ತರಬೇತಿ ವಿಮಾನ ಅಪಘಾತ : 2 ಸಾವು

ಹೈದರಾಬಾದ್, ಜು. 31 : ಇಂಡಿಯನ್ ಏರ್ ಲೈನ್ಸ್ ಗೆ ಸೇರಿದ ತರಬೇತಿ ವಿಮಾನವೊಂದು ಅಪಘಾತಕ್ಕೀಡಾದ ಪರಿಣಾಮ ತರಬೇತಿ ನೀಡುತ್ತಿದ್ದ ಇಬ್ಬರು ಪೈಲೆಟ್ ಗಳು ಸಾವನ್ನಪ್ಪಿರುವ ಘಟನೆ ಮೆಡಕ್ ಜಿಲ್ಲೆಯಲ್ಲಿ ಶುಕ್ರವಾರ ಬೆಳಗ್ಗೆ 9.45 ರ ಸುಮಾರು ನಡೆದಿದೆ.

ದುಂಡಿಗಲ್ ಏರ್ ಫೋರ್ಸ್ ಅಕಾಡೆಮಿಗೆ ಸೇರಿದ ಎಚ್ ಪಿಟಿ 32 ಎಂಬ ಹೆಸರಿನ ವಿಮಾನ ಇದಾಗಿದ್ದು, ಅಕಾಡೆಮಿಯ ಹತ್ತಿರ ಅನ್ನರಾಂ ಗ್ರಾಮದ ಬಳಿ ಈ ಅವಘಡ ಸಂಭವಿಸಿದೆ. ತರಬೇತಿ ನೀಡುತ್ತಿದ್ದ ರಿತೀನ್ ಜೈನ್ ಮತ್ತು ಚತುರ್ವೇದಿ ಎಂಬುವವರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಘಟನೆಗೆ ಕಾರಣ ತಿಳಿದು ಬಂದಿಲ್ಲ. ಪೊಲೀಸರು ತನಿಖೆ ಕೈಗೊಂಡಿದ್ದಾರೆ ಎಂದು ಪೊಲೀಸ್ ಮೂಲಗಳು ತಿಳಿಸಿವೆ.

(ಏಜನ್ಸೀಸ್)