ಹೊಸ ಮೈಲುಗಲ್ಲು ಸ್ಥಾಪಿಸಿದ ಫೆಡರರ್

ಪ್ಯಾರಿಸ್, ಜೂ. 8 : ಸ್ವಿಜರಲ್ಯಾ೦ಡ್ ನ ರೋಜರ್ ಫೆಡರರ್ ಫ್ರೆಂಚ್ ಓಪನ್ ಪ್ರಶಸ್ತಿ ಗೆಲ್ಲುವುದರೊಂದಿಗೆ ಅಮೆರಿಕದ ಪೀಟ್ ಸಾ೦ಪ್ರಸ್ ಅವರ 14 ಗ್ರಾಂಡ್ ಸ್ಲ್ಯಾಮ್ ಪ್ರಶಸ್ತಿಗಳ ದಾಖಲೆಯನ್ನು ಸರಿಗಟ್ಟಿ ಹೊಸ ಮೈಲುಗಲ್ಲು ಸ್ಥಾಪಿಸಿದರು. ಭಾನುವಾರ ಪ್ರಶಸ್ತಿ ಸುತ್ತಿಗಾಗಿ ನಡೆದ ಪಂದ್ಯದಲ್ಲಿ ವಿಶ್ವದ ಎರಡನೇ ಶ್ರೇಯಾಂಕದ ಫೆಡರರ್ ಸ್ವೀಡನ್ ನ ರಾಬಿನ್ ಸೋರ್ಡಲಿಂಗ್ ವಿರುದ್ಧ 6-1, 7-6, 6-4 ನೇರ ಸೆಟ್ ಗಳ ಮೂಲಕ ಜಯ ಸಾಧಿಸಿದರು.

ಅವೆ ಅಂಕಣದಲ್ಲಿ ಆಡುವ ಫ್ರೆಂಚ್ ಓಪನ್ ನಲ್ಲಿ ಫೆಡರರ್ ಸತತ ಮೂರು ಬಾರಿ ಫೈನಲ್ ನಲ್ಲಿ ನಡಾಲ್ ವಿರುದ್ಧ ಸೋಲು ಅನುಭವಿಸಿದ್ದರು. ನಾಲ್ಕನೇ ಪ್ರಯತ್ನದಲ್ಲಿ ಯಶಸ್ಸು ಸಾಧಿಸುವ ಮೂಲಕ ಕೆಂಪು ಮಣ್ಣಿನ ಅಂಕಣದಲ್ಲೂ ತಮ್ಮ ಅಧಿಪತ್ಯ ಸ್ಥಾಪಿಸುವಲ್ಲಿ ಯಶಸ್ವಿಯಾದರು. ಫೆಡರರ್ ಗ್ರ್ಯಾಂಡ್ ಸ್ಲ್ಯಾಮ್ ಟೂರ್ನಿಗಳಾದ ವಿ೦ಬಲ್ಡನ್, ಆಸ್ಟ್ರೇಲಿಯನ್ ಓಪನ್, ಯು ಎಸ್ ಓಪನ್ ಮತ್ತು ಫ್ರೆಂಚ್ ಓಪನ್ ಗೆಲ್ಲುವುದರೊಂದಿಗೆ ಎಲ್ಲಾ ನಾಲ್ಕು ಗ್ರ್ಯಾಂಡ್ ಸ್ಲ್ಯಾಮ್ ಟೂರ್ನಿ ಗೆದ್ದ ವಿಶ್ವದ ಆರನೇ ಆಟಗಾರ ಎಂಬ ಗೌರವಕ್ಕೆ ಪಾತ್ರರಾದರು.

ಪೇಸ್ ಜೋಡಿಗೆ ಫ್ರೆಂಚ್ ಕಿರೀಟ

ಫ್ರೆಂಚ್ ಓಪನ್ ಪುರುಷರ ಡಬಲ್ಸ್ ನಲ್ಲಿ ಭಾರತದ ಲಿಯಾಂಡರ್ ಪೇಸ್ ಹಾಗೂ ಜೊತೆ ಆಟಗಾರ ಜೆಕ್ ಗಣರಾಜ್ಯದ ಲುಕಾಸ್ ಡ್ಲೌಹಿ ಪ್ರಶಸ್ತಿ ಗೆದ್ದುಕೊಂಡಿದೆ. ಶನಿವಾರ ಪ್ಯಾರಿಸ್ ನಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಇಂಡೋ-ಚೆಕ್ ಜೋಡಿ ದಕ್ಷಿಣ ಆಫ್ರಿಕಾದ ವೆಸ್ಲಿ ಮೂಡಿ ಹಾಗೂ ಬೆಲ್ಜಿಯಂನ ಡಿಕ್ ನಾರ್ಮನ್ ಅವರನ್ನು 3-6, 6-3, 6-2 ಸೆಟ್ ನಿಂದ ಸೋಲಿಸಿ ಪ್ರಶಸ್ತಿ ಗೆದ್ದುಕೊಂಡರು.

(ಏಜನ್ಸೀಸ್)