂ ನೀರು ಬಿದ್ದರಲಿಲ್ಲ. ಆದನ್ನು ಮುಚ್ಚಿರಲಿಲ್ಲ. ಆದರೆ, ಬಾಲಕಿ ಬಿದ್ದಿರುವುದು ತುಂಬಾ ಬೇಸರವಾಗಿದೆ ಎಂದು ಹೇಳಿದ್ದಾರೆ. ಬಿಜಾಪುರ ಜಿಲ್ಲಾಧಿಕಾರಿ ಶಾಂತರಾಜ್ ಸ್ಥಳಕ್ಕೆ ಆಗಮಿಸಿದ್ದು, ಬಾಲಕಿ ರಕ್ಷಣೆಗೆ ಸಕಲ ವ್ಯವಸ್ಥೆ ನಡೆಸಿದ್ದಾರೆ. ಹೆಚ್ಚಿನ ಮಾಹಿತಿಗೆ ನಿರೀಕ್ಷಿಸಲಾಗಿದೆ.

(ದಟ್ಸ್ ಕನ್ನಡ ವಾರ್ತೆ)